Read De Bibel JHF Efeesa 5 Bible Online

Efeesa 5 - De Bibel JHF bible

Efeesa 5

¹Aulsoo siet Nofolja (nämt mie toom - Väabilt, - Biespel) Gottes, aus jeleewde Kjinja,

²un waundelt enne Leew, aus uk Christus ons jeleeft haft un sikj selfst fa ons han jejäft haft aus Gow un Opfa, Gott to een scheenet Jeroch.

³Oba Huararie un aule Orreinheit ooda Habsucht saul nich eenmol mank junt jenant woaren, aus et de Heilje jeziemt;

⁴uk Schentlichkjeit un onneedjet Jeräd ooda leichtfoadje Witzen, dee sikj nich jeziemen, sonda välmea Danken.

⁵Dan dit weet un erkjant, daut kjeen Huara ooda Orreina ooda Habsuchtja, dee een Jetzendeena es, een Oawdeel haft en Gott un Christus sien Rikj.

⁶Kjeena teischt (vefieet) junt met ladje Wieed, dan wäajen dise Dinj kjemt de Oaja Gottes äwa dee onjehuarsome Säns.

⁷Aulsoo siet nich äare Deelnäma.

⁸Dan jie wieren eenst Diestanis, oba nu sent jie Licht em Harn; waundelt aus Kjinja von (ut daut) Licht,

⁹(dan de Frucht von daut Licht besteit en aulet Goodet, un Jerajchtichkjeit un Woarheit,)

¹⁰aulsoo forscht no, waut däm Har jefelt.

¹¹Un habt nich Jemeenschoft met dee onfruchtboare Woakjen de Diestanis, oba välmea dakjt dee op;

¹²dan daut (waut) heemlich von an jedonen woat, es uk schentlich blooss to sajen (doavon to räden).

¹³Oba aules, waut opjedakjt woat derch daut Licht, woat openboat.

¹⁴Doarom sajcht hee: Wakj opp, dee du schlapst, un sto opp vonne Doodes, un de Christus woat die dachen (Licht jäwen)!

¹⁵Aulsoo, kjikjt jeneiw too, woo jie waundlen, nich aus Onweise, sonda aus Weise,

¹⁶nuzt de Tiet ut, dan de Doag sent bees.

¹⁷Doawäajen siet nich onvestendich, sonda bejriept, waut de Wellen vom Harn es.

¹⁸Un bedrinkjt junt nich met Wien, en däm schaundloosa Waundel es, sonda woat met däm Jeist erfelt,

¹⁹un rät to enaunda en (met) Psalmen un Loffleeda un jeistliche Leeda, sinjt un spält däm Harn en jun Hoat,

²⁰un sajcht emma fa aules Dank, däm Gott un Voda em Nomen von onsem Harn Jesus Christus,

²¹siet eenaunda unjadon en Christus siene Forcht.

²²Jie Frues, [siet unjadon] june ieejne Mana, soo aus däm Harn.

²³Wiels de Maun es daut Haupt de Fru, aus uk Christus daut Haupt de Jemeent es; hee es de Rada (Heilant) von däm Lief.

²⁴Oba soo aus de Jemeent Christus unjadon es, soo uk de Frues äare (dee) Mana en aulet.

²⁵Jie Mana, leeft june (dee) Frues, soo aus uk Christus de Jemeent jeleeft un sikj selfst fa ar hanjejäft haft,

²⁶doamet hee dee heilicht, dee reinicht derch daut wauschen met Wota (Wotabod) derch daut Wuat,

²⁷doamet hee sikj selfst de Jemeent veharlicht doastalt, dee nich eene Plak ooda een Runzel ooda irjent eenen Fäla haft, sonda daut see heilich un fälafrie es.

²⁸Soo sent uk de Mana schuldich, äare Frues to leewen aus äare ieejne Liew (Kjarpa). Wäa siene Fru leeft, leeft sikj selfst.

²⁹Dan kjeena haft jeemols sien ieejnet Fleesch jehaust, sonda hee fläacht un näat (woamt) daut, soo aus uk Christus de Jemeent.

³⁰Dan wie sent Jläda von sienem Lief, [von sienem Fleesch un von sienem Jebeen].

³¹«Doawäajen woat een Maun däm (sienen) Voda un de (siene) Mutta veloten un woat siene Fru aunhenjen, un dee twee woaren (to eenem) een Fleesch sennen». {1Mo.2,24}

³²Dit Jeheemnis es groot; oba ekj died daut opp Christus un opp de Jemeent.

³³Aulemol uk jie, un zwoa een jiedra, leef siene Fru aus sikj selfst; oba de Fru fercht (iea) däm Maun.