Read De Bibel JHF Amos 4 Bible Online

Amos 4 - De Bibel JHF bible

Amos 4

¹Hieet dit Wuat, jie Kjäj von Baschan, dee jie opp däm Boajch Samara sent, dee jie de Oame bedrekjen, de Älendje meshaundlen, un to june Haren sajen: Brinj häa, daut wie drinkjen!

²Jeschwuaren haft de Har, Gott, bie siene Heilichkjeit: Kjikj, Doag woaren äwa junt komen, doa maun junt aum Hoaken wajchschlapen woat, un june Nokomen aun Feschaangeln.

³Un jie woaren derch de Mialajcha (de Lajcha enne Waunt) rutgonen, een jiedra ver sikj han, un jie woaren no Hermon jeschmäten woaren, sajcht de Har.

⁴Got no Betel un sindicht! No Gilgal un vemieet de Äwaträdunk! Un brinjt jieda Morjen june Schlachtopfa, un aule dree Doag jun 10-del;

⁵un rieekjat vom Jesuaden Dankopfa, un roopt ut, vekjindicht friewelje Gowen! Dan aulsoo leew jie daut, jie Kjinja Israel, sajcht de Har, Gott.

⁶Un soo ha uk ekj junt reine Tänen jejäft en aule june Städa un Mangel aun Broot en aule june Uaten; un doch sent jie nich no mie trigjjekomen, sajcht de Har.

⁷Un uk ekj ha junt däm Räajen trigjjehoolen, aus noch 3 Moonat bat de Arnt wäa; un ekj ha opp eene Staut räajnen loten, aus ekj opp de aundre Staut nich räajnen leet; de eena Aka wort beräajent, un de Aka opp däm daut nich räajend, vedrieejd;

⁸un 2, 3 Städa trocken no eene Staut han, om Wota to drinkjen, un worden nich saut. Dannoch sent jie nich no mie trigj jekomen, sajcht de Har.

⁹Ekj ha junt met Jeträajdbraunt un met Jäl woaren jeschloagen; eene groote Zol von june Goades un june Wiengoades un june Fiejen- un june Eeljbeem freet de Heischrakj. Dannoch sent jie nich no mie trigjjekomen, sajcht de Har.

¹⁰Ekj ha de Past unja junt jeschekjt, enne Oat von Ägipten; ekj ha june Jinjlinje met daut Schwieet dootjemoakt, un leet june Pieed jefangen wajchfieren, un leet däm Jestank von junem Häaloaga oppstiee, un zwoa en june Näs. Dannoch sent jie nich no mie trigjjekomen, sajcht de Har.

¹¹Ekj ha atelje unja junt trigjjedreit, soo aus Gott Sodom un Gomorra trigjdreid; un jie wieren aus een Braunt, daut ut däm Fia jerat es. Dannoch sent jie nich no mie trigjjekomen, sajcht de Har.

¹²Doarom woa ekj die aulsoo doonen, Israel. Wiels ekj die dit doonen well, soo pauss die aun, Israel, dienem Gott too bejäajnen!

¹³Dan kjikj, dee de Boaj jemoakt un däm Wint schauft, un däm Mensch sajcht, waut siene Jedanken sent; dee daut Morjenroot un de Diestanis moakt, un omhäa jeit opp de Hechste Städen de Ieed: De Har, Gott de Häaschoa, es sien Nomen.