Read De Bibel JHF 1. Korinta 9 Bible Online

1. Korinta 9 - De Bibel JHF bible

1. Korinta 9

¹Sie ekj nich frie? Sie ekj nich een Apostel? Ha ekj nich Jesus, onsem Harn, jeseenen? Sent jie nich mien Woakj em Harn?

²Wan ekj fa aundre nich een Apostel sie, soo sie ekj daut doch fa junt; dan daut Säajel von mien Apostelaumt sent jie em Harn.

³Miene Veteidjunk dän jäajenäwa, dee mie Rechten, es dit:

⁴Ha wie dan nich daut Rajcht to äten un to drinkjen?

⁵Ha wie dan nich daut Rajcht, eene Sesta aus Fru mettofieren, aus uk de aundre Apostel un de Breeda vom Harn un Kefas?

⁶Ooda ha auleen ekj un Barnabas nich daut Rajcht, nich to oabeiden?

⁷Wäa jeit em Kjrich opp ieejne Kosten? Wäa plaunt een Wiengoaden un at nich von siene Frucht? Ooda wäa weid eene Häad un at nich von de Malkj vonne Häad?

⁸Räd ekj dit no Menschenoat, ooda sajcht nich uk daut Jesaz daut?

⁹Dan en daut Jesaz Moses steit jeschräwen: «Du saust däm Oss, dee doa drascht, nich dän Mulkorf oppsaten». {5Mo.25,4} Es Gott veleicht fa de Ossen beorruicht?

¹⁰Ooda sajcht hee nich mank aule Omstend onstwäajen? Dan daut es om onstwäajen jeschräwen, daut wäa plieecht en Hopninj plieejen saul, un dee doa drascht en Hopninj drascht, om doavon deelhauft to woaren.

¹¹Wan wie uk daut Jeistliche jeseit ha, es daut een Grootet, wan wie jun Fleeschlichet arnten?

¹²Wan aundre dit Rajcht aun junt deelhauftich sent, nich välmea wie? Oba wie ha dit Rajcht nich jebrukt, sonda wie vedroagen aules, om daut wie de frooe Bootschoft von Christus kjeen Hindanis to sennen.

¹³Weet jie nich, daut dee, dee heiljen Deenst verechten, daut utem Tempel äten, dee sikj met däm Aultoa Deenst beschaftjen, met däm Aultoa deelen?

¹⁴Aulsoo haft uk de Har dän, dee de frooe Bootschoft vekjindjen, aunjeordnet, von de frooe Bootschoft to läwen.

¹⁵Oba ekj ha von kjeene dise Mäajlichkjeiten Jebruck jemoakt. Oba ekj ha dit nich jeschräwen, doamet, soo met mie vefoaren woat; dan daut wia fa mie bäta to stoawen, aus daut wäa mien Aunseenen tonicht moaken sull.

¹⁶Dan wan ekj de frooe Bootschoft vekjindj, soo ha ekj kjeene Uasoak toom riemen, dan een Dwank licht opp mie; dan wee mie, wan ekj de frooe Bootschoft nich vekjindj.

¹⁷Dan wan ekj dit friewellich doo, soo ha ekj Loon, oba wan onfriewellich (jedwungen), soo sie ekj met eenem Husvewaulta Aumt aunvetrut.

¹⁸Waut es dan mien Loon? Daut ekj, de frooe Bootschoft vekjindj, de frooe Bootschoft kostfrie moak, soo daut ekj mien Rajcht aun de frooe Bootschoft nich bruck.

¹⁹Dan wan ekj von aulen frie sie, ha ekj mie aulen toom Sklow jemoakt, om daut ekj soo väl aus mäajlich jewenn.

²⁰Un ekj sie de Juden jeworden aus een Jud, om daut ekj de Juden jewenn; dän, dee unja Jesaz sent, aus unja Jesaz, (aus wan ekj selfst nich unja Jesaz sie), om daut ekj dee, dee unja daut Jesaz sent, jewenn;

²¹dän Jesazloosen aus een Jesazloosa, ekj sie nich onen daut Jesaz Gottes, (sonda unja daut Jesaz Christi), doamet ekj de Jesazloose jewenn.

²²Ekj sie de Schwake een Schwaka jeworden, doamet ekj de Schwake jewenn. Ekj sie aulem aules jeworden, doamet ekj opp dise Oat eenje rad.

²³Oba ekj doo aules wäajen de frooe Bootschoft, doamet ekj aun ar Deelhaba woa (woaren kaun).

²⁴Weet jie nich, daut dee enne Ranbon ranen, zwoa aula ranen, oba eena dän Pries erlangt? Soo rant, doamet jie am erlangen.

²⁵Oba jiedra, de kjamft (rant), enthelt sikj en aulem; jane friewellich, doamet see eenen vejenkjlichen Kraunz erlangen, oba wie eenen onvejenkjlichen.

²⁶Ekj ran doahäa aulsoo, nich aus en Onjewesheit; ekj kjamf soo, nich aus eena, dee de Loft schleit;

²⁷sonda ekj bemott (bedwinj, en Kjnajchtschoft hoolen) mienen Lief un moak am deenstboa, doamet ekj nich aundre jeprädicht ha, (ooda een Väabilt jewast sie) un selfst veschmäten woa.