Read De Bibel JHF Josua 21 Bible Online

Josua 21 - De Bibel JHF bible

Josua 21

¹Un de Heipta, de Vodasch de Leviten kaumen no Eleasar, däm Priesta, un no Josua, däm Sän Nuns, un no de Heipta de Stamvodasch de Kjinja Israel,

²un räden to an en Silo, em Launt Kanaan, un säden: De Har haft derch Moses befoolen, ons Städa toom wonen to jäwen, un en dee äare Jäajent fa ons Vee.

³Un de Kjinja Israel jeewen de Leviten von äarem Oawdeel dise Städa un Weidlaunt, nom Befäl Gottes:

⁴Un daut Loss foll fa de Jeschlajchta de Kehatita. Un Aaron siene Säns, de Priesta, ut de Leviten, kjräajen vom Staum Juda un vom Staum de Simeonita un vom Staum Benjamin, derch Loss, 13 Städa;

⁵un de äwaje Säns Kehat, vom Staumjeschlajcht Efraim un vom Staum Dan un vom haulwen Staum Manasse, derch Loss, 5 Städa.

⁶Un de Säns Gerson kjräajen vom Staum Jeschlajcht Isachar un vom Staum Aser un vom Staum Naftali un vom haulwen Staum Manasse en Baschan, derch Loss, 13 Städa;

⁷de Säns Merari, no äare Jeschlajchta, vom Staum Ruben un vom Staum Gad un vom Staum Sebulon 12 Städa.

⁸Un soo jeewen de Kjinja Israel de Leviten dise Städa un Weidlaunt derch Loss, soo aus de Har derch Moses befoolen haud.

⁹Un see jeewen vom Staum de Kjinja Juda un vom Staum de Kjinja Simeon dise Städa, dee maun met Nomen nand;

¹⁰un see worden Aaron siene Säns, vom Jeschlajcht de Kehatita, von de Kjinja Levi, toom Deel, (dan daut ieeschte Loss foll opp an).

¹¹Un see jeewen an de Staut Arbas, vom Voda Enak, daut es Hebron, enne Boaj Juda, un äa Weidlaunt runtom an.

¹²Oba daut Aka de Staut un äare Darpa jeewen see Kaleb, däm Sän Jefunnes, aus sien Ieejentum.

¹³Un see jeewen Aaron siene Säns, de Priesta, de Toofluchtsstaut fa de Dootschlona, Hebron un sien Weidlaunt; un Libna un sien Weidlaunt,

¹⁴un Jattir un sien Weidlaunt, un Eschtemoa un sien Weidlaunt,

¹⁵un Holon un sien Weidlaunt, un Debir un sien Weidlaunt,

¹⁶un Ain un sien Weidlaunt, un Jutta un sien Weidlaunt, un Bat-Semes un sien Weidlaunt: 9 Städa von dise 2 Stam.

¹⁷Un vom Staum Benjamin: Gibeon un sien Weidlaunt, Geba un sien Weidlaunt,

¹⁸Anatot un sien Weidlaunt, un Almon un sien Weidlaunt: 4 Städa.

¹⁹Aule Städa von Aaron siene Säns, de Priesta: 13 Städa un äa Weidlaunt.

²⁰Un waut de Jeschlajchta de Säns Kehat, de Leviten, de äwaje vonne Säns Kehat, betraft, soo wieren de Städa von äarem Loss vom Staum Efraim.

²¹Un see jeewen an de Toofluchtsstäda fa de Dootschlona, Sichem un sien Weidlaunt enne Boaj Efraim, un Geser un sien Weidlaunt,

²²un Kibzaim un sien Weidlaunt, un Bat-Horon un sien Weidlaunt: 4 Städa.

²³Un vom Staum Dan: Elteke un sien Weidlaunt, un Gibbeton un sien Weidlaunt,

²⁴Ajjalon un sien Weidlaunt, Gat-Rimmon un sien Weidlaunt: 4 Städa.

²⁵Un vom haulwen Staum Manasse: Taanak un sien Weidlaunt, un Gat-Rimmon un sien Weidlaunt: 2 Städa.

²⁶Aule Städa wieren 10 un äa Weidlaunt, fa de Jeschlajchta de äwaje Säns Kehat.

²⁷Un de Säns Gerson, von de Jeschlajchta de Leviten, jeewen see vom haulwen Staum Manasse: De Toofluchtsstaut fa de Dootschlona, Golan en Baschan un sien Weidlaunt; un Beeschtera un sien Weidlaunt: 2 Städa.

²⁸Un vom Staum Isachar: Kischjon un sien Weidlaunt, Daberat un sien Weidlaunt,

²⁹Jarmut un sien Weidlaunt, En-Gannim un sien Weidlaunt: 4 Städa.

³⁰Un de Stam Aser: Mischeal un sien Weidlaunt, Abdon un sien Weidlaunt,

³¹Helkat un sien Weidlaunt, un Rechob un sien Weidlaunt: 4 Städa.

³²Un vom Staum Naftali: De Toofluchtsstaut fa de Dootschlona, Kedes en Galiläa un sien Weidlaunt; un Hammoth-Dor un sien Weidlaunt, un Kartan un sien Weidlaunt: 3 Städa.

³³Aule Städa de Gersonita, no äare Jeschlajchta: 13 Städa un äa Weidlaunt.

³⁴Un de Jeschlajchta de Säns Merari, de äwaje Leviten, jeewen see vom Staum Sebulon: Jokneam un sien Weidlaunt, Karta un sien Weidlaunt,

³⁵Dimna un sien Weidlaunt, Nahalal un sien Weidlaunt: 4 Städa.

³⁶Un vom Staum Ruben: Bezer un sien Weidlaunt, un Jahza un sien Weidlaunt,

³⁷Kedemot un sien Weidlaunt, un Mefaat un sien Weidlaunt: 4 Städa.

³⁸Un vom Staum Gad: De Toofluchtsstaut fa de Dootschlona, Ramot un Gilead un sien Weidlaunt; un Machanaim un sien Weidlaunt,

³⁹Hesbon un sien Weidlaunt, Jaser un sien Weidlaunt; aule Städa wieren 4.

⁴⁰Aule Städa de Säns Merari, no äare Jeschlajchta, de Äwaje von de Jeschlajchta de Leviten: Äa Loss wia 12 Städa.

⁴¹Aule Städa de Leviten enne Medd vom Ieejentum de Kjinja Israel: 48 Städa un äa Weidlaunt.

⁴²Dise Städa hauden, jiedre Staut, äa Weidlaunt runtom sikj häa: Aulsoo wia daut bie aul dise Städa.

⁴³Un soo jeef de Har Israel daut gaunze Launt, daut hee äare Vodasch to jäwen jeschwuaren haud; un see naumen daut en un wonden doa.

⁴⁴Un de Har veschauft an Ru, runtom no aulem, waut hee äare Vodasch jeschwuaren haud; un kjeena von aul äare Fiend hilt ver an staunt: Aul äare Fiend jeef de Har en äare Henj.

⁴⁵Daut foll kjeen Wuat von aul de goode Wieed, dee de Har toom Hus Israel jerät haud; aules troff en.