Read De Bibel JHF 2. Korinta 5 Bible Online

2. Korinta 5 - De Bibel JHF bible

2. Korinta 5

¹Dan wie weeten, daut, wan ons irdischet Hus, daut Zelt aufjebroaken woat, wie eenen Bu von Gott ha, een Hus, nich met Henj jemoakt, een eewjet, en dee Himmel.

²Dan uk en disem seft wie, bangen ons, met onse Wonunk (himlischa Kjarpa), dee utem Himmel es, äwakjleet to woaren;

³soo daut, [uk dit utjetrocken ha], wan wie uk aunjetrocken sent, nich noaktich jefungen woaren.

⁴Dan uk wie, dee wie em Zelt sent, seften bedrekjt, wiels wie nich utjetrocken, sonda muchten äwakjleet woaren, doamet daut Stoafliche veschlungen woat vom Läwen.

⁵Oba dee ons doatoo reed jemoakt haft, es Gott, dee ons däm Jeist aus Auntolinj jejäft haft.

⁶Aulsoo sent wie aulentiet mootich un weeten, daut, soo lang wie em Lief sent, wie wiet wajch vom Harn, von Tus sent;

⁷dan (wie waundlen em Gloowen, nich em seenen);

⁸oba wie sent mootich un muchten leewa, utem Lief utwaundren un tusich biem Harn sennen.

⁹Doawäajen sieekj wie uk onse Iea doarenn, auf wie tusich ooda framd sent, am wooljefaulich to sennen.

¹⁰Dan wie motten aula ver däm Rechtastool Christi openboa woaren, doamet een jiedra emfangt, waut hee en däm Lief jedonen haft, auf Goodet ooda Schlajchtet.

¹¹Aulsoo, wie kjanen de Forcht ver däm Harn, soo sieekj wie Menschen to äwaräden, oba Gott sent wie openboa jeworden; oba ekj hop, uk en jun Jewessen openboa jeworden to sennen.

¹²Wie stalen ons selfst junt nich wada väa, sonda jäwen junt Jeläajenheit toom riemen (brow sennen, stolt sennen), om onstwäajen, doamet jie däm ha bie dän, dee sikj nom Aunseenen (em Aunjesecht) riemen un nich em (nom) Hoat.

¹³Dan daut es, daut wie buta ons sent, soo sent wie daut fa Gott; es daut, daut wie veninftich sent, soo sent wie daut fa junt.

¹⁴Dan de Leew Christi drenjt ons, endäm wie jeuadeelt ha, daut eena fa aule jestorwen es, un doamet aula jestorwen (wieren) sent.

¹⁵Un fa aule es hee jestorwen, doamet dee doa Läwen, nich mea sikj selfst läwen, sonda däm, dee fa an jestorwen es un oppjestonen es.

¹⁶Doahäa, kjan wie von nu aun kjeenem nom Fleesch; wan wie uk Christus nom Fleesch jekjant ha, soo kjan wie am nu doch nich mea soo.

¹⁷Doahäa, wan wäa en Christus es, doa es eene niee Erschaufunk; daut Oole es vegonen, kjikj, aules es nie jeworden.

¹⁸Oba aules von däm Gott, dee ons met sikj veseent haft derch [Jesus] Christus un haft ons däm Deenst de Veseenunk jejäft;

¹⁹aus et fauststeit, daut Gott en Christus wia, de Welt met sikj selfst veseent, an äare Vefälungen (Sinden) nich aunräakjent, un haft en ons oppjerecht daut Wuat de Veseenunk.

²⁰Aulsoo, sent wie jeschekjte fa Christus, aus wan Gott derch ons vemont; wie bedden aun Christus siene Städ: {Gal.3,13} Lot junt met Gott veseenen!

²¹Dan, dee de Sind nich kjand, haft hee fa ons to Sind jemoakt, doamet wie Gottes Jerajchtichkjeit en am worden.