Read De Bibel JHF 4. Mose 26 Bible Online

4. Mose 26 - De Bibel JHF bible

4. Mose 26

¹Doa räd de Har too Moses un to Eleasar, Aaron sienem Sän, däm Priesta, un säd:

²Nemm de Zol de gaunze Jemeent de Kjinja Israel, von 20 Joa un doaräwa, no äare Vodahiesa, eenen jiedren, dee en Israel toom Häa uttrakjen kaun.

³Un Moses un Eleasar, de Priesta, räden to an enne Läacht Moab, aum Jordan, Jericho jäajenäwa, un säden:

⁴Von 20 Joa un doaräwa ..., soo aus de Har däm Moses jeboden haud. - Un daut wieren de Kjinja Israel, dee ut däm Ägiptenlaunt utjegonen wieren:

⁵Ruben, de Ieeschtjebuarna Israels; de Sän Ruben: von Hanok daut Jeschlajcht de Hanokita; von Pallu daut Jeschlajcht de Palluita;

⁶von Hezron daut Jeschlajcht de Hezronita; von Karmi daut Jeschlajcht de Karmita.

⁷Daut sent de Jeschlajchta de Rubenita; un äare Jemostade wieren 43730.

⁸Un de Säns Pallu: Eliab.

⁹Un de Säns Eliab: Nemuel un Dathan un Abiram; daut es de Dathan un de Abiram, dee Väanämen de Jemeent, dee sikj jäajen Moses un jäajen Aaron stalden met de Aunhenja Korah, aus see jäajen Gott (Jahwe) streeden.

¹⁰Un de Ieed deed äa Mul op un veschlukt an un Korah, aus de Aunhenja storwen, endäm daut Fia de 250 Mana freet, un see to eenem Tieekjen worden.

¹¹Oba de Säns Korah storwen nich.

¹²De Säns Simeon no äare Jeschlajchta: von Nemuel daut Jeschlajcht de Nemuelita; von Jamin daut Jeschlajcht de Jaminita; von Jakin daut Jeschlajcht de Jakinita;

¹³von Serach daut Jeschlajcht de Serahita; von Saul daut Jeschlajcht de Saulita.

¹⁴Daut sent de Jeschlajchta de Simeonita, 22 200.

¹⁵De Säns Gad no äare Jeschlajchta: von Zefon daut Jeschlajcht de Zefonita; von Haggi daut Jeschlajcht de Haggita; von Schuni daut Jeschlajcht de Schunita;

¹⁶von Osni daut Jeschlajcht de Osnita; von Eri daut Jeschlajcht de Erita;

¹⁷von Arod daut Jeschlajcht de Arodita; von Areli daut Jeschlajcht de Arelita.

¹⁸Daut sent de Jeschlajchta de Säns Gad, no äare Jemostade, 40 500.

¹⁹De Säns Juda: Gher un Onan; oba Gehr un Onan storwen em Launt Kanaan.

²⁰Un daut wieren de Säns Juda no äare Jeschlajchta: von Schela daut Jeschlajcht de Schelanita; von Perez daut Jeschlajcht de Perezita; von Serach daut Jeschlajcht de Serachita.

²¹un de Säns Perez wieren: von Hezron daut Jeschlajcht de Hezronita; von Hamul daut Jeschlajcht de Hamulita.

²²Daut sent de Jeschlajchta Juda no äare Jemostade, 76 500.

²³De Säns Isachar no äare Jeschlajchta: von Tola daut Jeschlajcht de Tolaita; von Puwa daut Jeschlajcht de Puwanita;

²⁴von Jaschub daut Jeschlajcht de Jaschubita; von Schimron daut Jeschlajcht de Schimronita.

²⁵Daut sent de Jeschlajchta Isachar, no äare Jeschlajchta, 64300.

²⁶De Säns Sebulon no äare Jeschlajchta: von Sered daut Jeschlajcht de Seredita; von Elon daut Jeschlajcht de Elonita; von Jachleel daut Jeschlajcht de Jachleelita.

²⁷Daut sent de Jeschlajchta de Sebulonita, no äare Jemostade, 60 500.

²⁸De Säns Josef no äare Jeschlajchta: Manasse un Efraim.

²⁹De Säns Manasse: von Makir daut Jeschlajcht de Makirita, (un Makir jebua Gilead; von Gilead) daut Jeschlajcht de Gileadita.

³⁰Dit sent de Säns Gilead: von Jieser daut Jeschlajcht de Jieserita; von Helek daut Jeschlajcht de Helekita;

³¹un von Asriel daut Jeschlajcht de Asrielita; un von Sichem daut Jeschlajcht de Sichemita;

³²un von Semida daut Jeschlajcht de Semidaita; un von Hefer daut Jeschlajcht de Heferita.

³³Un Zelofchad, de Sän Hefer, haud kjeene Säns, sonda blooss Dajchta; un de Nomes de Dajchta Zelofchad wieren; Machla un Noa, Hogla, Milka un Tirza.

³⁴Daut sent de Jeschlajchta Manasse; un äare Jemostade, 52 700.

³⁵Dit sent de Säns Efraim no äare Jeschlajchta: von Schuthelach daut Jeschlajcht de Schuthelachita; von Beker daut Jeschlajcht de Bekerita; von Tachan daut Jeschlajcht de Tachanita.

³⁶Un dit sent de Säns Schuthelach: von Eran daut Jeschlajcht de Eranita.

³⁷Daut sent de Jeschlajchta de Säns Efraim, no äare Jemostade; 32 500. Daut sent de Säns Josef no äare Jeschlajchta.

³⁸De Säns Benjamin no äare Jeschlajchta: von Bela daut Jeschlajcht de Belaita; von Aschbel daut Jeschlajcht de Aschbelita; von Achiram daut Jeschlajcht de Achiramita;

³⁹von Schephupham daut Jeschlajcht de Schephuphamita; von Hufam daut Jeschlajcht de Hufamita.

⁴⁰Un de Säns Bela wieren: Ard un Naeman; von Ard daut Jeschlajcht de Ardita, von Naeman daut Jeschlajcht de Naemanita.

⁴¹Daut sent de Säns Benjamin no äare Jeschlajchta; un äare Jemostade, 45 600.

⁴²Dit sent de Säns Dan no äare Jeschlajchta: von Schucham daut Jeschlajcht de Schuchamita; 26,

⁴³daut sent de Jeschlajchta Dan no äare Jeschlajchta. Aule Jeschlajchta de Schuchamita, no äare Jemostade, 64 400.

⁴⁴De Säns Aser no äare Jeschlajchta: von Jimna daut Jeschlajcht de Jimnaita; von Jischwi daut Jeschlajcht de Jischwita; von Beria daut Jeschlajcht de Beriita.

⁴⁵Von de Säns Beria: von Heber daut Jeschlajcht de Heberita; von Malkiel daut Jeschlacht de Malkielita.

⁴⁶Un de Nomen de Dochta von Aser wia Serach.

⁴⁷Daut sent de Jeschlajchta de Säns Aser, no äare Jemostade, 53 400.

⁴⁸De Säns Naftali no äare Jeschlajchta: von Jachzeel daut Jeschlajcht de Jachzeelita; von Guni daut Jeschlajcht de Gunita;

⁴⁹von Jezer daut Jeschlajcht de Jezerita; von Schillem daut Jeschlajcht de Schillemita.

⁵⁰Daut sent de Jeschlajchta Naftali no äare Jeschlajchta; un äare Jemostade, 45 400.

⁵¹Daut sent de Jemostade de Kjinja Israel, 601 730.

⁵²Un de Har räd too Moses un säd:

⁵³Dise saul daut Launt no de Zol de Nomes aus Oawgoot vedeelt woaren.

⁵⁴Dan väle von an saust du väl toom Oawgoot jäwen, un weinje von an saust du weinich jäwen; eenem jiedrem saul no sienem Verhältnis de Jemostade sien Oawgoot jejäft woaren.

⁵⁵Doch daut Launt saul derch daut Loss vedeelt woaren; nom Nomen de Stam äare Vodasch, sellen see oawen;

⁵⁶nom Loss saul jiedrem Staum sien Oawgoot toojedeelt woaren, soo aus de Väle, aus uk de Weinje.

⁵⁷Un dit sent de Jemostade Levi no äare Jeschlajchta: von Gerson daut Jeschlajcht de Gersonita; von Kehat daut Jeschlajcht de Kehatita; von Merari daut Jeschlajcht de Merarita.

⁵⁸Dit sent de Jeschlajchta Levi: Daut Jeschlajcht de Libnita, daut Jeschlajcht de Hebronita, daut Jeschlajcht de Machlita, daut Jeschlajcht de Muchita, daut Jeschlajcht de Korhita. Un Kehat jebua Amram.

⁵⁹Un de Nomen von Amram siene Fru wia Jokebed, eene Dochta Levi, dee see däm Levi en Ägipten jebuaren haud; un see jebua däm Amram Aaron un Moses un Mirjam, äare Sesta.

⁶⁰Un däm Aaron wudden Nadab un Abihu, Eleasar un Ithamar jebuaren.

⁶¹Un Nadab un Abihu storwen, aus see framdet Fia ver däm Harn brochten.

⁶²Un äare Jemostade, aulet Menliche von eenem Moonat un doaräwa, wieren 23 000; dan see worden nich unja de Kjinja Israel jemostat, wiels an kjeen Oawgoot unja de Kjinja Israel jejäft wort.

⁶³Daut sent dee derch Moses un Eleasar, däm Priesta, Jemostade, dee de Kjinja Israel enne Läacht Moab, aum Jordan, jäajenäwa Jericho, mostade.

⁶⁴Un unja dise wia kjeen Maun von dän, dee derch Moses un Aaron, däm Priesta, jemostat jeworden wieren, dee de Kjinja Israel enne Wieste Sinai mostade.

⁶⁵Dan de Har haud von an jesajcht: See sellen jewess enne Wieste stoawen! Un kjeen Maun von an wia äwajebläwen buta Kaleb, Jefunnes sien Sän, un Josua, Nuns sien Sän.