Read De Bibel JHF Josua 15 Bible Online

Josua 15 - De Bibel JHF bible

Josua 15

¹Un daut Loss foll fa däm Staum de Kjinja Juda, no äare Jeschlajchta, no de Jrens Edom han, de Wieste Zin, jäajen Meddach, em butaschten Sieden.

²Un äare Siedjrens wia vom Enj aum Soltmäa, vonne Tung, dee sikj jäajen Sieden dreit;

³un trakjt sikj nom Sieden vom Aunboaj Akrabbim un jinkj äwa no Zin, un jinkj nopp siedlich von Kades-Barnea un jinkj äwa no Hezron, un jinkj nopp no Addar un dreid sikj no Karka,

⁴un dan jinkj dee äwa no Azmon un jinkj nom Stroom Ägipten; un de Utgank vonne Jrens wia nom Mäa han. Daut saul june Siedjrens sennen.

⁵Un de Jrens jäajen Oosten wia daut Soltmäa bat aun Enj vom Jordan. Un de Jrens aune Nuadsied wia vonne Mäatung aun, bat toom Enj vom Jordan;

⁶un de Jrens jinkj nopp no Bat-Hogla un jinkj äwa nuadlich von Bat-Araba; un de Jrens jinkj nopp nom Steen Bohan, Ruben sienem Sän;

⁷un de Jrens jinkj vonne Läacht Achor nopp no Debir, un dee dreid sikj nuadlich no Gilgal, dee däm Aunboaj Adummim jäajenäwa licht, dee siedlich vom Bach es; un de Jrens jinkj äwa nom Wota En-Semes, un äa Utgank wia no En-Rogel han;

⁸un de Jrens jinkj de Läacht nom Sän Hinnom nopp, no de siedliche Sied de Jebusita, daut es Jerusalem; un de Jrens jinkj no de Boaj Spetzen nopp, dee vere Läacht Hinnom, jäajen Wasten, aum Enj de Läacht de Refaim, jäajen Nuaden es;

⁹un de Jrens jinkj rom vonne Boaj Spetz no de Wotakjwalen Neftoach, un rand no de Städa de Efron Boaj han; un de Jrens jinkj rom no Baala, daut es Kirjat-Jearim;

¹⁰un von Baala dreid sikj de Jrens jäajen Wasten no de Boaj Seir un jinjen äwa no de Nuadsied vom Boaj Jearim, daut es Kesalon, un jinkj rauf no Bat-Semes un jinkj äwa no Timna;

¹¹un de Jrens jinkj no de Nuadsied von Ekron, un de Jrens trock sikj rom no Schikkeron un jinkj äwa nodäm Boajch von Baala, un kaum bie Jabneel rut; un de Utgank vonne Jrens wia nom Mäa han.

¹²Un de Wast Jrens wia daut groote Mäa un daut Aunjrensende. Daut wia de Jrens de Kjinja Juda, no äare Jeschlajchta.

¹³Un Kaleb, däm Sän Jefunnes, jeef hee een Deel enne Medd de Kjinja Juda, nom Befäl Gottes aun Josua; de Staut Arbas, vom Voda Enak, daut es Hebron.

¹⁴Un Kaleb juach de dree Säns Enak rut, Scheschai un Achiman un Talmai, de Kjinja Enak.

¹⁵Un von doa jinkj hee nopp jäajen de Bewona von Debir; de Nomen von Debir wia oba ver däm Kirjat-Sefer.

¹⁶Un Kaleb säd: Wäa Kirjat-Sefer schleit un daut ennemt, däm jäw ekj miene Dochta Aksa to Fru.

¹⁷Doa naum Othniel daut en, de Sän Kena, een Brooda von Kaleb; un hee jeef am siene Dochta Aksa to Fru.

¹⁸Un daut passieed, aus see no am kaum, doa beräd see am, een Aka von äarem Voda too fodren. Un see sprunk vom Äsel rauf. Doa säd Kaleb to ar: Waut hast du?

¹⁹Un see säd: Jeff mie eenen Säajen; dan een Meddachslaunt hast du mie jejäft, soo jeff mie uk Wotakjwalen! Doa jeef hee ar de bowaschten Kjwalen un de unjaschte Kjwalen.

²⁰Daut wia daut Oawdeel vom Staum de Kjinja Juda, no äare Jeschlajchta.

²¹Un de Städa aum Enj vonne Stam de Kjinja Juda, jäajen de Jrens Edom, em Sieden, wieren: Kabzeel un Eder un Jagur,

²²un Kina un Dimona un Adada, 15,

²³un Kedesch un Hazor un Jitnan,

²⁴Sif un Telem un Bealot,

²⁵un Neu-Hazor un Kirijot-Hezron, daut es Hazor,

²⁶Amam un Schema un Molada,

²⁷un Hazor-Gadda un Heschmon un Bat-Pelet,

²⁸un Hazar-Schual un Beerscheba un Bisjotja,

²⁹Baala un Ijim un Ezem,

³⁰un El-Tolad un Kesil un Horma,

³¹un Ziklag un Madmanna un Sansanna,

³²un Lebaot un Schilchim un Ajin un Rimmon: Aule Städa wieren 29 un äare Darpa.

³³Enne Läacht: Eschtaol un Zorha un Aschna,

³⁴un Sanoach un En-Gannim, Tappuach un Enam,

³⁵Jarmut un Adullam, Soko un Aseka,

³⁶un Schaaraim un Aditaim un Gedera un Gederotaim: 14 Städa un äare Darpa.

³⁷Zenan un Hadascha un Migdal-Gad,

³⁸un Dilhan un Mizpe un Jokteel,

³⁹Lachisch un Bozkat un Eglon,

⁴⁰un Kabbon un Lachmas un Kitlisch,

⁴¹un Gederot, Bat-Dagon un Naama un Makkeda: 16 Städa un äare Darpa.

⁴²Libna un Eter un Aschan,

⁴³un Jiftach un Aschna un Nezib,

⁴⁴un Keila un Aksib un Marescha: 9 Städa un äare Darpa.

⁴⁵Ekron un siene aunjeheaje Städa un siene Darpa.

⁴⁶Von Ekron aun un wastlich, aule, de aune Sied von Aschdod lagen, un äare Darpa:

⁴⁷Aschdod, siene aunjeheaje Städa un siene Darpa; Gasa, siene aunjeheaje Städa un siene Darpa, bat aun däm Bach Ägipten, un daut groote Mäa un daut Aunjrensende.

⁴⁸Un enne Boaj: Schamir un Jattir un Soko,

⁴⁹un Danna un Kirjat-Sanna, daut es Debir,

⁵⁰un Anab un Eschtemo un Anim,

⁵¹un Gosen un Holon un Gilo: 11 Städa un äare Darpa.

⁵²Arab un Duma un Eschhan,

⁵³un Janum un Bat-Tappuach un Afeka,

⁵⁴un Humta un Kirjat-Arba, daut es Hebron, un Zior: 9 Städa un äare Darpa.

⁵⁵Maon, Karmel un Sif un Juta,

⁵⁶un Jesreel un Jokdeam un Sanoach,

⁵⁷Kajin, Gibea un Timna: 10 Städa un äare Darpa.

⁵⁸Halchul, Bat-Zur un Gedor,

⁵⁹un Maarat un Bat-Anot un Eltekon: 6 Städa un äare Darpa.

⁶⁰Kirjat-Baal, daut es Kirjat-Jearim, un Rabba: 2 Städa un äare Darpa.

⁶¹Enne Wieste: Bat-Araba, Middin un Sekaka,

⁶²un Nibschan un Ir-Hammelach un En-Gedi: 6 Städa un äare Darpa.

⁶³Oba de Jebusita, de Bewona von Jerusalem, — de Kjinja Juda kunnen an nich rutjoagen; un de Jebusita ha met de Kjinja Juda en Jerusalem jewont bat opp disem Dach.