Read De Bibel JHF Jona 2 Bible Online

Jona 2 - De Bibel JHF bible

Jona 2

¹Un de Har bestald eenen groote Fesch, om Jona too veschlinjen; un Jona wia em Fesch sienem Buck dree Doag un 3 Nachten.

²Un Jona bäd to däm Harn, sienem Gott, ut däm Fesch sienem Buck un säd:

³Ekj roopt ut miene Bedrenkjnis toom Harn, un hee auntwuad mie; ekj schrieech ut de Schoot vom Scheol, du hieescht miene Stemm.

⁴Dan du schmeetst mie en de Deepe, en daut Hoat vom Mäa, un de Stroom omjeef mie; aule diene Streem un Walle jinjen äwa mie.

⁵Un ekj docht: Vestat sie ekj ut diene Uagen; dannoch woa ekj wada hankjikjen no dienen heiljen Tempel.

⁶Wota omjeef mie bat aune Seel, daut Deepe omjeef mie, daut Schelpgrauss bedakjt mien Haupt.

⁷Ekj sunk rauf to däm Grunt de Boaj; de Ieed haud mie veräajelt opp eewich. Doa hast du mien Läwen ut de Gruft nohecht jefieet, Har, mien Gott.

⁸Aus miene Seel en mie vezoagd, docht ekj aun däm Har, un no die kaum mien Jebäd en dienem heiljen Tempel.

⁹Dee opp nuschtje Jetta achten, veloten äare Jnod {Ps.144,2}.

¹⁰Oba ekj well die met Dank opfren; waut ekj vesproaken ha, woa ekj betolen. Bie däm Harn es de Help.

¹¹Un de Har säd toom Fesch, un hee spieech Jona ut - aun daut Launt.