Read De Bibel JHF Efeesa 4 Bible Online

Efeesa 4 - De Bibel JHF bible

Efeesa 4

¹Aulsoo ekj vemon junt, de Jefangna em Harn, daut jie nom wieet de Beroopunk waundlen, met dee jie sent beroopen worden,

²met aula Deemoot un Saunftmoot, met Jedult, vedroacht eenaunda en Leew,

³bemieecht junt, de Eenheit em Jeist to bewoaren en (derch) däm Bunt en (met) Fräd.

⁴Doa es een Lief un een Jeist, aus jie uk sent beroopen worden en eene Hopninj juna Beroopunk.

⁵Een Har, een Gloowen, een Deepen,

⁶een Gott un Voda aula, dee doa es äwa aule un derch aule un en aule.

⁷Oba jiedrem eenem von ons es de Jnod jejäft worden nom Mot de Gow Christi.

⁸Doawäajen heet daut: «En de Hecht enopp (jefoaren) jestäajen, hee haft de Jefangne jefangen wajchjefieet (wajchjenomen) un haft Menschen Gow jejäft». {Ps.68,19}

⁹Oba daut Wuat: Hee es enopp jestäajen*, waut es daut aundasch, aus daut hee uk erauf jestäajen* es en dee unjaschte Deelen von de Ieed?

¹⁰Dee erauf jestäajen* es, es dee selja, dee uk enopp jestäajen* es äwa aule Himmels, doamet hee aules erfelt (daut Weltaul).

¹¹Un hee haft de eene enjesat (jejäft) {Ap.J.13,2; 1Kor.12,28;} aus Apostel un aundre aus Profeeten un aundre aus Evangelisten un aundre aus Hoads un Liera,

¹²toom reedmoaken (toom Volmot) de Heilje, fa daut Woakj em Deenst, toom oppbuen vom Lief (de Jemeent) Jesus Christus,

¹³bot wie aula komen to Eenheit em Gloowen un de Erkjantnis vom Sän Gottes, to eenen volkomnen Maun, bot de Mot de volle Grootheit aus Christus,

¹⁴doamet wie nich mea onmindich sent, dee han un häa jedräwen woaren von däm Wint de Lia, derch daut faulsche Spell de Menschen, derch Lest toom Errtum vefieren;

¹⁵oba woarhauft (opprechtich) enne Leew sennen, lot ons en aulem oppwaussen no (to) am han, dee daut Haupt es, de Christus,

¹⁶von däm ut de gaunze Lief, toop jebrocht un vebungen es, derch jiedret Jelenkj (Baunt) toom (om to) unjastetten, nodäm Mot de Wirkjsomkjeit en jiedrem eenselnen Deel, daut waussen vom Lief vollbrinjt hee to sienem ieejnen oppbuen en Leew.

¹⁷Aulsoo dit saj un bezeij ekj em Harn, daut jie nich mea waundlen sellen, aus uk de Heiden waundlen, en Nutzloosichkjeit von äaren Senn,

¹⁸sent vebiestat (vedunkelt) em Denkjen (Vestaunt), framd jeworden däm Läwen Gottes wäajen däm Onweeten, daut en an es, wäajen de Vestockunk (vehoaden) äare Hoaten,

¹⁹dee, stomp jeworden, een onbandjet onveschämdet Läwen fieren, aule Orreinet met Habjia uteewen.

²⁰Oba jie ha Christus nich soo kjanen jelieet,

²¹wan jie aundasch von am jehieet ha un en am sent jelieet worden, aus de Woarheit en Jesus es,

²²daut jie, waut eenst däm frieejoaschen Waundel betraft, aufjelajcht ha däm oolen Mensch, dee no de vefierarische (aunschmäarende) Lost vedorwen woat,

²³oba niejemoakt worden aum (en däm) Jeist von junem Senn,

²⁴un däm nieen Mensch aunjetrocken ha, dee no Gott erschaufen es en woarhauftje Jerajchtichkjeit un Heilichkjeit.

²⁵Doawäajen, doa jie de Läajnisen aufjelajcht ha, rät de Woarheit, een jiedra met sienem Näakjsten, dan wie sent Jläda von (unjarenaunda) eenaunda.

²⁶Em Oaja, sindicht nich. De Sonn lot nich unjagonen äwa jun Oaja,

²⁷un jeft däm Diewel nich Rum.

²⁸Wäa jestolen haft, stäl nich mea, sonda oabeid välmea un wirkj met siene ieejne Henj daut Goode, doamet hee däm Liedenden waut mettodeelen haft.

²⁹Kjeen schlajchtet Wuat saul ut junem Mul gonen, sonda daut goot es toom oppbuen, doamet daut dän Jnod (Säajen) brinjt, dee daut hieren.

³⁰Un betriept nich dän Heiljen Jeist Gottes, derch däm jie vesäajelt worden sent aum Dach de Erleesunk.

³¹Aule Bettanis un Oaja un Wutt un Jeschrecht un Lastrunk saul von junt wajch jenomen, met aula Boosheit.

³²Oba siet jäajen eenaunda gootmeenent, metliedent (leeftolich), vezeit eenaunda, aus uk Gott en Christus junt vejäft haft.