Read De Bibel JHF 1. Korinta 5 Bible Online

1. Korinta 5 - De Bibel JHF bible

1. Korinta 5

¹Äwahaupt hieet maun bie (mank) junt von Onzucht (Huararie), zwoa soone Onzucht, dee nich eenmol bie (mank) de Heiden väakjemt; daut eena sienem Voda siene Fru haft.

²Un jie sent oppjeblost un jie sent nich välmea truarich jeworden, doamet dee, dee dise Dot begonen haft, ut june Medd wajch jenomen wudd.

³Dan ekj, zwoa met däm Lief nich doabie, oba met däm Jeist doabie, ha aul aus doabie jewast jerecht, däm, dee dit jedonen (veeeft) haft,

⁴em Nomen von onsem Harn Jesus Christus (wan jie un mien Jeist met de Krauft von onsem Harn Jesus [Christus] vesaumelt sent),

⁵dän Betrofnen däm Soton to äwajäwen om daut Fleesch to vedoawen, doamet de Jeist jerat woat aum Dach vom Harn Jesus.

⁶Jun puchen es nich goot. Weet jie nich, daut een weinich Suadieech dän gaunzen Dieech sua moakt?

⁷Fäacht dän oolen Suadieech ut, doamet jie een nia Dieech sent, dan jie sent onjesuat. Dan ons Passalaum, Christus, es jeopfat worden.

⁸Doahäa lot ons Fast fieren, nich met oolen Suadieech, uk nich met Suadieech de Boosheit (Ojjerajchtichkjeit) un Schlajchtichkjeit, sonda met onjesuadet Broot de Reinheit un Woarheit.

⁹Ekj ha junt en däm Breef jeschräwen, nich met Huara Omgank to haben;

¹⁰äwahaupt nich met de Huara von dise Welt ooda de Habsuchtje (Jiezje, Jeltjierich) un Reiba (Plindra) ooda Jetzendeena, sest must jie ute Welt rut gonen.

¹¹Oba nu ha ekj junt jeschräwen, kjeenen Omgank to haben, wan wäa, dee Brooda jenant woat, een Huara es, ooda een Habsuchtja ooda een Jetzendeena ooda een Lastra ooda een Supa ooda een Reiba, met soonem sell jie nich toop äten.

¹²Dan waut ha ekj to rechten, dee buten sent? Jie, recht jie nich, dee bennen sent?

¹³Oba dee buten sent, recht Gott; doot dän Beesen von junt selfst rut.