Read De Bibel JHF Kolossa 1 Bible Online

Kolossa 1 - De Bibel JHF bible

Kolossa 1

¹Paulus, Apostel Christus Jesus derch dän Wellen Gottes, un Timotäus, de Brooda,

²aun dee heilje un jleibje Breeda en Christus, dee en Kolossä sent: Jnod junt un Fräd von Gott, onsem Voda, [un däm Harn Jesus Christus]!

³Wie danken Gott, däm Voda von onsem Harn Jesus Christus aulentiet, endäm wie fa junt bäden,

⁴doa wie jehieet ha von jun Gloowen en Christus Jesus un von de Leew, dee jie to aule Heilje ha,

⁵wäajen de Hopninj, dee fa junt oppbewoat es em Himmel, von dee jie verhäa jehieet ha em Wuat de Woarheit de frooe Bootschoft,

⁶no junt jekomen, aus uk en de gaunze Welt es, un Frucht brinjt un waust, aus uk bie junt, von däm Dach aun, doa jie dee jehieet ha un de Jnod Gottes en Woarheit erkjant ha,

⁷soo aus jie von Epafras jelieet ha, onsen leefsten Metkjnajcht, dee Christus een trua Deena, fa junt, es,

⁸dee uk ons june Leew em Jeist bekaunt jemoakt haft.

⁹Doawäajen hieren uk wie nich opp, von däm Dach aun, doa wie daut jehieet haben, fa junt to bäden un to bedden, daut jie erfelt woaren met de Erkjantnis von sien Wellen en aula Weisheit un jeistliche Ensecht (Vestaunt),

¹⁰om wirdich däm Harn to waundlen to aulem Wooljefaulen, en jiedret goodet Woakj Frucht brinjt, un waussen en de Erkjantnis Gottes,

¹¹en aule Krauft jestoakjt no de Macht siene Harlichkjeit, to aule Jedult un met Freid hannämen,

¹²siet däm Voda dankboa, dee ons (junt) paussent jemoakt haft toom Aundeel aum Oawgoot de Heilje em Licht,

¹³dee ons jerat haft ute Macht de Diestanis un haft ons vesat en daut Rikj vom Sän siene Leew,

¹⁴en däm wie de Erleesunk (Radunk) ha, de Vejäwunk de Sinden;

¹⁵disa (dee) daut Bilt Gottes daut onsechtboa es, de Ieeschtjebuarna aula Erschaufunk (Kjreatua).

¹⁶Wiels derch am wort (es) aules jeschaufen, aules en de Himmel un oppe Ieed, daut Sechtboare un daut Onsechtboare, sent daut Troons ooda Harschoften ooda Rejierungen ooda Jewaulten; aules es derch am un fa am jeschaufen.

¹⁷Un hee es ver aulem, un aules besteit en am.

¹⁸Un hee es daut Haupt vom Lief, de Jemeent, hee es de Aunfank, de Ieeschtjebuarna ut de Doodes, doamet hee en aulem dän ieeschten Plauz haft;

¹⁹dan daut wia daut Wooljefaulen de gaunze Vollheit [en Gott], en am to wonen

²⁰un derch am aule Dinj met sikj (no am han) to veseenen, endäm hee Fräd jemoakt haft derch daut (sien) Bloot aun sienem Kjriez, derch am, es daut oppe Ieed ooda es daut em Himmel.

²¹Uk junt, dee jie eenst framd un Fiend no de Jesennunk wieren en beese Woakjen,

²²oba nu haft hee veseent en sienen fleeschlichen Lief derch däm Doot, om junt heilich un schultloos un onen Strof ver sikj hantostalen,

²³wan jie aundasch en däm Gloowen jejrindet un faust bliewen un junt nich wajchdreien (wajchjedrenjt) woaren von de Hopninj de frooe Bootschoft, dee jie jehieet ha, vekjindicht enne gaunze Erschaufunk, dee unjrem Himmel es, dee äa Deena ekj, Paulus, jeworden sie.

²⁴Nu frei ekj mie en daut Lieden fa junt un aun june Städ aun mien Fleesch, waut noch fält aun de Bedrenkjnisen von Christus fa sien Lief, daut es de Jemeent,

²⁵dee äa Deena ekj jeworden sie no de Vewaultunk (Oppdrach) Gottes, dee mie fa junt jejäft es, daut Wuat Gottes to vollbrinjen;

²⁶daut Jeheemnis, daut von de Eewichkjeit un vonne Jeschlajchta häa veborjen wia, oba nu es daut siene Heilje jeopenboat worden,

²⁷dän Gott bekaunt moaken wull, daut de Rikjtum de Harlichkjeit von dit Jeheemnis es unja de Velkja, daut es Christus unja junt, de Hopninj opp de Harlichkjeit;

²⁸dän wie vekjindjen, endäm wie jiedrem Mensch ermonen un jiedrem Mensch lieren en aula Weisheit, doamet wie jiedrem Mensch vollkomen en Christus doastalen;

²⁹doafäa ekj mie uk bemieej, kjamf no siene wirkjsome Krauft, dee en mie wirkjt en Krauft.