Read De Bibel JHF 2. Korinta 13 Bible Online

2. Korinta 13 - De Bibel JHF bible

2. Korinta 13

¹Dit dredde Mol kom ekj no junt: Ut twee ooda dree Zeijen Miela (Zeichnis) woat jiedre Sach bestädicht woaren. {5Mo.19,15}

²Ekj ha verhäa jesajcht un saj em verut, aus wie daut tweede Mol aunwäsent un nu nich aunwäsent, dän, dee verhäa jesindicht ha, un aule aundre, daut, wan ekj wada kom, woa ekj nich schoonen.

³Doa jie eenen Bewies sieekjen, daut Christus en mie rät, (dee junt jäajenäwa nich Schwak es, sonda kjraftich mank junt;

⁴dan uk hee wort ut Schwakheit jekjriezicht, oba hee läft derch (ut) de Macht Gottes, dan uk wie sent Schwak en am, oba wie woaren met am läwen derch (ut) de Macht Gottes junt jäajenäwa),

⁵soo stalt junt oppe Proow, auf jie em Gloowen sent, unjasieekjt junt selfst, ooda erkjan jie junt selfst nich, daut Jesus Christus en junt es? Eset dan, daut jie veleicht nich bewäat (onajcht, vefaulscht) sent.

⁶Oba ekj hop, daut jie erkjanen woaren, daut wie nich onbewäat sent.

⁷Oba wie bäden to Gott, daut jie nuscht Beeset doonen woaren, doamet wie nich bewäat (ajcht) schienen (loten), sonda doamet jie daut Goode (rajchte) doonen, oba wie aus Onbewäade sent.

⁸Dan wie kjennen nuscht jäajen de Woarheit doonen, sonda fa de Woarheit.

⁹Dan wie freien ons, wan wie Schwak sent, jie oba Stoakj sent; om dit bedd wie uk, om daut jie junt Trajchtfinjen.

¹⁰Doawäajen schriew ekj dit - soolang ekj nich bie junt sie, doamet wan ekj bie junt sie nich Strenj vefoaren mott, no de Vollmacht, dee de Har mie jejäft haft toom Oppbuen un nich toom aufbräakjen (dolbräakjen).

¹¹Äwajens, Breeda, freit junt, lot junt trajchthalpen (trajchtbrinjen), lot junt vemonen, siet en een Senn (eenich), hoolt Fräd, un dee Gott de Leew un von Fräd woat met junt sennen.

¹²Jreest junt unjarenaunda met däm heiljen Kuss. Aul de Heilje loten junt jreessen.

¹³De Jnod vom Harn Jesus Christus un de Leew Gottes un de Jemeenschoft metem Heiljen Jeist es met junt aulem!