Read De Bibel JHF 1. Korinta 10 Bible Online

1. Korinta 10 - De Bibel JHF bible

1. Korinta 10

¹Oba ekj well nich, daut jie daut nich weeten, Breeda, daut onse Vodasch aula unja de Wolkj wieren un aula derch daut Mäa jegonen sent,

²un aule opp Moses jedeept worden sent enne Wolkj un em Mäa,

³un aule dee selje jeistliche Moltiet auten,

⁴un aule dän seljen jeistlichen Drunk drunken; dan see drunken ut dän jeistlichen Steen, dee an foljd, (oba de Steen wia Christus).

⁵Oba aun de mieeschte von an haud Gott kjeen Wooljefaulen, dan see worden enne Wieste dootjemoakt.

⁶Oba dise Dinj sent to (aus) Väabilda fa ons jeworden, daut wie nich sullen no beese Dinj lost (jefaulen) ha, soo aus jane lost hauden.

⁷Woat uk nich Jetzendeena, soo aus eenje von an, aus jeschräwen steit: «Daut Volkj sad sikj dol, to äten un to drinkjen, un see stunden opp, om to spälen». {2Mos.32,6}

⁸Un lot ons nich Huararie driewen, aus eenje von an Huararie dreewen, un daut follen aun eenem Dach 23 000.

⁹Un lot ons nich Christus vesieekjen, aus eenje von an am vesocht ha un vonne Schlangen omkjeemen.

¹⁰Grunst uk nich, soo aus eenje von an jegrunst ha, un see kjeemen vom Vedoawa om. {4Mo.14,2.36}

¹¹Oba aul dit passieed (met) jane aus Väabilda, oba daut es jeschräwen om ons to woarnen, to dän daut Enj de Welttieden jekomen sent (es).

¹²Doahäa, wäa sikj denkjt to stonen, kjikj doano, daut hee nich felt.

¹³Kjeene Vesieekjunk haft junt jejräpen (beschafticht), aus blooss eene menschliche; oba Gott es tru, dee nich tooloten woat, daut jie äwa jun Vemäajen vesocht woaren, sonda met de Vesieekjunk uk een Enj schaufen woat, soo daut jie dee vedroagen kjennen.

¹⁴Doarom miene Jeleewde, rant vom Jetzendeenst.

¹⁵Ekj räd aus to Vestendje (Kluake); beuadeelt jie, waut ekj saj.

¹⁶Daut Kuffel (een Drunk) de Säajnunk, dän wie säajnen, es dee (hee) nich de Jemeenschoft met däm Bloot Christus? Daut Broot, daut wie bräakjen, es daut nich de Jemeenschoft met däm Lief Christus?

¹⁷Dan (wiels) een Broot, een Lief sent wie, de Väle, dan wie aule ha (nämen) deel aun däm eenen Broot.

¹⁸Kjikjt opp (aun) Israel nom Fleesch. Sent nich dee, dee Opfa äten, Deelhaba (en Jemeenschoft) met däm Aultoa?

¹⁹Waut saj ekj dan (nu)? Dautet Jetzenopfafleesch waut es? Ooda daut een Jetzenbilt waut es?

²⁰Nä, välmea daut, waut see [de Nazionen] opfren, see de Dämonen opfren un nich Gott. Oba ekj well nich, daut jie Jemeenschoft ha met de Dämonen.

²¹Jie kjennen nich däm Harn sien Kuffel* (Drunk*) drinkjen un de Dämonen äa Kuffel*; jie kjennen nich aum Harn Desch deel ha un aum Desch de Dämonen.

²²Ooda moak wie däm Harn aufjenstich? {5Mo.32,16.21} Sent wie stoakja aus hee?

²³Aules es erlaubt, oba nich aules nuzt; aules es erlaubt, oba nich aules but opp.

²⁴Kjeena sieekj daut Sienje, sonda daut det aundren.

²⁵Aules, waut oppem Fleeschmoakjt vekoft woat, ät, onen to unjasieekje wäajen daut Jewessen.

²⁶Dan «de Ieed es däm Harn un aules waut doabowen es ». {Ps.24,1}

²⁷Oba wan wäa vonne Onjleewende junt enloden, un jie wellen hangonen, soo ät aules, waut junt väajesat woat, onen to unjasieekjen om daut Jewessen haulwen.

²⁸Oba wan wäa to junt sajcht: Dit es Jetzenopfafleesch, soo ät nich, om janem sient haulwen, dee daut sajcht (aunkloacht), un om daut Jewessen haulwen,

²⁹oba daut Jewessen, saj ekj, nich dien ieejnet, sonda von däm aundren; dan wuarom woat miene Frieheit von eenem aundren sien Jewessen jerecht?

³⁰Wan ekj met Dank deel ha (met ät), wuarom woa ekj jelastat fa daut, fa waut ekj dank?

³¹Auf jie nu äten ooda drinkjen ooda irjent waut doonen, doot aules to Iea Gottes.

³²Siet onen Aunstoos, soo aus Juden aus Griechen, un fa de Jemeent Gottes;

³³soo aus uk ekj mie en aulen Dinj aulen toom Jefaulen läw, endäm ekj nich mienen Nutzen sieekj, sonda fa väle, doamet see jerat woaren.