Read De Bibel JHF Efeesa 6 Bible Online

Efeesa 6 - De Bibel JHF bible

Efeesa 6

¹Jie, Kjinja, jehorcht june Elren em Harn, dan daut es rajcht.

²«Iea dienen Voda un diene Mutta», daut es daut ieeschte Jeboot met Veheetunk (daut Vespräakjen met sikj haud) ,

³«doamet daut die gootjeit un du oppe Ieed lang läfst». {2Mo.20,12; 5Mo.5,16}

⁴Un jie Vodasch, reizt june Kjinja nich toom Oaja, sonda trakjt dee opp en Jehuarsom (Strenj) un Vemoninj em Harn.

⁵Jie, Sklowen, jehorcht june Haren nom Fleesch met Forcht un Zetren, en junem eenfeltjen Hoat, aus däm Christus;

⁶nich met (en) Uagen deenende, aus Menschen to jefaulen sieekjende, sonda aus Christus siene Sklowen, dee dän Wellen Gottes von Hoaten doonen,

⁷deent met gooden Wellen, aus däm Harn, un nich Menschen,

⁸doa jie weeten, daut jiedra, wan hee waut Goodet deit, hee daut emfangen woat vom Harn, es hee Sklow ooda Frie.

⁹Un jie Haren, doot daut selje jäajen an un doot nich drooen, doa jie weeten, daut soo aus jie uk jun Har en de Himmel es, un bie am kjeen aunseenen de Persoon es.

¹⁰Äwajens, Breeda, woat stoakj em Harn un en de Krauft siene Macht.

¹¹Trakjt aun daut gaunze Kjrichsjescherr Gottes, doatoo, daut jie stonen kjennen jäajen de lestje Aunschläaj vom Diewel.

¹²Dan ons Kaumf es nich jäajen Bloot un Fleesch, sonda jäajen de Machthaba (Harscha), jäajen Jewaultje, jäajen de Weltharscha de Diestanis, jäajen de Jeista de Boosheit en dee himlische Uaten (Himmelswelten).

¹³Doawäajen nämt daut gaunze Kjrichsjescherr Gottes, doamet jie wadastonen kjennen aum beesen Dach - un, nom Siech daut Flekj behoolen kjennen.

¹⁴Aulsoo stot, un rom june Hoften een Gort (omjebungen) met Woarheit, un aunjetrocken daut Brostschilt de Jerajchtichkjeit,

¹⁵un Schoo aune Feet un reed fa de Vekjindjunk de frooe Bootschoft,

¹⁶bie aul däm oppjenomen ha daut Schilt vom Gloowen, met däm jie emstaunt sennen woaren, aule jlieejende Feilasch vom Beesa (Diewel) uttolaschen.

¹⁷Nämt dän Helm de Radinj (Heil) un daut Schwieet daut Jeistes, daut es Gottes Wuat;

¹⁸to jieda Tiet bät met aulet Jebäd un Bedden em Jeist, un doatoo woakt en aulet Aunholen un Bedden fa aule Heilje,

¹⁹un fa mie, doamet mie biem Mul opmoaken daut Wuat jejäft woat, om frie un mootich daut Jeheemnis de frooe Bootschoft bekaunt to moaken,

²⁰(fa dee ekj een Jeschekjta en Kjäden sie), doamet ekj en däm seljen frie un mootich räd, aus ekj räden saul.

²¹Oba doamet uk jie miene Omstend weeten, waut ekj doo, soo woat Tiechikus, dee leewa Brooda een trua Deena em Harn, junt aules metdeelen,

²²däm ekj nu doawäajen no junt jeschekjt ha, doamet jie erfoaren, woo daut om ons steit, un daut hee june Hoaten treest.

²³Fräd es met de Breeda un Leew met Gloowen von Gott, däm Voda, un däm Harn Jesus Christus!

²⁴De Jnod es met aula, dee onsem Harn Jesus Christus leewen en Onvejenkjlichkjeit.