Read De Bibel JHF Nahum 2 Bible Online

Nahum 2 - De Bibel JHF bible

Nahum 2

¹Kjikj, oppe Boaj de Feet von eenem dee goode Bootschoft brinjt, dee Fräd vekjindicht! Juda, fia diene Faste, betol dien Vespräakjen! Dan daut woat wiedahan nich mea de Onheilstifta äwa die komen; hee es gaunz utjerot.

²De Venichta kjemt jäajen die nopp. Bewoak de Fastinj; see opp däm Wajch, stoakj diene Lenden, moak diene Krauft sea faust!

³Dan de Har stalt Jakob sienen Stolt aus de Harlichkjeit Israels wada häa; dan de Plindra haben an jeplindat un ha äare Ranken vedorwen.

⁴De Schilda von siene Helden sent root, de Kjrichsmana sent en Scharlach jekjleet, de Woages jlenze von Stol un Fia, aum Dach wan hee sikj reed moakt, un de Spiessen woaren jeschwunge.

⁵De Woages rose oppe Gaussen, see ranen oppe Plauz, äa utseenen es aus Fiastakja, aus Blitz foaren see doahäa.

⁶Hee jedenkjt aun siene Adelje: See enjsten sikj opp äare Wäaj, see spooden sikj no äare Mia, un daut Schutzdak woat oppjerecht.

⁷De Dooasch aune Streem sent opjemoakt, un de Paulaust vezoagt.

⁸Dan daut es beschloten: See woat utjetrocken, wajchjefieet; un äare Deenstmejales stänen aus eene Duwenstemm, see schlonen aun äare Brost.

⁹Ninive es von jeehäa aus een Wotaloch; un doch ranen see! Stot, stot! Oba kjeena dreit sikj om.

¹⁰Roowt Selwa, roowt Golt! Dan onendlich es de Väarot, de Rikjtum aun aulalei kostboarem Jereetschoft.

¹¹Ladich un Eed un Vewustunk! Un daut Hoat verant, un de Kjnee zetren, un en aule Lenden es Weedoag un aul äare Aunjesechta woaren blauss.

¹²Wua es nu de Wonunk de Leiws, un de Weidstapen de junge Leiws, woa de Leiws waundlen, de Muttaleiw un daut Junge de Leiws, un kjeena an oppschrakjt?

¹³De Leiw roowt fa daut Needje siene Junge un warjcht fa siene Leiwinen, un hee felt siene Heel met Roow un siene Wonunk met däm, waut hee veräten haud.

¹⁴Kjikj, ekj well aun die, sajcht Gott de Häaschoa, un ekj woa äare Woages en Ruak oppgonen loten, un diene junge Leiws woat daut Schwieet fräten; un ekj woa dienen Raup von de Ieed utroden, un diene Booten äare Stemm woat nich mea jehieet woaren.