Read De Bibel JHF Reema 4 Bible Online

Reema 4 - De Bibel JHF bible

Reema 4

¹Waut sell wie dan sajen, daut Abraham, ons Staumvoda, nom Fleesch jefungen haft?

²Dan wan Abraham ut Woakjen jerajchtfoadicht jeworden es, soo haft hee waut to riemen (puchen), oba nich ver Gott.

³Waut sajcht oba de Schreft? «Oba Abraham jleewd Gott, un daut wort am aunjeräakjent aus Jerajchtichkjeit». {1Mos.15,6}

⁴Däm oba, dee de Woakjen deit, woat de Loon nich no de Jnod toojeräakjent, sonda no de Schult.

⁵Däm oba, dee de Woakjen nich deit, oba aun däm jleeft, dee dän Gottloosen rajchtfoadicht, woat sien Gloowen to Jerajchtichkjeit aunjeräakjent.

⁶Dan aus uk David de Seelichpreisunk de Menschen säd, däm Gott de Jerajchtichkjeit onen Woakjen aunräakjent:

⁷«Seelich sent dee, däm de Jesazloosichkjeit vejäft worden es un däm de Sinden toojedakjt sent!

⁸Seelich de Maun, däm de Har de Sinden nich aunräakjent». {Ps.32,1.2}

⁹Dise Seelichpreisunk nu, es dee blooss fa de Beschniedunk, ooda uk fa de Onbeschniedunk? Wie sajen jo, däm Abraham wort de Gloowen aus Jerajchtichkjeit aunjeräakjent.

¹⁰Woo dan, wort am sien Gloowen aunjeräakjent? Aus hee enne Beschniedunk wia ooda enne Onbeschniedunk? Nich enne Beschniedunk, oba enne Onbeschniedunk.

¹¹Hee kjrieech daut Tieekjen de Beschniedunk aus Säajel de Jerajchtichkjeit derch Gloowen, dan hee haud, aus hee Onbeschnäden wia, daut hee Voda aula Onbeschnädne wia, dee Onbeschnädne jleewden, doamet uk [an] (junt) de Jerajchtichkjeit aunjeräakjent wort;

¹²un Voda, de Beschniedunk, nich blooss ut de Beschniedunk, sonda uk dän, dee enne Footspoa vom Gloowen gonen, dän ons Voda Abraham haud, aus hee onbeschnäden wia.

¹³Dan nich derch daut Jesaz wort däm Abraham ooda sienem Somen (siene Nokomen) daut Vespräakjen bekaunt, daut hee de Welt Oaw sennen sull, oba derch de Jerajchtichkjeit dee derch Gloowen kjemt.

¹⁴Dan wan dee derch daut Jesaz Oawen sent, soo es de Gloowen wieetloos (tonuscht) un de Vespräakjunk tonuscht jemoakt.

¹⁵Dan daut Jesaz bewirkjt Oaja; wua oba kjeen Jesaz es, es uk kjeen Äwaträden.

¹⁶Doarom es daut ut Gloowen, om dautet ut Jnod es, doamet de Vespräakjunk däm gaunzen Somen faust wia, nich blooss fa dee utem Jesaz, oba uk fa däm vom Gloowen von Abraham, dee onsa aula Voda es,

¹⁷(aus jeschräwen steit: «Ekj ha die toom Voda äwa väle Velkja jesat»), {1Mos.17,5} ver däm Gott, däm hee jleewd, dee de Doodes läwendich moakt un daut waut noch nich doa es roopt, aus wan daut doa wia;

¹⁸disa jäajen Hopninj opp Hopninj jejleeft haud, om daut hee een Voda äwa väle Velkja woat, nodäm, waut jesajcht es (wia): «Aulsoo woat dien Somen sennen». {1Mos.15,5}

¹⁹Un nich schwak jeworden em Gloowen, sach hee nich sienen ieejnen, aul aufjestorwnen Lief aun, doa hee meist 100 Joa oolt wia, un daut Aufstoawen von Sara äa Muttalief,

²⁰oba hee twieweld nich aun daut Vespräakjen Gottes derch Ongloowen, oba hee wort jestoakjt em Gloowen un jeef Gott de Iea,

²¹un gaunz äwazeicht doavon, daut, waut Gott vesproaken haft, hee uk majchtich es to doonen.

²²Doarom es daut am uk aus Jerajchtichkjeit toojeräakjent.

²³Oba daut wia nich blooss wäajen am jeschräwen, daut et am toojeräakjent wort,

²⁴oba uk wäajen ons, dän saul daut aunjeräakjent woaren, dän Jleewenden, aun dän, dee Jesus onsem Harn vonne Doodes oppjewakjt haft,

²⁵dee hanjejäft wort wäajen onse Äwaträdunk (Sinden) un oppjewakjt wort wäajen onse Rajchtfoadjunk.