Read De Bibel JHF Hesekiel 45 Bible Online

Hesekiel 45 - De Bibel JHF bible

Hesekiel 45

¹Un wan jie daut Launt aus Oawgoot velossen woaren, sell jie ver däm Harn een Häwopfa häwen, aus Heiljet vom Launt: De Lenj 25 000 Stakj lank, un de Breed 20 000; daut selje saul heilich sennen runtom en siene gaunze Jrensen.

²Doavon sellen toom Heilichtum 500 bie 500 em Veaakj jehieren, un 50 Ellen friea Plauz (Rum) runtom.

³Un von janem Mot saust du eene Lenj mäten von 25 000 un eene Breed von 10 000; un doabennen saul daut Heilichtum, daut Aulaheilichste, sennen.

⁴Dit saul een Heiljet von Launt sennen; de Priesta, de Deena vom Heilichtum, saul daut jehieren, dee doa nodakomen, om däm Harn to deenen, un daut saul an een Plauz fa Hiesa sennen, un een Jeheilichtet fa daut Heilichtum.

⁵Un 25 000 Stakj enne Lenj un 10 000 enne Breed saul de Leviten, de Deena, vom Hus, jehieren, an toom Ieejentum, aus Städa toom Wonen.

⁶Un aus Ieejentum de Staut saul an 5000 enne Breed un 25 000 enne Lenj jäwen, soo aus met däm heiljen Häwopfa; däm gaunzen Hus Israel saul daut jehieren.

⁷Un däm Ferscht sell jie opp dise un opp jane Sied vom heiljen Häwopfa jäwen un daut Ieejentum de Staut, lenjst vom heiljen Häwopfa un lenjst däm Ieejentum de Staut, aun de Wastsied wastlich un aun de Oostsied oostlich, un no de Lenj soo aus een Aundeel, daut von de Wastjrens bat no de Oostjrens licht.

⁸Aus Launt saul daut an jehieren, aus Ieejentum en Israel; un miene Ferschten sellen nich mea mien Volkj bedrenjen, sonda daut Launt däm Hus Israel no siene Stam jäwen.

⁹Soo sajcht de Har, Gott: Lot junt daut jenuach sennen, jie Ferschten Israels! Jewault un Bedrekjung doot wajch, un eeft Rajcht un Jerajchtichkjeit; hieet opp, mien Volkj ut sienem Ieejentum too vejoagen, sajcht de Har, Gott.

¹⁰Jerajchte Wichtschol un jerajchtet Mot un jerajchtet Jefäss sell jie haben.

¹¹Daut Mot (Efa) un daut Jefäss sellen von eenem Mot sennen, soo daut daut Mot däm 10-den Deel vom Homa (Bat) enthelt, un daut Mot (Efa) däm 10-den Deel vom Homa; nom Homa saul äa Mot sennen.

¹²Un de Schekel saul 20 Gera sennen; 20 Schekel, 25 Schekel un 15 Schekel saul junt de Mine sennen.

¹³Dit es daut Häwopfa, daut jie häwen sellen: 1/6-tel Efa vom Homa Weit un 1/6-tel Efa vom Homa Joascht sell jie jäwen;

¹⁴un daut Mot aun Eelj, vom Bat Eelj: een tieendel Bat vom Kor, von 10 Bat, von eenem Homa, dan 10 Bat sent 1 Homa;

¹⁵un een Stekj vom Kjlienvee, von 200, von däm feichten Weidlaunt Israels: - Toom Speisopfa un toom Brauntopfa un toom Frädensopfa, om Veseenunk fa an to doonen, sajcht de Har, Gott.

¹⁶Daut gaunze Laundesvolkj saul dit Häwopfa fa de Ferschten en Israel brinjen.

¹⁷Un däm Ferscht saul oppjelajcht de Brauntopfa un daut Speisopfa un daut Drinkjopfa aun de Faste un aun de Niemonen un aun de Sabaten, too aule Fasttieden em Hus Israel. Hee saul daut Sindopfa un daut Speisopfa un daut Brauntopfa un de Frädensopfa opfren, om Veseenunk to doonen fa daut Hus Israel.

¹⁸Soo sajcht de Har, Gott: Aum ieeschten Moonat, däm ieeschten em Moonat, saust du eenen jungen Oss onen Fäla nämen un daut Heilichtum entsindje.

¹⁹Un de Priesta saul von däm Bloot vom Sindopfa nämen, un daut aun de Däapast vom Hus doonen un aun de vea Akjen aum Raunt vom Aultoa un aun de Dooapast vom bennaschten Väahoff.

²⁰Un krakjt soo saust du aum säwenden em Moonat fa däm doonen, dee ut Veseenen sindicht, un fa däm Onerfoarnen. Un soo sell jie Veseenunk fa daut Hus doonen.

²¹Aum ieeschten Moonat, aum 14-den Dach em Moonat, saul junt daut Passa sennen, een Fast von säwen Doag; un kjeen suadieech Broot saul jejäten woaren.

²²Un de Ferscht saul aun däm seljen Dach fa sikj un fa daut gaunze Volkj em Launt eenen Boll aus Sindopfa opfren.

²³Un de 7 Fastdoag saul hee däm Harn säwen Bolles un säwen Bakj, onen Fäla, jieda Dach, de säwen Doag aus Brauntopfa opfren, un eenen Kosenbock jieda Dach aus Sindopfa.

²⁴Un aus Speisopfa saul hee een Efa fienet Mäl too jiedrem Boll un een Efa fienet Mäl too jiedrem Bock opfren; un Eelj, een Hin too jiedrem Efa.

²⁵Aum säwenden Moonat, aum 15-den em Moonat, aum Fast, saul hee daut selje doonen dee säwen Doag, betrafs daut Sindopfa aus daut Brauntopfa un betrafs de Speisopfa aus daut Eelj.