Read De Bibel JHF Josua 12 Bible Online

Josua 12 - De Bibel JHF bible

Josua 12

¹Un dit sent de Kjennichs vom Launt, dee de Kjinja Israel schluagen, un dee äa Launt see aus Ieejentum naumen aun jane Sied vom Jordan, jäajen Sonnennoppgank, vom Fluss Arnon bat nom Boajch Hermon, un de gaunze Läacht jäajen Oosten:

²Sihon, dee Kjennich äwa de Amorita, dee en Hesbon wond; hee harscht von Aroer aun, daut aum Eewa vom Fluss Arnon licht, un zwoa vonne Medd de Läacht aum Fluss, daut haulwe Gilead bat aun däm Fluss Jabbok, de Jrens de Kjinja Amon,

³un äwa de Läacht bat aun daut Mäa Kinneroth, jäajen Oosten, un bat aum Mäa, de Läacht, daut Soltmäa, jäajen Oosten, no Bat-Jesimot han, un jäajen Sieden unja däm Pisga Boajch.

⁴Un de Boaj Og, vom Kjennich von Baschan, von de Äwajebläwne de Refaim, dee bie Astarot un en Edrei wonen;

⁵un hee harscht äwa däm Boajch Hermon un äwa Salka un äwa daut gaunze Baschan, bat aune Jrens de Gesurita un de Maakatita, un äwa daut haulwe Gilead, de Jrensen Sihon, vom Kjennich von Hesbon.

⁶Moses, de Kjnajcht Gottes, un de Kjinja Israel schluagen an; un Moses, de Kjnajcht Gottes, jeef daut aus Ieejentum de Rubenita un de Gadita un däm haulwen Staum Manasse.

⁷Un dit sent de Kjennichs von daut Launt, dee Josua un de Kjinja Israel aun dise Sied vom Jordan schluagen, nom Wasten han, von Baal-Gad enne Läacht vom Libanon, bat aune kole Boaj, dee jäajen Seir oppstonen. Un Josua jeef daut de Stam Israel aus Ieejentum, eenem jiedren sien Deel,

⁸enne Boaj un enne Läacht un oppe Stapen un aun de Aunboaj un enne Wieste un em Sieden; de Hetita un de Amorita un de Kanaanita un de Perisita un de Hewita un de Jebusita:

⁹De Kjennich von Jericho, eena; de Kjennich von Ai, daut aune Sied von Betel licht, eena;

¹⁰de Kjennich von Jerusalem, eena; de Kjennich von Hebron, eena;

¹¹de Kjennich von Jarmut, eena; de Kjennich von Lachisch, eena;

¹²de Kjennich von Eglon, eena; de Kjennich von Geser, eena;

¹³de Kjennich von Debir, eena; de Kjennich von Geder, eena;

¹⁴de Kjennich von Horma, eena; de Kjennich von Arad, eena;

¹⁵de Kjennich von Libna, eena; de Kjennich von Adullam, eena;

¹⁶de Kjennich von Makkeda, eena; de Kjennich von Betel, eena;

¹⁷de Kjennich von Tappuach, eena; de Kjennich von Hefer, eena;

¹⁸de Kjennich von Afek, eena; de Kjennich von Lascharon, eena;

¹⁹de Kjennich von Madon, eena; de Kjennich von Hazor, eena;

²⁰de Kjennich von Schimron-Meron, eena; de Kjennich von Akschaf, eena;

²¹de Kjennich von Taanak, eena; de Kjennich von Megiddo, eena;

²²de Kjennich von Kedesch, eena; de Kjennich von Jokneam, aum Karmel, eena;

²³de Kjennich von Dor, en de Aunboajjäajent von Dor, eena; de Kjennich vonne Gojim en Gilgal, eena;

²⁴de Kjennich von Tirza, eena. Aule Kjennichs wieren 31.