Read De Bibel JHF 4. Mose 29 Bible Online

4. Mose 29 - De Bibel JHF bible

4. Mose 29

¹Un em säwenden Moonat, aum ieeschten em Moonat, sell jie eene heilje Vesaumlunk hoolen; kjeene Deenstoabeit sell jie doonen; dan daut es een Dach de Posaunenschaul.

²Un jie sellen een Brauntopfa opfren toom leeftoljen Jeroch däm Harn; eenen jungen Boll, eenen Bock, säwen eenjoasche Lama, onen Fäla;

³un äa Speisopfa, fienet Mäl, jemischt met Eelj; dree tieendel toom jungen Boll, twee tieendel toom Bock,

⁴un een tieendel too jiedrem Laum, to de säwen Lama;

⁵un eenen Kosenbock aus Sindopfa, om Veseenunk fa junt to doonen;

⁶butrem Moonatlichem Brauntopfa un sienem Speisopfa un däm bestendjen Brauntopfa un sienem Speisopfa un äare Drinkjopfa, no äare Väaschreft, toom leeftoljen Jeroch, een Fiaopfa däm Harn.

⁷Un aum 10-den aun disem säwenden Moonat sell jie eene heilje Vesaumlunk hoolen, un jie sellen june Seelen deemutje; kjeene Oabeit sell jie doonen.

⁸Un jie sellen däm Harn een Brauntopfa brinjen aus leeftoljen Jeroch: Eenen jungen Boll, eenen Bock, säwen eenjoasche Lama; onen Fäla sellen dee junt sennen;

⁹un äa Speisopfa, fienet Mäl, jemischt met Eelj; dree tieendel toom Boll, twee tieendel to eenem Bock,

¹⁰un een tieendel fa jiedret Laum, to de säwen Lama;

¹¹un een Kosenbock aus Sindopfa, butrem Sindopfa de Veseenunk un däm bestendjen Brauntopfa un sienem Speisopfa un äare Drinkjopfa.

¹²Un aum feften Dach em säwenden Moonat sell jie eene heilje Vesaumlunk hoolen; kjeene Deenstoabeit sell jie doonen, un jie sellen däm Harn een Fast säwen Doag fieren.

¹³Un jie sellen een Brauntopfa brinjen, een Fiaopfa leeftoljen Jeroch däm Harn; 13 junge Bolles, twee Bakj, 14 eenjoasche Lama; onen Fäla sellen see sennen;

¹⁴un äa Speisopfa, fienet Mäl, jemischt met Eelj; dree tieendel too jiedrem Boll, fa de 13 Bolles, twee tieendel fa jiedrem Bock, fa de twee Bakj,

¹⁵un een tieendel fa jiedrem Laum, fa de 14 Lama;

¹⁶un eenen Kosenbock aus Sindopfa; butrem bestendjen Brauntopfa, sienem Speisopfa un sienem Drinkjopfa.

¹⁷Un aum tweeden Dach 12 junge Bolles, twee Bakj, 14 eenjoasche Lama onen Fäla;

¹⁸un äa Speisopfa un äa Drinkjopfa, to de Bolles, to de Bakj un to de Lama, no äare Zol, no de Väaschreft;

¹⁹un eenen Kosenbock aus Sindopfa; buta bestendje Brauntopfa un siene Speisopfa un äare Drinkjopfa.

²⁰Un aum dredden Dach 11 Bolles, twee Bakj, 14 eenjoasche Lama, onen Fäla;

²¹un äa Speisopfa un äare Drinkjopfa, to de Bolles, to de Bakj un to de Lama, no äare Zol, no de Väaschreft;

²²un eenen Kosebock aus Sindopfa; butrem bestendjen Brauntopfa un sienem Speisopfa un sienem Drinkjopfa.

²³Un aum vieeden Dach 10 Bolles, twee Bakj, 14 eenjoasche Lama, onen Fäla;

²⁴äa Speisopfa un äare Drinkjopfa, to de Bolles, to de Bakj un to de Lama, no äare Zol, no de Väaschreft;

²⁵un eenen Kosenbock aus Sindopfa; buta däm bestendjen Brauntopfa, sienem Speisopfa un sienem Drinkjopfa.

²⁶Un aum feften Dach 9 Bolles, twee Bakj, 14 eenjoasche Lama, onen Fäla;

²⁷un äa Speisopfa un äa Drinkjopfa, to de Bolles, to de Bakj un to de Lama, no äare Zol, no de Väaschreft;

²⁸un een Bock aus Sindopfa; butre bestendje Brauntopfa un sienem Speisopfa un sienem Drinkjopfa.

²⁹Un aum sasten Dach 8 Bolles, twee Bakj, 14 Eenjoasche Lama, onen Fäla;

³⁰un äa Speisopfa un äare Drinkjopfa, to de Bolles, to de Bakj un to de Lama, no äare Zol, no de Väaschreft;

³¹un eenen Kosebock aus Sindopfa; butrem bestendjen Brauntopfa, sienem Speisopfa un sienem Drinkjopfa.

³²Un aum säwenden Dach säwen Bolles, twee Bakj, 14 eenjoasche Lama, onen Fäla;

³³un äa Speisopfa un äa Drinkjopfa, to de Bolles, to de Bakj un to de Lama, no äare Zol, no äare Väaschreft;

³⁴un eenen Kosebock aus Sindopfa; butrem bestendjen Brauntopfa, sienem Speisopfa un sienem Drinkjopfa.

³⁵Aum achten Dach sell jie eene Fast Vesaumlunk hoolen; kjeene Deenstoabeit sell jie doonen.

³⁶Un jie sellen een Brauntopfa brinjen, een Fiaopfa leeftoljen Jeroch däm Harn: Eenen Boll, eenen Bock, säwen eenjoasche Lama, onen Fäla;

³⁷äa Speisopfa un äa Drinkjopfa, to de Bolles, to de Bakj un to de Lama, no äare Zol, no de Väaschreften;

³⁸un eenen Kosebock aus Sindopfa; butre bestendje Brauntopfa un sienem Speisopfa un sienem Drinkjopfa.

³⁹Daut sell jie bie june Faste däm Harn opfren, buta jun Vespräakjen un june frieweljen Gowen aun Brauntopfa un aun Speisopfa un Drinkjopfa un aun Dankopfa.