Read De Bibel JHF Josua 19 Bible Online

Josua 19 - De Bibel JHF bible

Josua 19

¹Un daut tweede Loss foll opp Simeon, fa däm Staum de Kjinja Simeon, no äare Jeschlajchta; un äa Oawdeel wia medden em Oawdeel de Kjinja Juda.

²Un daut wort an toom Oawdeel: Beerscheba un Scheba un Molada,

³un Hazar-Schual un Bala un Ezem,

⁴un Eltolad un Bethul un Horma,

⁵un Ziklag un Bat-Markabot un Hazar-Susa,

⁶un Bat-Lebaot un Scharuchen: 13 Städa un äare Darpa;

⁷Ain, Rimmon un Eter un Aschan: 4 Städa un äare Darpa;

⁸un aule Darpa, dee runtom dise Städa ligjen, bat Baalat-Beer, daut es Sied-Ramat. Daut wia daut Oawdeel vom Staum de Kjinja Simeon, no äare Jeschlajchta.

⁹Dan daut Oawdeel de Kjinja Simeon jehieed toom Oawdeel de Kjinja Juda; wiels daut Deel de Kjinja Juda too groot fa an wia, un soo kjräajen de Kjinja Simeon äa Oawdeel medden en äarem Oawdeel.

¹⁰Un daut dredde Loss foll opp de Kjinja Sebulon, no äare Jeschlajchta. Un de Jrens von äarem Oawdeel wia bat Sarid;

¹¹un äare Jrensen jinjen nopp nom Wasten, bat no Marhala, un jinkj bat Dabbeschet un stad aum Stroom, dee ver Jokneam rant;

¹²un dreit sikj von Sarid, nom Oosten, jäajen Sonnenoppgank, no de Jrens von Kislot-Tabor, un jinkj no Daberat han un jinkj nopp no Jafija;

¹³un von doa jinkj see äwa oostlich jäajen Sonnenoppgank, no Gat-Hefer, no Et-Kazin, un jinkj bat Rimmon, jäajen Nea han.

¹⁴Un de Jrens dreid sikj nuadlich no Hannaton, un äa Utgank wia daut Tol Jiftach-El;

¹⁵un Kattat un Nahalal un Schimron un Jidala un Betlehem: 12 Städa un äare Darpa.

¹⁶Daut wia daut Oawdeel de Kjinja Sebulon, no äare Jeschlajchta, dise Städa un äare Darpa.

¹⁷Daut vieede Loss foll opp Issachar, fa de Kjinja Issachar, no äare Jeschlajchta.

¹⁸Un äare Jäajent wia no Jesreel han, un Kessullot un Schunem,

¹⁹un Hafaraim un Schion un Anacharat,

²⁰un Rabbit un Kischjon un Ebez,

²¹un Remet un En-Gannim un En- Hadda un Bat-Pazez;

²²un de Jrens jinkj bat Tabor un Schachazuma un Bat-Semes, un de Utgank vonne Jrens wia aum Jordan: 16 Städa un äare Darpa.

²³Daut wia daut Oawdeel vom Staum de Kjinja Issachar, no äare Jeschlajchta, de Städa un äare Darpa.

²⁴Un daut fefte Loss foll opp däm Staum de Kjinja Aser, no äare Jeschlajchta.

²⁵Un äare Jrens wia: Helkat un Hali un Beten un Akschaf,

²⁶un Allammelek un Amhad un Mischeal; un see jinkj bat aum Karmel, jäajen Wasten, un aun de Sichor-Libnat;

²⁷un see dreid sikj jäajen Sonnenoppgank no Bat-Dagon un jinkj aun Sebulon un aun de Läacht Jiftach-El, nuadlich von Bat-Emek un Nehiel, un jinkj no Kabul han — jäajen Nuaden,

²⁸un Ebron un Rechob un Hammon un Kana, bat Sidon, de groote Staut;

²⁹un de Jrens dreid om no Rama un bat de fauste Staut Tierus; un de Jrens dreid om no Hosa, un äa Utgank wia nom Mäa han vonne Jäajent Aksib;

³⁰un Umma un Afek un Rechob: 22 Städa un äare Darpa.

³¹Daut wia daut Oawdeel vom Staum de Kjinja Aser, no äare Jeschlajchta, dise Städa un äare Darpa.

³²Daut saste Loss foll opp de Kjinja Naftali, fa de Kjinja Naftali, no äare Jeschlajchta.

³³Un äare Jrens wia von Helef, von de Terebinten bie Zaanannim, un Adami-Nekeb un Jabneel bat Lakum, un äa Utgank wia aum Jordan;

³⁴un de Jrens dreid wastlich om no Asnot-Tabor un jinkj von doa no Hukkok han. Un see jinkj bat Sebulon jäajen Sieden, un aun Aser stad see jäajen Wasten, un aun Juda aum Jordan jäajen Sonnenoppgank.

³⁵Un de fauste Städa wieren: Ziddim, Zer un Hammat, Rakkat un Kinnereth,

³⁶un Adama un Rama un Hazor,

³⁷un Kedes un Edrei un En-Hazor,

³⁸un Jiron un Migdal-El, Horem un Bat-Anat un Bat-Semes: 19 Städa un äare Darpa.

³⁹Daut wia daut Oawdeel vom Staum de Kjinja Naftali, no äare Jeschlajchta, de Städa un äare Darpa.

⁴⁰Daut säwende Loss foll opp de Kjinja Dan, no äare Jeschlajchta.

⁴¹Un de Jäajent von äarem Oawdeel wia: Zorha un Eschtaol un Ir-Semes,

⁴²un Schaalabbin un Ajjalon un Jitla,

⁴³un Elon un Timnata un Ekron,

⁴⁴un Elteke un Gibbeton un Baalat,

⁴⁵un Jehud un Bne-Berak un Gat- Rimmon,

⁴⁶un Me-Jarkon un Rakkon, met ne Jäajent Jafo jäajenäwa.

⁴⁷Un de Jrens de Kjinja Dan jinkj nohäa wieda aus dise; dan de Kjinja Dan jinjen nopp un streeden jäajen Lesem, un naumen daut en un schluagen an met däm schoapen Schwieet, un see naumen daut en un wonden doa; un see nanden Leschem Dan, nom Nomen von äarem Voda Dan.

⁴⁸Daut wia daut Oawdeel vom Staum de Kjinja Dan no äare Jeschlajchta, dise Städa un äare Darpa.

⁴⁹Un aus see daut Launt no äare Jrensen vedeelt hauden, jäwen de Kjinja Israel Josua, däm Sän Nuns, een Oawdeel en äare Medd.

⁵⁰Nom Befäl Gottes jäwen see am de Staut, dee hee foddad, Timnat-Serach enne Boaj Efraim; un hee bud de Staut un wond doa.

⁵¹Daut sent de Oawdeel, dee Eleasar, de Priesta, un Josua, de Sän Nuns, un de Heipta de Staumvodasch de Kjinja Israel derch daut Loss utdeelden en Silo, ver däm Harn, aum Engank vom Zelt de Bejäajnunk. Un soo hauden see daut Launt vedeelt.