Read De Bibel JHF 1. Korinta 8 Bible Online

1. Korinta 8 - De Bibel JHF bible

1. Korinta 8

¹Oba waut de Jetzenopfa betraft, soo weet wie - (dan wie aula ha Erkjantnis; de Erkjantnis moakt Stolt, oba Leew but opp.

²Wan wäa denkjt, hee waut weet, soo haft hee noch nich erkjant, woo maun erkjanen saul;

³oba wan wäa Gott leeft, dee es von am erkjant) -

⁴waut aulsoo von daut Äten däm Jetzenopfafleesch betraft, soo weet wie, daut een Jetzenbilt enne Welt nuscht es, un daut kjeen Gott es, buta eenem.

⁵Dan selfst wan soojenande Jetta sent, es daut em Himmel ooda oppe Ieed, - jo, (woo daut väl Jetta un väl Haren jäft),

⁶doch fa ons es een Gott, de Voda, von däm aules kjemt, un wie fa am, un een Har, Jesus Christ, derch däm aules es, un wie derch am.

⁷Oba nich en aule es de Erkjantnis, sonda atelje äten, wäajen daut Jewessen, daut see bot nu aun däm Jetzen jewant wieren, aus Jetzenopfafleesch (daut Fleesch waut de Jetta jeopfat wia) äten, un äa Jewessen, doa daut schwak es, woat veonreinicht.

⁸Oba de Moltiet woat ons nich Gott noda brinjen; noch, wan wie nich äten, ha wie een Nodeel, noch sent wie, wan wie äten, ha wie een Väadeel.

⁹Oba paust opp, daut nich veleicht dise june Frieheit toom Aunstoos vere Schwake woat.

¹⁰Dan wan wäa die, dee du Erkjantnis hast, em Jetzentempel aum Desch ligjen sitt, woat nich sien Jewessen, dee doa schwak es, erbut woaren, de Jetzenopfa [Fleesch] to äten?

¹¹Un derch diene Erkjantnis kjemt de Schwaka om, dee Brooda, om däm sien wellen Christus jestorwen es.

¹²Oba wan jie, aulsoo jäajen de Breeda sindjen un äa schwaket Jewessen velazen, soo sindj jie jäajen Christus.

¹³Doarom, wan eene Moltiet mienen Brooda toom sindjen veleit, soo well ekj fa emma kjeen Fleesch äten, doamet ekj mienen Brooda nich toom sindjen veleid.