Read De Bibel JHF Efeesa 1 Bible Online

Efeesa 1 - De Bibel JHF bible

Efeesa 1

¹Paulus, Apostel Christus Jesus derch dän Wellen Gottes, aun de Heilje dee en Efesus sent, un Jleewende en (aun) Christus Jesus:

²Jnod junt un Fräd von Gott, onsem Voda, un däm Har Jesus Christus.

³Jesäajent (Jeloft) es de Gott un Voda von onsem Harn Jesus Christus, dee ons jesäajent haft met aulem jeistlichen Säajen enne himlische Welt (Uaten Himmelswelt) derch Christus,

⁴aus hee ons utjewält haft en am ver Gruntloag de Welt, om daut wie heilich un onen Dodel (schultloos) sennen ver am en Leew;

⁵un ons verhäa bestemt haft toom aunnämen de Sänschoft derch Jesus Christus fa sikj selfst nom Wooljefaulen von sienem Wellen,

⁶toom lowen (priesen) de Harlichkjeit siene Jnod, met dee hee ons bejnodicht haft en däm Jeleewden,

⁷en disem (däm) wie de Erleesunk ha derch sien Bloot, de Vejäwunk de Äwaträdungen, nom Rikjtum siene Jnod,

⁸dee hee haft opp ons äwastreemen loten en aula Weisheit un Ensecht,

⁹haft ons bekaunt jemoakt daut Jeheemnis von sienem Wellen, no sienem Wooljefaulen (gooden Rotschluss), däm hee sikj väajenomen haud bie (en) sikj selfst,

¹⁰un betrafs däm Heilsplon fa dee Erfellunk de Tieden (fa de Vewaultunk de Vollheit de Tieden); aules (unja een Haupt) tooptobrinjen en Christus, daut en de Himmels un daut opp de Ieed es, en am,

¹¹en däm wie uk een Oawgoot erlangt ha, dee wie verhäa bestemt sent nodäm siene Aufsecht, dee aules wirkjt nodäm Rotschluss von sienem Wellen,

¹²doamet wie toom lowen siena Harlichkjeit sent, dee wie verhäa opp dän Christus jehopt ha;

¹³en däm uk jie, daut Wuat de Woarheit jehieet ha, de frooe Bootschoft von june Radunk, en däm uk jie, nodäm jie jejleeft ha, vesäajelt sent worden met dän Heiljen Jeist de Vespräakjunk,

¹⁴dee es de Auntolinj opp (fa) ons Oawgoot, fa de Erleesunk daut Ieejendooms, to Iea (Loff) siena Harlichkjeit.

¹⁵Doawäajen uk ekj, nodäm ekj jehieet ha von däm Gloowen aun däm Harn Jesus, dee en junt es, un von de Leew, dee jie to aule Heilje ha,

¹⁶hia nich opp, fa junt to danken, jedenkj [junt] en miene Jebäda,

¹⁷doamet de Gott von onsem Harn Jesus Christus, de Voda de Harlichkjeit, junt jeft däm Jeist de Weisheit un Openboarunk en de Erkjantnis siena selfst (von am),

¹⁸doamet jie, Licht fa de Uagen von (en) junem Hoat ha, weeten, waut de Hopninj siena Beroopunk es, un waut de Rikjtum de Harlichkjeit von sienem Oawen en de Heilje es,

¹⁹un waut siene äwa aulem Groote Krauft aun ons, Jleewende, no de Wirkjunk siena stoakje Krauft (Macht),

²⁰dise haft hee wirkjsom woaren loten en Christus, endäm hee am von de Doodes oppwakjt; un sad am to siene Rajchte (Haunt) en de himlische Welt (Uaten, Himmelswelt),

²¹huach äwa jiedre Obrichkjeit un Jewault un Macht un Harschoft un jiedren Nomen, dee jenant woat, nich blooss en dise Welt, sonda uk en de tookjinftje,

²²un haft aules unja siene Feet unjaordnet un am aus Haupt äwa aules de Jemeent jejäft,

²³dee sien Lief es, de Vollheit doavon, dee aules en aulem erfelt.