Read De Bibel JHF 4. Mose 2 Bible Online

4. Mose 2 - De Bibel JHF bible

4. Mose 2

¹Un de Har räd too Moses un to Aaron un säd:

²De Kjinja Israel sellen sikj loagren, een jiedra bie siene Flag, bie de Tieekjen von äare Vodahiesa; däm Zelt de Bejäajnunk jäajenäwa sellen see sikj runtom loagren.

³Un zwoa dee jäajen Oosten, dee jäajen Sonnenoppgank loagren; bie de Flag vom Loaga Juda, no äare Häasch; un de Ferscht de Säns Juda, Nachschon, Amminadab sien Sän;

⁴un sien Häa un siene Jemostade, 74 600.

⁵Un dee bie am loagaden; de Staum Isachar; un de Ferscht de Säns Isachar, Nethaneel, Zuar sien Sän;

⁶un sien Häa un siene Jemostade, 54 400.

⁷De Staum Sebulon; un de Ferscht de Säns Sebulon, Eliab, Helon sien Sän;

⁸un sien Häa un siene Jemostade, 57 400.

⁹Aule Jemostade vom Loaga Juda; 186400, no äare Häasch; see sellen aus ieeschte loosgonen.

¹⁰Jäajen Sieden de Flag vom Loaga Ruben, un de Ferscht de Säns Ruben, Elizur, Schedeur sien Sän;

¹¹un sien Häa un siene Jemostade, 46 500.

¹²Un dee bie am loagaden; de Staum Simeon; un de Ferscht de Säns Simeon, Schelumiel, Zurischaddai sien Sän;

¹³un sien Häa un äare Jemostade, 59 300.

¹⁴Un de Staum Gad; un de Ferscht de Säns Gad, Eljasaf, Reguel sien Sän;

¹⁵un sien Häa un äare Jemostade, 45 650.

¹⁶Aule Jemostade vom Loaga Ruben; 151 450 no äarem Häa; un aus de tweede sellen see loosgonen.

¹⁷Un dan saul daut Zelt de Bejäajnunk gonen, daut Loaga de Leviten - enne Medd vom Loaga; soo aus see loagren, soo sellen see loosgonen, een jiedra aun siene Städ, unja äare Flag.

¹⁸De Flag vom Loaga Efraim, no äarem Häa, jäajen Wasten; un de Ferscht de Säns Efraim, Elischama, Ammihud sien Sän;

¹⁹un sien Häa un äare Jemostade, 40 500.

²⁰Un bie am de Staum Manasse; un de Ferscht de Säns Manasse, Gamliel, Pedazur sien Sän;

²¹un sien Häa un äare Jemostade, 32 200.

²²Un de Staum Benjamin; un de Ferscht de Säns Benjamin, Abidan, Gideoni sien Sän;

²³un sien Häa un äare Jemostade, 35 400.

²⁴Aule Jemostade vom Loaga Efraim; 108 100, no äarem Häa; un aus de dredde sellen see loosgonen.

²⁵De Flag vom Loaga Dan jäajen Nuaden, no äarem Häa; un de Ferscht de Säns Dan, Achiesa, Ammischaddai sien Sän;

²⁶un sien Häa un äare Jemostade, 62 700.

²⁷Un dee bie am loagaden; de Staum Aser; un de Ferscht de Säns Aser, Pagiel, Okran sien Sän;

²⁸un sien Häa un äare Jemostade, 41 500.

²⁹Un de Staum Naftali; un de Ferscht de Säns Naftali, Achira, Enan sien Sän;

³⁰un sien Häa un äare Jemostade, 53 400.

³¹Aule Jemostade vom Loaga Dan; 157 600; see sellen aus latste met äare Flag loosgonen.

³²Daut sent de Jemostade de Kjinja Israel no äare Vodahiesa. Aule Jemostade de Loagasch, no äarem Häa, wieren 603 550.

³³Oba de Leviten wieren nich unja de Kjinja Israel jemostat, soo aus de Har Moses befoolen haud.

³⁴Un de Kjinja Israel deeden no aulem, waut de Har Moses befoolen haud; soo loagaden see sikj no äare Flag, un soo jinjen see loos, een jiedra no sienem Jeschlajcht, no sienem Vodahus.