Read De Bibel JHF Reema 1 Bible Online

Reema 1 - De Bibel JHF bible

Reema 1

¹Paulus, Kjnajcht Jesus Christus, beroopna Apostel, utjesondat to Vekjindjunk de frooe Bootschoft Gottes

²dee hee verhäa vesproaken haft derch siene Profeeten enne heilje Schreften,

³von sienem Sän, dee utem Somen von David jekomen es nom Fleesch,

⁴un aus Sän Gottes en Macht bestemt nom Jeist de Heilichkjeit derch sien Opstonen vom Doot, Jesus Christus, onsem Harn,

⁵derch däm wie Jnod un Apostelaumt emfangen haben toom Jehuarsom em Gloowen mank aule Velkja fa sienen Nomen,

⁶mank dee uk jie sent, [von Gott] Beroopne Jesu Christi;

⁷aun aule Jeleewde von Gott, beroopne Heilje, dee en Room sent; Jnod junt un Fräd von Gott, onsem Voda, un däm Har Jesus Christus!

⁸Toieescht, eenmol, dank ekj mienem Gott derch Jesus Christus om junt aula haulwen, daut jun Gloowen enne gaunze Welt vekjindicht woat.

⁹Dan Gott es mien Zeij, däm ekj en mienem Jeist deen, enne Vekjindjunk de frooe Bootschoft von sienem Sän, woo emma ekj junt erwän,

¹⁰aulentiet en miene Jebäda bedd, auf ekj veleicht, entlich eenen gooden Wajch nom Wellen Gottes jefieet woa, no junt to komen.

¹¹Dan ekj velang sea, junt to seenen, doamet ekj junt waut vonne jeistliche Jnodengow metdeel, doamet jie jestoakjt woaren,

¹²daut es oba, daut ekj metjetreest woa mank junt, derch dän Gloowen unjarenaunda, von junt aus uk von mie.

¹³Oba ekj well nich, daut jie daut nich weeten, Breeda, daut ekj mie foaken väajenomen haud, no junt to komen, doch ekj sie vehindat worden bot däm vondoagschen Dach, doamet ekj uk mank junt eenje Frucht haben kunn, aus uk mank dee äwaje Velkja.

¹⁴Soo aus Griechen aus uk nich Griechen, Kluake soo aus uk Onvestendje sie ekj een Schildna.

¹⁵Soo es daut mien Wensch, uk junt en Room de frooe Bootschoft (Evangelium) to vekjindjen.

¹⁶Dan ekj schäm mie nich de frooe Bootschoft [von Christus], dan eene Krauft Gottes es daut to Radunk aula Jleewende, soo aus toieescht de Juden aus uk de Griechen.

¹⁷Dan de Jerajchtichkjeit Gottes, en ar, woat openboat ut Gloowen toom Gloowen, aus jeschräwen es (steit): «Oba de Jerajchta woat ut Gloowen läwen». {Hab.2,4}

¹⁸Oba de Oaja Gottes woat vom Himmel openboat äwa aule Gottloosichkjeit un Ojjerajchtichkjeit de Menschen, dee de Woarheit derch (en) Ojjerajchtichkjeit opphoolen (rauf drekjt);

¹⁹doawäajen, wiels daut von Gott Erkjanboare mank an openboa es, dan Gott haft an daut openboat,

²⁰dan daut Onsechtboare aun (von) am, daut es siene eewje Krauft un Gottheit, dee vonne Erschaufunk de Welt aun en däm Erschauften (Jemoakten) woajenomen (erkjant, met däm Vestaunt) woaren, woat jeseenen woaren - doamet see onen Entschuldjunk sent;

²¹doawäajen, wiels see, Gott erkjant ha, see am nich aus Gott veharlichen ooda jedankt ha, sonda haben sikj en äare Jedanken en nuschtje Dinj hanjejäft, un äa onvestendjet Hoat vediestat jeworden es;

²²behaupten daut see Kluak sent, see sent to Noaren jeworden

²³un see ha de onvejenkjliche Harlichkjeit Gottes vetuscht, met däm Aufbilt de Jestault eenem vejenkjlichen Mensch un von Väajel un veabeensche un krupende Tieren.

²⁴Doarom haft Gott an hanjejäft enne Lost äare Hoaten, en Orreinheit, äare Kjarpa unjarenaunda to Schaund moaken;

²⁵dee de Woarheit Gottes en Läajes vetuscht ha un däm Erschauften mea Veierunk un Deenst (Gottesdeenst) jebrocht ha aus däm Erschaufa, dee doa jeloft (jesäajent) es en Eewichkjeit. Amen.

²⁶Doawäajen haft Gott an hanjejäft en schentelje Liedenschoft (Schaund, Lost); dan uk äare Frues ha dän natieedeljen Vekjia (Jebruck) vetuscht met däm nich natieedeljen,

²⁷un krakjt soo uk de Mana, ha dän natieedeljen Vekjia met de Fru veloten, un sent junjarenaunda brennent en äare Bejia un Mana met Mana eewen Schaund un däm Loon fa äa Vebiestren (Errtum) aun sikj selfst emfangen (jekjräajen).

²⁸Un doa see daut nich fa goot jefungen hauden, Gott enne Erkjantnis faust to hoolen, haft Gott an hanjejäft en eenen vedreiden Senn, daut nich Jeziemende to doonen;

²⁹jefelt met aula Ojjerajchtichkjeit, Schlajchtichkjeit, Habsucht, Boosheit, voll von Aufgonst, Mort, Striedsucht, sent hinjarigjsch, Niedatrajchtich, Uarenblosa,

³⁰Spata, Gotteshaussa, Jewaulteewa, Stoltheit, Pucha, utfinjen von Boosheit, Elren ojjehuarsom,

³¹onen Vestentnis, ontru, onen Leew, kjeen Erboarmen;

³²dee Gottes rajchte Uadeel erkjant ha, daut dee, dee soowaut doonen, däm Doot wieet sent, nich blooss daut doonen, oba uk Wooljefaulen aun dän ha, dee daut doonen.