Read De Bibel JHF 2. Korinta 1 Bible Online

2. Korinta 1 - De Bibel JHF bible

2. Korinta 1

¹Paulus, Apostel Christus Jesus derch Gottes Wellen, un Timotäus, de Brooda, aun de Jemeent Gottes, dee en Korint es, met aule Heilje, dee en gaunz Achaja sent:

²Jnod junt un Fräd von Gott, onsen Voda, un däm Harn Jesus Christus!

³Jesäajent (jeloft) es de Gott un Voda von onsem Harn Jesus Christus, de Voda de Erboarmungen un Gott von aulem Troost,

⁴dee ons treest en aula Bedrenkjnisen, om daut wie dee treesten kjennen, dee en aulahaunt Bedrenkjnisen sent, derch dän Troost, met däm wie selfst von Gott jetreest woaren;

⁵dan aus de Lieden Christi sea väl äwa (opp) ons kaumen, soo uk derch däm Christus ons groota Troost.

⁶Oba, auf wie bedrenjt woaren, soo es daut to junem Troost un Heil, daut es, daut wie jetreest woaren, soo es daut to junem Troost, dee wirkjsom woat em jeduldjen Vedroagen dee selje Lieden, dee uk wie lieden,

⁷(un onse Hopninj fa junt es faust), doa wie weeten, daut, woo jie de Lieden deelhauftich sent, soo uk em Troost.

⁸Dan wie wellen nich, daut jie onen Kjantnis (onweetent) sent, Breeda, äwa onse Bedrenkjnisen dee en Asien passieeden, daut em Äwamot äwa Vemäajen wie bedrekjt worden, soo daut wie soogoa aum Läwen vetwiewelden.

⁹Jo, soogoa wie selfst hauden daut Doodesuadeel en ons selfst jehaut, doamet wie nich opp ons selfst vetruen, sonda opp (däm) Gott, dee de Doodes oppwakjt,

¹⁰disa, ons von soo een groota Doot jerat haft un raden woat, opp däm wie de Hopninj jesat ha, daut hee ons uk noch (wiedahan) raden woat;

¹¹endäm uk jie derch daut Jebäd fa ons metwirkjen, doamet von väle Persoonen fa dee ons jeschonkne Jnodengow derch väle, fa ons, jedankt woat.

¹²Dan onsa Riemen (Puchen) es dit: Daut Zeichnis von ons Jewessen, daut wie en Eenfault un Reinheit (Opprechtichkjeit) Gottes, nich en fleeschliche Weisheit, sonda en de Jnod Gottes sent wie jewaundelt, enne Welt, oba besonda bie junt.

¹³Dan wie schriewen junt nuscht aundret, aus waut jie läsen ooda uk vestonen; oba ekj hop, daut jie daut bat aum Enj vestonen woaren,

¹⁴soo aus jie uk ons toom Deel vestonen ha, daut wie jun Riemen (Puchen) sent, soo aus uk jie onse sent aun däm Dach von onsem Harn Jesus.

¹⁵Un en dit Vetruen wull ekj verhäa no junt komen, doamet jie eene tweede Jnod hauden,

¹⁶un bie junt derch no Mazedonien reisen, un wada von Mazedonien no junt komen un von junt no Judäa bejleit woaren.

¹⁷Aulsoo dit wull ekj, ha ekj dan de Leichtfoadichkjeit jebrukt? Ooda beschlut ekj waut, beschlut ekj nom Fleesch, soo daut bie mie daut Jo - jo un daut Nä - nä es (wia)?

¹⁸Oba Gott es Tru, daut ons Wuat aun junt nich Jo un Nä es.

¹⁹Dan de Sän Gottes, Jesus Christus, dee bie junt derch ons vekjindicht worden es, derch mie un Silvanus (Silas; {Ap.J.18,1.5}) un Timotäus, wort nich Jo un Nä, sonda daut Jo es en am jeworden (erfelt, utjekomen).

²⁰Dan soo väle Vespräakjungen Gottes daut jeft, en am es daut Jo, doawäajen uk derch am daut Amen, Gott to Iea derch ons.

²¹Oba dee ons met junt faust vebinjt en Christus un ons jesaulft haft, es Gott,

²²dee ons uk jestampelt (vesäajelt) haft un haft ons däm Paunt (dee Auntolinj) vom Jeist en onse Hoaten jejäft.

²³Oba ekj roop Gott aun aus (toom) Zeij jäajen miene Seel, daut ekj, om junt to schoonen, noch nich no Korint jekomen sie.

²⁴Nich daut wie äwa junen Gloowen harschen, sonda wie sent Metoabeida aun june Freid; dan jie stonen em Gloowen.