Read De Bibel JHF Jeremia 45 Bible Online

Jeremia 45 - De Bibel JHF bible

Jeremia 45

¹Daut Wuat, daut de Profeet Jeremia too Baruch, däm Sän Nerija, räd, aus hee dise Wieed ut däm Mul Jeremia en een Buak schreef, aum vieeden Joa Jojakim, däm Sän Josia, däm Kjennich von Juda, endäm hee säd:

²Soo sajcht de Har, de Gott Israels, von die, Baruch:

³Du sajchst: Wee mie! Dan de Har haft Kumma to miene Weedoag doatoo jedonen; ekj sie meed von mienem Seften, un finj kjeene Ru.

⁴Soo saust du to am sajen: Soo sajcht de Har: Kjikj, waut ekj jebut ha, bruak ekj auf; un waut ekj jeplaunt ha, reet ekj ut, un zwoa daut gaunze Launt.

⁵Un du, du trachst no jratren Dinj fa die? Tracht nich doa no! Dan kjikj, ekj brinj Onjlekj äwa aulet Fleesch, sajcht de Har; oba ekj jäw die diene Seel toom Raup aun aule Uaten, wuahan du gonen woascht.