Read De Bibel JHF 1. Korinta 4 Bible Online

1. Korinta 4 - De Bibel JHF bible

1. Korinta 4

¹Soo betracht maun ons: Aus Deena Christi un Vewaulta de Jeheemnisen Gottes.

²Äwajens woat von de Vewaulta velangt, daut eena aus tru jefungen woat.

³Oba mie es daut Jerinjste, daut ekj von junt ooda von eenem menschlichen Dach (Jerechtsdach) beuadeelt (jerecht) woa; jo, ekj recht mie oba uk selfst nich.

⁴Dan ekj sie mie selfst nich bewust, oba nich doawäajen sie ekj jerajcht jesproaken, doch dee mie beuadeelt (recht) es de Har.

⁵Doahäa recht nich vere Tiet, bot de Har kjemt, dee uk daut Veborjne de Diestanis aum Licht brinjen un de Rotschläaj de Hoaten openboa moaken woat; un dan woat een jiedra sien Loff von Gott woaren (kjrieen).

⁶Dit oba, Breeda, ha ekj opp mie un Apollos jediet om junt haulwen, doamet jie daut aun ons lieren, nich äwa daut rut [to denkjen], waut jeschräwen es, doamet jie junt nich oppblosen (stolt woaren) eena jäajen däm aundren.

⁷Dan wäa trakjt die väa? Un waut hast du, daut du nich emfangen hast? Oba wan uk du daut emfangen hast, waut riemst du die, aus wan du daut nich emfangen hast?

⁸Jie sent aul saut, jie sent aul rikj jeworden; onen ons sent jie toom harschen jekomen, un wia jie doch toom harschen jekomen, doamet uk wie met junt harschen kunnen.

⁹Ekj meen nämlich, daut Gott ons, de Apostel, aus de Latste hanjestalt haft, aus toom Doot veuadeelde; dan wie sent de Welt een Schauspäl jeworden, soo aus Enjel aus Menschen.

¹⁰Wie sent Noaren om Christus wellen, jie oba sent kluak en Christus; wie Schwak, oba jie Stoakj; jie aunjeseenen, wie oba Iea loos (veacht).

¹¹Bot opp dise Stund lied wie Hunga aus Darscht un sent noaktich un woaren [met Fusten] jeschloagen un ha kjeen Tus (erren omhäa) -

¹²un wie mieejen ons auf, oabeiden met onse ieejne Henj. Wie woaren jeschelt, wie säajnen; wie woaren vefolcht, wie hoolen ut;

¹³jelastat, bedd wie [jäwen goode Wieed (Troost)]; to Sindenbakj (Drakj) fa de Welt sent wie jeworden, bat nu een Aufschum (Mell) von aule.

¹⁴Nich junt to beschämen schriew ekj dit, sonda ekj vemon junt aus miene leefste Kjinja.

¹⁵Dan wan jie tieendusent Zuchtmeista (Liera) en Christus hauden, soo doch nich väl Vodasch; dan en Christus Jesus ha ekj junt jezeicht derch de frooe Bootschoft (daut Evangelium).

¹⁶Aulsoo ekj ermon junt, woat miene Nofolja (nämt mie toom Väabilt, Biespel)!

¹⁷Doawäajen ha ekj junt Timotäus jeschekjt, daut es mien jeleewda un diera Sän em Harn; dee woat junt denkjen halpen aun miene Wäaj en Christus Jesus, aus ekj äwaaul en jiedre Jemeent lia.

¹⁸Eenje oba sent oppjeblost (enjebilt), aus wan ekj nich no junt komen wudd.

¹⁹Oba ekj woa boolt no junt komen, wan de Har well, un woa erkjanen, nich daut Wuat dee oppjeblosde, sonda de Krauft;

²⁰dan daut Rikj Gottes besteit nich em Wuat, sonda en Krauft.

²¹Waut well jie? Saul ekj met däm Stock no junt komen, ooda en Leew un em Jeist de Saunftmoot?