Read De Bibel JHF Filippa 4 Bible Online

Filippa 4 - De Bibel JHF bible

Filippa 4

¹Doahäa, miene jeleewde Breeda, no dee ekj mie bang, miene Freid un miene Kroon, stot faust em Harn, Jeleewde!

²De Efodia ermon ekj, un de Sintieche ermon ekj, en eenen Senn (eenich) em Harn to sennen.

³Jo, ekj bedd uk die, mien trua Metoabeida, nemm die an aun, dee bie de Vekjindjunk de frooe Bootschoft met mie toop jekjamft ha, soo aus met Klement un miene aundre Metoabeida, dän äare Nomes em Läwensbuak sent.

⁴Freit junt em Harn jieda (aule) Tiet! Noch eenmol well ekj sajen: Freit junt!

⁵Lot june Jelindichkjeit (Mildheit) aule Menschen bekaunt woaren; de Har es dicht bie!

⁶Sorcht junt nich, sonda en aulem lot em Jebäd un em Bedden met Dank sajen june Aunligjen (Noot) ver Gott bekaunt woaren;

⁷un de Fräd Gottes, dee aulen Vestaunt äwasticht, woat june Hoaten un june Jedanken bewoaren en Christus Jesus.

⁸Äwajens, Breeda, aules waut woa, aules waut ieeboa, aules waut jerajcht, aules waut rein, aules waut leeftolich, aules waut sikj goot aunhieet, wan irjent eene Ieejenschoft un wan irjent een Lowen es, daut bedenkjt!

⁹Waut jie uk jelieet ha un äwanomen ha un jehieet ha un jeseenen ha aun mie, daut doot, un de Frädens Gott woat met junt sennen.

¹⁰Oba ekj ha mie sea em Harn jefreit, daut jie entlich eenmol wada oppjeläft sent, fa mie to sorjen (aun mie to denkjen); doaraun jie uk emma jedocht ha, oba jie hauden kjeene Jeläajenheit.

¹¹Nich daut ekj dit ut Bederfnis saj, dan ekj ha jelieet, en dee Omstend ekj sie, tofräd to sennen.

¹²Ekj weet (kaun) soo aus oam to sennen, ekj weet uk Äwafluss to ha; en aulem un en aulet sie ekj jeeeft (enjeweit), soo aus saut to sennen aus uk to hungren, soo aus Äwafluss to haben aus uk Mangel to lieden.

¹³Ekj kaun aules derch däm, dee mie stoakj moakt.

¹⁴Doch scheen ha jie jehaundelt, daut jie aun miene Bedrenkjnisen deel jenomen ha.

¹⁵Oba daut weeten uk jie, Filippa, daut aum Aunfank de Vekjindjunk de frooe Bootschoft, aus ekj von Mazedonien wajch jegonen wia, kjeene Jemeent met mie Jemeenschoft jehaut haft, enne Räakjninj aum Ennämen (jäwen) un Utjäwen (nämen), aus blooss jie auleen.

¹⁶Dan uk en Tessalonich ha jie mie eenmol un twee Mol fa mienem Jebruck jeschekjt.

¹⁷Nich daut ekj daut Jeschenkj sieekj, sonda ekj sieekj de Frucht, dee doa waust enne Räakjninj fa junt.

¹⁸Oba ekj ha aules jekjräajen un ha Äwafluss; ekj ha von aulem, doa ekj von Epafroditus daut von junt Jeschekjte jekjräajen ha, een scheenrikjendet Jeroch, een aunjenämet Opfa, daut Gott jefelt.

¹⁹Oba mien Gott woat aulen junem Mangel erfellen no sien Rikjtum en Harlichkjeit en Christus Jesus.

²⁰Oba onsem Gott un Voda es de Iea en de Eewichkjeit de Eewichkjeit! Amen.

²¹Jreest jiedren Heiljen en Christus Jesus. Daut loten junt jreessen de Breeda, dee bie mie sent.

²²Daut jreessen junt aule Heilje, daut mieeschte oba dee utem Kjeisa sien Hus.

²³De Jnod vom Harn Jesus Christus es met junem Jeist! Amen.