Read De Bibel JHF 4. Mose 33 Bible Online

4. Mose 33 - De Bibel JHF bible

4. Mose 33

¹Dit sent de Reise de Kjinja Israel, dee ut däm Ägiptenlaunt rutjegonen sent met äarem Häa, unjre Haunt Moses un Aaron.

²Un Moses schreew äarem Utgank opp, no äare Reis, nom Befäl Gottes; un dit es äare Reis, no äarem Utgank:

³See jinjen von Raemses em ieeschten Moonat auf, aum 15-den Dach vom ieeschten Moonat. Aum aundren Dach nom Passa jinjen de Kjinja Israel met eene erhoowne Haunt rut, ver de Uagen aule Ägipta,

⁴aus dee Ägipta dee begrowen, dee de Har unja an jeschloagen haud, aule Ieeschtjebuarne; un de Har haud aun äare Jetta Jerecht jeeeft.

⁵Un de Kjinja Israel jinjen von Raemses auf un loagaden sikj en Sukkot.

⁶Un see jinjen von Sukkot auf un loagaden sikj en Etam, daut aum Wiesteraunt licht.

⁷Un see jinjen von Etam wajch un dreiden sikj no Pi-Hachirot, daut Baal-Zefon jäajenäwa licht, un loagaden sikj ver Migdol.

⁸Un see jinjen von Hachirot wajch un jinjen medden derch daut Mäa no de Wieste, un see jinjen dree Doagesreisen enne Wieste Etam un loagaden sikj en Mara.

⁹Un see jinjen von Mara wajch un kaumen no Elim; un en Elim wieren 12 Wotakjwalen un 70 Paulmbeem; un see loagaden sikj doa selfst.

¹⁰Un see jinjen von Elim wajch un loagaden sikj aum Schelpmäa.

¹¹Un see jinjen vom Schelpmäa wajch un loagaden sikj enne Wieste Sin.

¹²Un see jinjen vonne Wieste Sin wajch un loagaden sikj en Dofka.

¹³Un see jinjen von Dofka wajch un loagaden sikj en Alusch.

¹⁴Un see jinjen von Alusch wajch un loagaden sikj en Refidim; un daut Volkj haud doa kjeen Wota toom drinkjen.

¹⁵Un see jinjen von Refidim wajch un loagaden sikj enne Wieste Sinai.

¹⁶Un see jinjen ut de Wieste Sinai un loagaden sikj en Kibrot-Hattaawa [Lostjräwa].

¹⁷Un see jinjen von Kibrot-Hattaawa wajch un loagaden sikj en Hazerot.

¹⁸Un see jinjen von Hazerot wajch un loagaden sikj en Ritma.

¹⁹Un see jinjen von Ritma wajch un loagaden sikj en Rimmon-Perez.

²⁰Un see jinjen von Rimmon-Perez wajch un loagaden sikj en Libna.

²¹Un see jinjen von Libna wajch un loagaden sikj en Rissa.

²²Un see jinjen von Rissa wajch un loagaden sikj en Kehelata.

²³Un see jinjen von Kehelata wajch un loagaden sikj aum Boajch Schefer.

²⁴Un see jinjen vom Boajch Schefer wajch un loagaden sikj en Harada.

²⁵Un see jinjen von Harada wajch un loagaden sikj en Makhelot.

²⁶Un see jinjen von Makhelot wajch un loagaden sikj en Tahat.

²⁷Un see jinjen von Tahat wajch un loagaden sikj en Terach.

²⁸Un see jinjen von Terach wajch un loagaden sikj en Mitka.

²⁹Un see jinjen von Mitka wajch un loagaden sikj en Haschmona.

³⁰Un see jinjen von Haschmona wajch un loagaden sikj en Moserot.

³¹Un see jinjen von Moserot wajch un loagaden sikj en Bne-Jaakan.

³²Un see jinjen von Bne-Jaakan wajch un loagaden sikj en Hor-Gidgad.

³³Un see jinjen von Hor-Gidgad wajch un loagaden sikj en Jotbata.

³⁴Un see jinjen von Jotbata wajch un loagaden sikj en Abrona.

³⁵Un see jinjen von Abrona wajch un loagaden sikj en Ezjon-Geber.

³⁶Un see jinjen von Ezjon-Geber wajch un loagaden sikj enne Wieste Zin, daut es Kades.

³⁷Un see jinjen von Kades wajch un loagaden sikj aum Boajch Hor, aum Laundesraunt von Edom.

³⁸Un Aaron, de Priesta, jinkj oppem Boajch Hor nom Befäl Gottes; un hee storf doa selfst aum 40-sten Joa nom Utgank de Kjinja Israel ut däm Ägiptenlaunt, aum feften Moonat, aum ieeschten em Moonat.

³⁹Un Aaron wia 123 Joa oolt, aus hee oppem Boajch Hor storf.

⁴⁰Un de Kanaanita, de Kjennich von Arad, dee em Sieden em Launt Kanaan wont, hieed vom komen de Kjinja Israel.

⁴¹Un see jinjen vom Boajch Hor wajch un loagaden sikj en Zalmona.

⁴²Un see jinjen von Zalmona wajch un loagaden sikj en Punon.

⁴³Un see jinjen von Punon wajch un loagaden sikj en Obot.

⁴⁴Un see jinjen von Obot wajch un loagaden sikj en Ije-Abarim, aune Jrens von Moab.

⁴⁵Un see jinjen von Ije-Abarim wajch un loagaden sikj en Dibon-Gad.

⁴⁶Un see jinjen von Dibon-Gad wajch un loagaden sikj en Almon-Diblataim.

⁴⁷Un see jinjen von Almon-Diblataim wajch un loagaden sikj aum Boajch Abarim ver Nebo.

⁴⁸Un see jinjen vom Boajch Abarim wajch un loagaden sikj enne Läacht Moab, aum Jordan, Jericho jäajenäwa.

⁴⁹Un see loagaden sikj aum Jordan von Bat-Jesimot bat Abel-Sittim enne Läacht Moab.

⁵⁰Un de Har räd too Moses enne Läacht Moab, aum Jordan, Jericho jäajenäwa, un säd:

⁵¹Räd to de Kjinja Israel un saj to an: Wan jie äwa däm Jordan en daut Launt Kanaan gonen,

⁵²soo sell jie aule Laundesbewona ver junt rutjoagen un aul äare Biltstendasch twei moaken; un aul äare jegotne Bilda sell jie vebräakjen, un aul äare Hechten sell jie vetiljen;

⁵³un jie sellen daut Launt ennämen un doa wonen, dan junt ha ekj daut Launt jejäft, daut et jun Ieejentum es.

⁵⁴Un jie sellen daut Launt derch een Loss aus Ieejentum kjrieen, no june Jeschlajchta: dan dee Väl sent sell jie äa Oawgoot vemieren, un dee Weinje sell jie äa Oawgoot vekjlandren; wuahan daut Loss eenem fält, daut saul am jehieren; no june Staum Vodasch sell jie oawen.

⁵⁵Oba wan jie de Laundesbewona nich ver junt rutjoagen, soo woaren deejanje, dee jie von an äwaloten, too Hachel en june Uagen un to Stachlen en june Sieden woaren, un see woaren junt em Launt bedrenjen, en däm jie wonen.

⁵⁶Un daut woat passieren; soo aus ekj docht, an to doonen, woa ekj junt doonen.