Read De Bibel JHF Josua 13 Bible Online

Josua 13 - De Bibel JHF bible

Josua 13

¹Un Josua wia oolt, huach aun Doag, un de Har säd to am: Du best oolt, huach aun Doag, un vom Launt es sea väl äwajebläwen entonämen.

²Dit es daut Launt, daut noch äwajebläwen es: De gaunze Jäajent de Filista un daut gaunze Gesuri;

³von däm Sichor, dee oostlich von Ägipten rant, bat aune Jrens von Ekron jäajen Nuaden, daut woat to de Kanaanita jeräakjent; de fief Ferschten de Filista; de Gazita, de Asdodita, de Askalonita, de Gatita un de Ekronita, un de Awita.

⁴Em Sieden daut gaunze Launt de Kanaanita un Meara, daut de Zidonita jehieet, bat Afek, bat aun de Jrens de Amorita;

⁵un daut Launt de Giblita un de gaunze Libanon jäajen Sonnenoppgank, von Baal-Gad, unjen aum Boajch Hermon, bat maun no Hamat kjemt;

⁶aule Bewona de Boaj, vom Libanon bat Misrefot-Majim, aule Zidonia. Ekj selfst woa an ver de Kjinja Israel utroden; blooss veloos daut Israel aus Oawdeel, soo aus ekj die befoolen ha.

⁷Un nu vedeel dit Launt aus Oawdeel de 9 Stam un däm haulwen Staum Manasse.

⁸Met am [Manasse] ha de Rubenita un de Gadita äa Oawdeel jekjräajen, daut Moses an aun jane Sied vom Jordan jäajen Oosten jejäft haft, soo aus Moses, de Kjnajcht Gottes, an daut jejäft haft:

⁹Von Aroer aun, daut aum Flusseewa Arnon es, un zwoa von de Staut, dee medden enne Fluss Läacht licht, un de gaunze Läacht Medeba bat Dibon,

¹⁰un aule Städa Sihon, däm Kjennich äwa de Amorita, dee en Hesbon rejieed, bat no de Jrens de Kjinja Amon;

¹¹un Gilead un de Jäajent de Gesurita un de Maakatita un de gaunze Boajch Hermon un daut gaunze Baschan bat Salka,

¹²daut gaunze Rikj Og en Baschan, dee en Astarot un en Edrei rejieed; (hee wia vonne Äwaje de Refaim äwajebläwen); un Moses schluach an un juach an rut.

¹³Oba de Kjinja Israel juagen de Gesurita un de Maakatita nich rut; un Gesur un Maakat ha enne Medd von Israel jewont bat opp disem Dach.

¹⁴Blooss däm Staum Levi jeef hee kjeen Oawdeel; de Fiaopfa Gottes, däm Gott Israels, sent sien Oawdeel, soo aus hee to am jerät haud.

¹⁵Un Moses jeef däm Staum de Kjinja Ruben no äare Jeschlajchta.

¹⁶Un daut wort an aus Jäajent toojedeelt: Von Aroer aun, daut aum Eewa vom Fluss Arnon es, un zwoa von de Staut, dee medden enne Fluss Läacht licht, un de gaunze Läacht bie Medeba;

¹⁷Hesbon un aul siene Städa, dee enne Läacht sent: Dibon un Bamot-Baal un Bat-Baal-Meon,

¹⁸un Jahza un Kedemot un Mefaat,

¹⁹un Kirjathaim un Sibma un Zeret-Schachar oppem Boajch aune Läacht,

²⁰un Bat-Peor un aum Pisga un Bat-Jesimot,

²¹un de Städa enne Läacht, un daut gaunze Rikj Sihon, däm Kjennich äwa de Amorita, dee en Hesbon rejieed, däm Moses schluach, am un de Ferschten von Midian: Ewi un Rekem un Zur un Hur un Reba, de Harscha von Sihon, de Laundesbewona.

²²Un Bieleam, däm Sän Beor, däm Woasaja, brochten de Kjinja Israel met daut Schwieet om, met äare dootjeschloagne.

²³Un de Jrens de Kjinja Ruben wia de Jordan un daut aunjrensende. Daut wia daut Oawdeel de Kjinja Ruben, no äare Jeschlajchta, de Städa un äare Darpa.

²⁴Un Moses jeef däm Staum Gad, de Kjinja Gad, no äare Jeschlajchta.

²⁵Un daut wort an de Jäajent toojedeelt: Jaser un aule Städa Gilead, un de Halft vom Launt de Kjinja Amon bat Aroer, daut ver Rabba licht;

²⁶un von Hesbon bat Ramat-Mizpe un Betonim, un von Machanaim bat aun de Jrens von Lidebir;

²⁷un de Läacht: Bat-Haram un Bat-Nimra un Sukkot un Zafon, daut Äwaje vom Rikj Sihon, vom Kjennich von Hesbon, de Jordan un daut Aunjrensende bat aum Enj vom Kinnereth Mäa, aun jane Sied von Jordan jäajen Oosten.

²⁸Daut wia daut Oawdeel de Kjinja Gad no äare Jeschlajchta, de Städa un de Darpa.

²⁹Un Moses jeef däm haulwen Staum Manasse; un däm haulwen Staum de Kjinja Manasse wort no äare Jeschlajchta toojedeelt.

³⁰Un äare Jäajent wia von Machanaim aun, daut gaunze Baschan, daut gaunze Rikj Og, däm Kjennich von Baschan, un aule Darpa Jair, dee en Baschan sent, 60 Städa.

³¹Un daut haulwe Gilead, un Astarot un Edrei, de Städa von Og sienem Rikj, en Baschan, wort de Säns Makir, vom Sän Manasse, toom Deel, de Halft de Säns Makir, no äare Jeschlajchta.

³²Daut es et, waut Moses enne Läacht Moab aus Oawdeel utjedeelt haft, aun jane Sied vom Jordan von Jericho, jäajen Oosten.

³³Oba däm Staum Levi gauf Moses kjeen Oawdeel; de Har, de Gott Israels, es äa Oawdeel, soo aus hee to an jerät haud.