Read De Bibel JHF Jeremia 2 Bible Online

Jeremia 2 - De Bibel JHF bible

Jeremia 2

¹Un daut Wuat Gottes wia to mie aulsoo:

²Go un roop ver de Uaren Jerusalems un saj: Soo sajcht de Har: Ekj ha aun diene jugentliche Tooneijunk jedocht, de Leew aus du Brut wieescht, dien Waundel hinja mie häa, enne Wieste, em onbeseiden Launt.

³Israel wia däm Harn heilich, dee Ieeschta von siene Frucht; aule, dee an fräten wullen, muaken sikj schuldich: Onjlekj kaum äwa an, sajcht de Har.

⁴Hieet daut Wuat Gottes, Hus Jakob un aule Jeschlajchta vom Hus Israel!

⁵Soo sajcht de Har: Waut ha june Vodasch Orrajchtet aun mie jefungen, daut see sikj von mie aufjedreit ha un däm nuschtjen Jetzen nojegonen un toonuscht jeworden sent?

⁶Un see säden nich: Wua es de Har, dee ons ut däm Launt Ägipten rutjefieet haft, dee ons en de Wieste leid, en däm Stapenlaunt un Kule, en däm drieejen Launt un däm Doodesschauten, en däm Launt, derch däm kjeena waundelt, un woa kjeen Mensch wont?

⁷Un ekj brocht junt en een Goadenlaunt, om siene Frucht un siene Arnt to äten; un jie kaumen han un veonreinijde mien Launt, un mien Oawgoot ha jie toom Aufschu jemoakt.

⁸De Priesta säden nich: Wua es de Har? Un dee daut Jesaz hauden, kjanen mie nich, un de Hoads vollen von mie auf; un de Profeeten profezeide derch dän Baal un sent dän nojegonen, dee nuscht nutzte.

⁹Doarom woa ekj wieda met junt rechten, sajcht de Har; un met june Kjinjaschkjinja woa ekj rechten.

¹⁰Dan got äwa no de Inslen de Kittäa un kjikjt, un schekjt no Kedar un moakjt sea jeneiw un kjikjt, auf daut doa soo passieet es!

¹¹Haft irjent eene Nazion de Jetta vetuscht? Un doch sent see nich Jetta; oba mien Volkj haft siene Harlichkjeit vetuscht jäajen daut, waut nuscht nuzt.

¹²Entsatzt junt doaräwa, jie Himmel, un kjikjt sea schudahauft! Sajcht de Har.

¹³Dan dobbelt Beeset haft mien Volkj begonen: Mie, de Kjwal vom läwendjen Wota, ha see veloten, om sikj Borms uttohaken, lajchaje Borms, de kjeen Wota hoolen.

¹⁴Es Israel een Kjnajcht, ooda es hee een Husjebuarna? Wuarom es hee toom Raup jeworden?

¹⁵Junge Leiws ha jäajen am jebrellt, leeten äare Stemm hieren, un ha sien Launt too eene Wieste jemoakt; siene Städa sent vebrent worden, soo daut kjeena doabennen wont.

¹⁶Uk de Säns von Mamfis un Tachpanhes weiden die däm Schädel auf.

¹⁷Es daut nich dien veloten Jahwe, dienem Gott, too Tiet, doa hee die opp däm Wajch fieed, dee die dit bewirkjt?

¹⁸Un nu, waut hast du met däm Wajch no Ägipten too schaufen, om de Wota vom Sichor to drinkjen? Un waut hast du met däm Wajch no Assur too schaufen, om de Wota vom Stroom to drinkjen?

¹⁹Diene Boosheit zuchtijt die un diene Auftranichkjeit stroft die; soo erkjan un see, daut et schlemm un betta es, daut du däm Harn, dienen Gott, velazt, un daut miene Forcht nich bie die es, sajcht de Har, Gott de Häaschoa.

²⁰Dan von de oole Tieden häa hast du dien Joch vebroaken, diene Faslen veräten, un hast jesajcht: Ekj well nich deenen! Sonda opp jiedrem huagen Aunboaj un unja jiedrem jreenen Boom jeefst du die han aus eene Hoa.

²¹Un ekj haud die jeplaunt aus eenen iedlen Wienstock, blooss ajchta Somen; un woo hast du die mie jäajenäwa vewaundelt en eene wille Rank aun eenem framden Wienstock!

²²Jo, wan du die met Luag woschst un väl Seep doatoo nemst: Diene Schult blift jriess ver mie, sajcht de Har, Gott.

²³Woo sajchst du: Ekj ha mie nich veonreinicht, ekj sie däm Baalim nich nojegonen? See dienen Wajch em Tol, erkjan, waut du jedonen hast, du pienje Kameelin, dee rajchtsch un linkjsch omhäa rant!

²⁴Eene wille Äselin, dee de Wieste jewant es, en diene Lost gaupst du no Loft; äare Brunstlieden, wäa woat dee opphoolen? Aula, dee ar sieekjen, brucken sikj nich auftomäaje: En äarem Moonat woaren see ar finjen.

²⁵Bewoa dienen Foot fa däm Boaftgonen un dienen Hauls ver däm Darscht! Oba du sajchst: Daut es emsonst, nä! Dan ekj leew de Framde, un an go ekj no.

²⁶Aus een Deef beschämt es, wan hee jepakt woat, aulsoo es daut Hus Israel beschämt worden, see, äare Kjennichs, äare Ferschten un äare Priesta un äare Profeeten,

²⁷dee toom Holt sajen: Du best mien Voda, un toom Steen: Du hast mie jebuaren; dan see ha mie däm Rigjen hanjedreit un nich daut Aunjesecht. Oba aun äare Ojjlekjstiet sajen see: Sto opp un rad ons!

²⁸Woa sent nu diene Jetta, dee du die jemoakt hast? Muchten see oppstonen, auf see die raden kjennen aun diene Ojjlekjstiet! Dan soo väl aus diene Städa sent diene Jetta jeworden, Juda.

²⁹Wuarom stried jie met mie? Jie sent aula von mie aufjefollen, sajcht de Har.

³⁰Vejäfs ha ekj june Kjinja jeschloagen, see ha kjeene Zucht aunjenomen; jun Schwieet haft june Profeeten jefräten aus een rietenda Leiw.

³¹Oo Jeschlajcht, daut jie sent, moakjt opp daut Wuat Gottes! Sie ekj fa Israel eene Wieste jewast? Ooda een diestret Launt? Wuarom sajcht mien Volkj: Wie schweife omhäa, wie komen nich mea no die?

³²Vejat uk eene Junkfru äa Schmuck, eene Brut äa Jirtel? Oba mien Volkj haft mie vejäten - Doag dee nich too talen sent.

³³Woo scheen rechst du dienen Wajch en, om Leew too sieekjen! Doarom hast du diene Wäaj aun beese Doten jewant.

³⁴Jo, aun de Soom von dienem Kjleet finjt maun Bloot oschuldje Seelen; un nich biem Enbräakjen hast du an jefungen, sonda wäajen aule jane Dinj hast du daut jedonen.

³⁵Un du sajchst: Ekj sie Onschuldich, jo, sien Oaja haft sikj von mie aufjedreit. Kjikj, ekj woa Jerecht aun die eewen, wiels du sajchst: Ekj ha nich jesindicht.

³⁶Waut ranst du soo sea, om dienen Wajch too endren? Uk wäajen Ägipten woascht du beschämt woaren, aus du wäajen Assur beschämt worden best;

³⁷uk von dise woascht du wajchgonen met diene Henj opp dienem Haupt. Dan de Har vestat dee, opp dee du vetrust, un daut woat die met an nich jelinjen.