Read De Bibel JHF Micha 5 Bible Online

Micha 5 - De Bibel JHF bible

Micha 5

¹Un du, Betlehem, Efrata, too kjlien, om unja de 1000-de von Juda to sennen, ut die woat mie väakomen, dee Harscha äwa Israel sennen saul; un sien Utgank es von de Uatiet, von de Doag de Eewichkjeit häa.

²Doarom woat hee an doahan jäwen bat to de Tiet, doa eene Jebäarende jebuaren haft; un de Äwaje von siene Breeda woaren no de Kjinja Israel trigjkomen.

³Un hee woat oppstonen un siene Häad weiden enne Krauft Gottes, enne Huagheit vom Nomen Gottes, sienem Gott. Un see woaren wonen; dan nu woat hee groot sennen bat aum Enj de Ieed.

⁴Un disa woat Fräd sennen. Wan Assur en ons Launt kjemt un wan hee en onse Paulausten komen woat, soo woa wie 7 Hoads un 8 Ferschten von Menschen jäajen am oppstalen.

⁵Un see woaren daut Launt Assur met daut Schwieet weiden, un daut Launt Nimrod en siene Dooasch; un hee woat ons von Assur raden, wan hee en ons Launt kjemt un wan hee en onse Jrensen komen woat.

⁶Un de Äwaje von Jakob woaren enne Medd väle Velkja sennen aus een Deiw von däm Harn, aus Sodaräajen opp daut Krut, dee nich opp Menschen luat un nich opp Menschenkjinja hopt.

⁷Un de Äwaje von Jakob woat unja de Velkja, enne Medd von väl Velkja, sennen aus een Leiw unja de Tieren em Woolt, aus een junga Leiw enne Schopshäad, dee, wan hee doa derch jeit, veklunjt un veritt, un kjeena kaun raden. -

⁸Huach oppjehowen es diene Haunt äwa diene Bedrenja, un aule diene Fiend muchten utjerot woaren!

⁹Un daut woat passieren aun janem Dach, sajcht de Har, doa woa ekj diene Pieed utroden ut diene Medd un diene Woages venichten.

¹⁰Un ekj woa de Städa en dienem Launt utroden un aule diene Fastinj dolrieten.

¹¹Un ekj woa de Zaubameddel ut diene Haunt utroden, un du woascht kjeenen Zaubra mea haben.

¹²Un ekj woa diene jeschnädne Bilda un diene Biltstendasch ut diene Medd utroden, un du woascht die nich mea hanschmieten ver dienem Hauntwoakj.

¹³Un ekj woa diene Aschera utrieten ut diene Medd un diene Städa venichten.

¹⁴Un ekj woa en Oaja un Jrim racheewen aun de Nazionen, dee nich jehieet ha.