Read De Bibel JHF Jeremia 47 Bible Online

Jeremia 47 - De Bibel JHF bible

Jeremia 47

¹Daut Wuat Gottes, daut to Jeremia, däm Profeet, wia äwa de Filista, ea de Farao Gasa schluach.

²Soo sajcht de Har: Kjikj, Wota vom Nuaden häa komen nopp un woaren to eenem äwaschwamenden willen Stroom; un see äwaschwamen daut Launt un aules waut doabennen es, de Städa un äare Bewona. Un de Menschen schrieen, un de Laundesbewona hielen,

³ver däm Schaul de staumpende Heefta siene stoakje Pieed, ver däm raussle siene Woages, däm dränen siene Räda, - de Vodasch kjikjen sikj nich no äare Säns om, soo Schlaup sent äare Henj, -

⁴wäajen däm Dach, dee doa kjemt, om aule Filista too vetiljen un fa Tierus un Sidon jiedren halpenden Äwajebläwnen too vetiljen. Dan de Har venicht de Filista, de Äwaje de Insel Kaftor.

⁵Gasa es kol jeworden, venicht es Askalon, de Äwajebläwne äare Läachten. Woo lang west du die vekrautzen (veschnieden)?

⁶Wee! Schwieet Gottes, woo lang west du nich ruen? Foa trigj en diene Schajcht, hool die ruich un stell!

⁷Woo saul daut oba ruen, doa doch de Har am befoolen haft? Jäajen Askalon un jäajen daut Mäaeewa, doahan haft hee daut bestalt.