Read De Bibel JHF 1. Korinta 3 Bible Online

1. Korinta 3 - De Bibel JHF bible

1. Korinta 3

¹Un ekj, Breeda, kunn nich to junt räden aus to jeistliche Menschen, sonda aus to fleeschelje, aus to Kjinja (nich volljoarich) en Christus.

²Ekj ha junt Malkj to drinkjen jejäft, nich fauste Moltiet; dan jie kunnen dee noch nich vedroagen; jo, jie kjennen uk nu noch nich,

³dan jie sent noch fleeschlich. Dan doa Aufgonst (Aufgonst) un Striet unja junt es, sent jie nich fleeschlich un waundlen no Menschen Oat (Wies)?

⁴Dan wan eena sajcht: Ekj sie von miene Sied met Paulus; een aundra oba: Ekj met Apollos; se jie nich menschlich?

⁵Wäa es dan Apollos, un wäa es Paulus? Deena, derch dee jie jleewent jeworden sent, un zwoa aus de Har eenem jiedrem jejäft haft.

⁶Ekj ha jeplaunt, Apollos haft jegoten, oba Gott haft waussen loten.

⁷Aulsoo es nich dee doa plaunt irjent waut, noch dee doa jeeten deit, sonda Gott, dee daut waussen lat (jäft).

⁸Oba dee plaunt un dee jeeten deit, sent eent; een jiedra oba woat sienen ieejnen Loon kjrieen no siene ieejne Oabeit.

⁹Dan wie sent Gottes Metoabeida; Gottes Akalaunt, Gottes Buwoakj sent jie.

¹⁰No de Jnod Gottes, dee mie jejäft es, ha ekj aus een weisa Bumeista däm Grunt jelajcht; oba een aundra but doabowen; oba een jiedra kjikj too, woo hee doabowen but.

¹¹Dan eenen aundren Grunt kaun kjeena lajen, buta däm, dee doa jelajcht es, daut es Jesus Christus.

¹²Oba wan wäa opp [disen] Grunt but Golt, Selwa, wieetvolle Steena, Holt, Hei, Stroo,

¹³soo woat eenem jiedrem sien Woakj openboa woaren, dan de Dach woat daut kloa (openboa) moaken, wiels hee em Fia jeopenboat woat; un waut fa een Woakj eenem jiedrem sient es, woat daut Fia proowen (fauststalen).

¹⁴Wan irjent wäms Woakj bliewen woat, daut hee doabowen jebut haft, soo woat hee Loon emfangen;

¹⁵wan irjent wäms Woakj vebrennen woat, soo woat hee Schoden lieden (bestroft woaren), oba hee selfst woat jerat woaren, doch soo aus derch Fia.

¹⁶Weet jie nich, daut jie Gottes Tempel sent un de Jeist Gottes en junt wont?

¹⁷Wan wäa däm Tempel Gottes vedoaft (to Grunt rechten); däm woat Gott vedoawen; dan de Tempel Gottes es heilich, un dee sent jie.

¹⁸Kjeena bedrieej sikj selfst. Wan irjentwäa unja junt meent, weis to sennen en dise Welt, soo woat hee schwaksennich (dwautsch, domm, toom Noa), doamet hee weis woat.

¹⁹Dan de Weisheit dise Welt es Noaheit bie Gott; dan daut steit jeschräwen: «Dee de Weise jript en äare Lest». {Hiob 5,13}

²⁰Un wada: «De Har kjant de Jedanken de Weise, daut dee iedel (nuschtich, vejäfs) sent». {Ps.94,11}

²¹Doahäa kjeena riem (puch) sikj met Menschen, dan aules es junt.

²²Eset Paulus ooda Apollos ooda Kefas, es daut Welt ooda Läwen ooda Doot, es daut Jäajenwuat ooda Tookjinftjet; aules es junt,

²³jie oba jehieren Christus, Christus oba jehieet Gott.