Read De Bibel JHF Jesaja 35 Bible Online

Jesaja 35 - De Bibel JHF bible

Jesaja 35

¹De Wieste un daut drieeje Launt woaren sikj freien, un de Stap woat sikj freien un opblieejen aus eene Lelje.

²See woat en vollem Blieechsel stonen un sikj freien, jo, freien un jublen; de Harlichkjeit vom Libanon es ar jejäft, de Pracht vom Karmel un Scharon: See woaren de Harlichkjeit Gottes seenen, de Pracht von onsem Gott.

³Stoakjt de schlaupe Henj un moakt de wankende Kjnee faust!

⁴Sajcht to dän, dee em Hoat vezoagt sent: Siet stoakj, fercht junt nich! Kjikj, jun Gott kjemt, Rach kjemt, de Vejeltunk Gottes! Hee selfst kjemt un woat junt raden.

⁵Dan woaren de blinje Uagen opjedonen un de Uaren de Doowe opjemoakt woaren;

⁶dan woat de Loma hupsen aus een Hersch, un de Tung de Stomme woat jublen. Dan doa komen Wota enne Wieste väa, un Streem en de Stapen;

⁷un hee woat de Gloothett toom Bach (Läch), un daut drieeje Launt too Wotakjwalen; aun de Wonstäd de Schakale, woa see loagren, woat Grauss biem Rua un Schelp sennen.

⁸Un doa woat eene Gauss un een Wajch sennen, un hee woat de heilja Wajch jenant woaren; kjeen Orreina woat doaräwa gonen, sonda hee woat fa an sennen. Wäa opp däm Wajch waundelt — selfst Eenfeltje woaren nich erregonen.

⁹Doa woat kjeen Leiw sennen, un kjeen rietendet Tia woat doabowen gonen noch doa jefungen woaren; un de Erleeste woaren doabowen gonen.

¹⁰Un de frie jemoakte Gottes woaren trigjkomen un no Zion met Jubel komen, un eewje Freid woat äwa äarem Haupt sennen; see woaren Jlekj un Freid erlangen, un Trua un Seften woaren doavon ranen.