Read De Bibel JHF Aposteljeschicht 19 Bible Online

Aposteljeschicht 19 - De Bibel JHF bible

Aposteljeschicht 19

¹Daut passieed oba, aus Apollos en Korint wia, aus Paulus de bowaschten Jäajenden derchreisd haud, un rauf no Efesus kjeem un funk eenje Jinja

²un hee säd to an: Ha jie dän Heiljen Jeist emfangen, aus jie toom Gloowen kjeemen? Oba see [säden] to am: Ne, wie ha uk nich jehieet dautet dän Heiljen Jeist jeft.

³Un hee säd: Wuaropp se jie dan jedeept worden? See oba säden: Opp Johanes sien Deepen.

⁴Oba Paulus säd: Johanes haft jedeept met eene Doop toom Omdenkjen (to Busse), un säd toom Volkj, daut see aun däm Komenden no am jleewen sullen, daut es aun Jesus.

⁵Oba aus see dit hieeden, leeten see sikj opp däm Nomen - Harn Jesus deepen;

⁶un aus Paulus an de Henj oppjelajcht haud, kjeem de Heilja Jeist opp an, un see räden met aundre Tungen un räden profeetisch.

⁷Daut wieren oba em gaunzen bie 12 Mana.

⁸Hee jinkj oba enne Sienagog nenn un räd frie un mootich äwa 3 Moonat, vekjindijd met Äwazeijungskrauft un räd äwa daut Rikj Gottes.

⁹Oba aus eenje sikj vehoaden un nich jleewden, un däm Wajch ver daut Volkj veachten, jinkj hee wajch von an un sondad de Jinja auf, un hee unjahilt sikj jieda Dach enne Tieranus siene School.

¹⁰Oba dit hilt äwa twee Joa aun, soo daut aule en Asien wonende daut Harn Wuat hieren kunnen, Juden aus uk de Griechen.

¹¹Un gaunz butajeweenelje (Macht ooda Wunda) Woakjen deed Gott derch Paulus siene Henj,

¹²soo daut soogoa Schweetdieekja ooda Schaldieekja von sienem Lief (Hut) jenomen worden un oppe Kranke läden, un de Krankheiten veleeten an, un de beese Jeista fuaren rut.

¹³Oba eenje vonne omhäa reisende judische Jeistabefroaga vesochten daut, äwa dee, dee beese Jeista hauden, däm Har Jesus sienen Nomen auntoroopen, endäm see säden: Ekj beschwia junt bie däm Jesus, dän Paulus vekjindicht!

¹⁴Oba doa wieren von eenem jewessen Skeva, eenem Jud, eenem Huagenpriesta, säwen Säns, dee dit deeden.

¹⁵De beesa Jeist oba auntwuad un säd to an: Jesus kjan ekj un Paulus kjan ekj; jie oba, wäa sent jie?

¹⁶Un de Mensch, en däm de beesa Jeist wia, sprunk an aun un wort Har äwa beid un wia machtvoll jäajen an, soo daut see noaktich un voll Wunden ut janem Hus wajchranden.

¹⁷Dit wort aule Juden aus uk Griechen bekaunt, dee en Efesus wonden; un Angst äwavoll an aulen, un däm Har Jesus sien Nomen wort huach jepreist (veharlicht).

¹⁸Un väle dee toom Gloowen jekomen wieren, bekjanen un berechten äare Doten.

¹⁹Oba väle, dee daut waut to Zaubarie jehieet - jedonen hauden, brochten de Bäakja toop un vebrenden dee ver aulem; un see räakjenden dän Pries doavon toop, un kjeemen opp 50 000 Selwa Stekj.

²⁰Soo woss en Krauft daut Harn Wuat un wäa majchtich (Stoakj).

²¹Oba aus dit erfelt wia, neem Paulus sikj em Jeist väa, aus hee Mazedonien un Achaja derch jereist haud, no Jerusalem to reisen, un säd: No däm ekj doa jewast sie, mott ekj uk Room seenen.

²²Oba hee schekjt 2 am Deenende (Breeda), Timotäus un Erastus, no Mazedonien, hee selfst bleef (vewield) noch eene Tietlank en Asien.

²³Oba om jane Tiet jeef et eene nich jerinje Oppräajunk äwa däm Wajch (de Lia).

²⁴Dan een jewessa Demetrius met Nomen, een Selwa Schmett, dee selwane Tempel de Artemis (Diana) muak, un veschauft de Kjensla nich jerinjen Vedeenst;

²⁵un dee, met dise Dinj beschaftichden Oabeida vesaumelt haud, säd hee: Mana, jie weeten daut wie derch dise Beschaftjunk ons Woolstaunt es (brinjt);

²⁶un jie seenen un hieren, daut nich blooss en Efesus sonda en meist gaunz Asien, disa Paulus, väl Menschen äwarät un jäajen ons oppjebrocht haft, endäm hee sajcht, dautet nich Jetta sent, dee met Henj jemoakt woaren.

²⁷Oba nich blooss, rant ons dit Jeschaft en Jefoa un en Veachtunk to komen, sonda uk, de Tempel, de groote Jettin Artemis fa nuscht jeacht woat un en Jefoa to sennen, soogoa äare Grootheit (Aunseenen) to velieren, dee gaunz Asien un de bewonde Ieed veieren.

²⁸Oba aus see daut hieeden un voll Wutt worden, schrieejen see un säden: Groot es de Artemis de Efeesa!

²⁹Un de Staut wort vonne Vewerrunk erfelt; un see moarachten aula toop em Teeauta nenn, un neemen jewaultsom Gajus un Aristarchus de Mazedonia, Paulus siene Reispoatna, faust.

³⁰Oba aus Paulus mank daut Volkj gonen wull, leeten de Jinja am nich.

³¹Oba uk eenje Bowaschte en Asien (Deena), dee am frintlich jesonnen wieren, schekjten no am un bedden (woarnden) am, sikj nich no daut Teeauta to gonen.

³²De eene schrieech dit, de aundre daut; de Vesaumlunk wia vewert, un dee mieeschte wisten nich, towaut see toopjekomen wieren.

³³Oba ut daut Volkj holden see Alexanda, doa de Juden am väaschoowen. Alexanda oba bewäajd (wonk) de Haunt, un wull eene Veteidjungsräd ver däm Volkj hoolen.

³⁴Oba aus see erfoaren hauden daut hee een Jud es (wia), schrieejen see aula met eene Stemm, un see schrieejen ojjefäa twee Stund: Groot es de Artemis de Efeesa!

³⁵Aus oba de Stautschriewa daut Volkj beruicht haud, säd hee: Mana, von Efesus, wäa es dan de Mensch, dee nich kjant de Staut de Efeesa, dee Tempelfläaja fa de groote Artemis un daut vom Himmel jefolne Bilt es?

³⁶Doa dit nu onen wadaräd es, es daut needich, daut jie ruich sent, un nuscht Onbedocht doonen.

³⁷Dan jie ha dise Mana hiahäa jefieet, dee wäda Tempelreibasch noch onse Jettin jelastat ha.

³⁸Wan nu Demetrius un de Konst Hauntwoakja met am jäajen irjent eenen eene Striedsach ha, soo woaren Jerechtsdoag jehoolen, un doa sent Stautsrechta; doa sellen see sikj eenaunda aunkloagen.

³⁹Oba wan jie waut mea sieekjen (jankat), daut woat enne jesazliche Vesaumlunk beschloten woaren.

⁴⁰Dan wie sent en Jefoa, wäajen vondoagschen Opproop aunjekloacht to woaren, wiels kjeen Grunt doafäa (oppe Haunt) es, met däm wie kjennen woaren Räakjninj auflajen äwa dit Toopkomen. Un aus hee dit jesajcht haud, leet hee de Vesaumlunk gonen.