Read De Bibel JHF Hesekiel 48 Bible Online

Hesekiel 48 - De Bibel JHF bible

Hesekiel 48

¹Un dit sent de Stam Nomes: Vom Nuaden aun, no de Sied vom Wajch no Hetlon, jäajen Hamat, un no Hazar-Enon häa, de Jrens von Damaskus, nuadlich, vonne Sied Hamat - de Oost- un de Wastsied sellen Dan jehieren: Een Aundeel.

²Un aun Dan siene Jrens, vonne Oostsied bat to Wastsied: Aser eent.

³Un aun Aser siene Jrens, vonne Oostsied bat to Wastsied: Naftali eent.

⁴Un aun Naftali siene Jrens, vonne Oostsied bat to Wastsied: Manasse eent.

⁵Un aun Manasse siene Jrens, vonne Oostsied bat to Wastsied: Efraim eent.

⁶Un aun Efraim siene Jrens, vonne Oostsied bat to Wastsied: Ruben eent.

⁷Un aun Ruben siene Jrens, vonne Oostsied bat to Wastsied: Juda eent.

⁸Un aun de Jrens Juda, vonne Oostsied bat to Wastsied saul daut Häwopfa sennen, daut jie häwen sellen: 25 000 Stakj Breet, un de Lenj aus eent de Staumaundeel vonne Oostsied bat to Wastsied: Un daut Heilichtum saul en siene Medd sennen.

⁹Daut Häwopfa, daut jie fa däm Harn aufjäwen sellen, saul 25 000 Stakj enne Lenj, un 10 000 enne Breed sennen.

¹⁰Un dit saul daut heilje Häwopfa jehieren, de Priesta: jäajen Nuaden 25 000 Stakj enne Lenj, un jäajen Wasten 10 000 enne Breed, un jäajen Oosten 10 000 enne Breed un jäajen Sieden 25 000 enne Lenj; un daut Heilichtum Gottes saul en äare Medd sennen.

¹¹De Priesta, - wäa jeheilicht es von de Säns Zadok - dee mienen Deenst jedonen ha, dee, aus de Kjinja Israel auferrde, nich aufjeert sent, aus de Leviten aufjeert sent,

¹²an saul een jratret von däm Häwopfa vom Launt jehieren, een Huachheiljet aun de Jrensen de Leviten.

¹³Un de Leviten sellen, soo aus de Jäajent de Priesta, 25 000 enne Lenj un 10 000 enne Breed kjrieen, de gaunze Lenj saul 25 000 un de Breed 10 000 sennen.

¹⁴Un see sellen nuscht doavon vekjeepen noch vetuschen; un daut Ieeschte em Launt saul nich aun aundre äwagonen, dan hee es däm Harn heilich.

¹⁵Un de 5000 Stakj, dee von de gaunze Breed äwajebläwen sent, vonne Lenj von 25 000, saul aulmauns Launt fa de Staut too Wonunk sennen un toom Weidlaunt; un de Staut saul doa enne Medd sennen.

¹⁶Un dit saul äare Mot sennen: De Nuadsied 4 500 Stakj, un de siedliche Sied 4500, un aun de Oostsied 4500, un de Wastsied 4500.

¹⁷Un de frie Plauz de Staut saul sennen: jäajen Nuaden 250, un jäajen Sieden 250, un jäajen Oosten 250, un jäajen Wasten 250 Stakj.

¹⁸Un daut Äwaje vonne Lenj, soo aus daut heilje Häwopfa, 10 000 Stakj, jäajen Oosten un 10 000 jäajen Wasten, daut es soo aus daut heilje Häwopfa, dit Ennkomen saul de Oabeida de Staut too Noarinj deenen.

¹⁹Un de Oabeida de Staut, dee sellen daut bebuen ut aule Stam Israels.

²⁰Daut gaunze Häwopfa saul 25 000 Stakj bie 25 000 sennen. Daut vieede Deel vom heiljen Häwopfa sell jie häwen toom Ieejentum de Staut.

²¹Un daut Äwaje saul däm Ferscht jehieren; opp dise un opp jane Sied vom heiljen Häwopfa un daut Ieejentum de Staut, enne Lenj de 25 000 Stakj vom Häwopfa bat to Oostjrens, un jäajen Wasten lank 25 000, no de Wastjrens han, soo aus daut Staumaundeel, saul däm Ferscht jehieren. Un daut heilje Häwopfa un daut Heilichtum vom Hus saul en äare Medd sennen.

²²Un von däm Ieejentum de Leviten un vom Ieejentum de Staut auf, dee enne Medd von dän licht, waut däm Ferscht jehieet, waut tweschen de Jrensen Juda un de Jrensen Benjamin es, saul däm Ferscht jehieren.

²³Un de äwaje Stam: Von de Oostsied bat to Wastsied: Benjamin een Deel.

²⁴Un aun de Jrens Benjamin, vonne Oostsied bat to Wastsied: Simeon eent.

²⁵Un aun de Jrens Simeon, vonne Oostsied bat to Wastsied: Isachar eent.

²⁶Un aune Jrens Isachar, vonne Oostsied bat to Wastsied: Sebulon eent.

²⁷Un aune Jrens Sebulon, vonne Oostsied bat to Wastsied: Gad eent.

²⁸Un aune Jrens Gad, no de Meddachsied han siedlich, doa saul de Jrens von Tamar nom Wota Meriba-Kades sennen, nom Bach Ägipten han bat aun daut groote Mäa.

²⁹Daut es daut Launt, daut jie de Stam Israels aus Oawgoot velossen sellen; un daut sent äa Deel, sajcht de Har, Gott.

³⁰Un dit sellen de Utjenj de Staut sennen: Von de Nuadsied aun 4 500 Motstakj;

³¹un de Staut Dooasch, no de Nomes de Stam Israels: 3 Dooasch jäajen Nuaden: Daut Dooa Ruben eent, daut Dooa Juda eent, daut Dooa Levi eent.

³²Un no de Oostsied han, 4 500 Stakj, un 3 Dooasch: Daut Dooa Josef eent, daut Dooa Benjamin eent, daut Dooa Dan eent.

³³Un aun de siedliche Sied, 4 500 Motstakj: Daut Dooa Simeon eent, daut Dooa Isachar eent, daut Dooa Sebulon eent.

³⁴Aune Wastsied, 4 500 Stakj, 3 Dooasch: Daut Dooa Gad eent, daut Dooa Aser eent, daut Dooa Naftali eent.

³⁵Rundomm 18 000 Stakj. Un de Nomen de Staut saul von nu aun heeten: «de Har es hia [doa selfst]».