Read De Bibel JHF Hosea 7 Bible Online

Hosea 7 - De Bibel JHF bible

Hosea 7

¹Sooboolt ekj Israel heelen well, woat de Schult Efraims un de Boosheit von Samaria openboa; dan see eewen Faulschheit, un de Deef drinjt nenn, buten raupt de Reibabaund.

²Un see sajen nich en äarem Hoaten, daut ekj aule äare Boosheit jedenkj; nu ha äare Haundlungen an omrinjt, see stonen ver mienem Aunjesecht.

³Met äare Boosheit freien see däm Kjennich un met äare Läajes de Ferschten.

⁴See sent aula toop Ehebräakja, aus een Owen, vom Bakja jehett, dee too rieren opphieed, vom Dieech kjnäde aun, bat hee derchjesuat es.

⁵Aun onsem Kjennichsdach moaken sikj de Ferschten krank von de Gluaje dee em Wien es; hee strakjt siene Haunt ut met de Spata.

⁶Dan see ha äa Hoat aus eenen Owen äara Hinjalest noda jebrocht; äa Bakja schlapt de gaunze Nacht; zemorjes brent jana aus een flaumendet Fia.

⁷See, aula toop jlieejen aus een Owen un vetäaren äare Rechta. Aul äare Kjennichs sent jefollen; kjeena unja an roopt mie aun.

⁸Efraim vemischt sikj met de Velkja; Efraim es aus eene Kuak jeworden, dee nich omjedreit es.

⁹Framde ha siene Krauft vetäat, un hee weet daut nich; uk grauet Hoa es opp sienem Haupt vesprenjt, un hee weet daut nich.

¹⁰Un de Stolt Israels zeicht am em Aunjesecht; un see komen nich trigj nodäm Harn, äarem Gott, un bie aul däm sieekjen see am nich.

¹¹Un Efraim es aus eene eenfeltje Duw jeworden, onen Vestaunt; see roopen Ägipten aun, see gonen no Assierien.

¹²Sooboolt see hangonen, woa ekj mien Nat äwa an utspreede, aus de Väajel vom Himmel woa ekj an rauftrakjen. Ekj woa an trajchtwiesen (strofen) aus daut en äare Jemeent vekjindicht worden es.

¹³Wee an! Dan see sent von mie wajchjerant; Vedoawnis äwa an! Dan see sent von mie aufjefollen. Un ekj well an erleesen, oba see räden Läajes äwa mie.

¹⁴Un see schrieen nich en äarem Hoaten to mie, sonda see hielen opp äarem Loaga; om Jeträajd un Wien vesaumlen see sikj; see gonen wajch un dreien sikj jäajen mie.

¹⁵Un ekj, ekj haud äare Oarms belieet un jestoakjt, oba see ersennen Beeset jäajen mie.

¹⁶See dreien sikj om, doch nich no bowen: See sent aus een faulscha Boagen jeworden. Äare Ferschten woaren derch daut Schwieet faulen wäajen äare beese Tung: Daut woat äa Spott sennen em Ägiptenlaunt.