Read De Bibel JHF 2. Tessalonicha 2 Bible Online

2. Tessalonicha 2 - De Bibel JHF bible

2. Tessalonicha 2

¹Oba wie bedden junt, Breeda, wäajen daut Aunkomen (Wadakomen) von onsem Harn Jesus Christus un ons Toopfieren met am (onsen vesaumelt woaren no am han),

²doarom, lot jie junt nich schwind vewerren (derchenaunda brinjen), en jun Vestaunt (Jesennunk), un lot junt nich veleiden, noch derch eenen Jeist, noch derch een Wuat, noch derch eenen Breef aus derch (von) ons, aus wan de Dach von däm Harn doa wia.

³Lot junt von kjeenem opp irjent eena Oat (Wies) teischen (wajch fieren), dan wan nich ieescht de Auffaul kjemt, un openboa jeworden es de Mensch de Jesazloosichkjeit (Sind), de Sän de Vedoawnis,

⁴dee wadasteit un sikj selfst erhäft (äwahäft) äwa aules, waut Gott heet ooda een Jäajenstaunt de Veierunk es, soo daut hee sikj en däm Tempel Gottes sat un sikj utjeft, daut hee Gott es.

⁵Kjenn jie junt nich denkjen, aus ekj noch bie junt wia, daut ekj junt dit säd?

⁶Un nu weet jie, waut trigj helt (am opphelt), bat daut hee to siena Tiet openboa woat.

⁷Dan daut Jeheemnis de Jesazloosichkjeit es aul wirkjsom; blooss dee daut nu opphelt, bat hee ut de (äare) Medd jenomen es,

⁸un dan woat de Jesazloosa openboat woaren, däm de Har Jesus doot moaken woat derch däm Frodem (Jeist) ut sienem Mul un venichten derch daut Erschienen sienem Aunkomen (Wadakomen),

⁹am, däm sien Komen nom wirkjen Sotons es, met aula Macht un met Tieekjen, un Wunda de Läajes

¹⁰un met aulet teischen de Ojjerajchtichkjeit fa dee, dee veloaren gonen, wiels see de Leew to Woarheit nich aunjenomen ha, doamet see jerat worden.

¹¹Un doawäajen schekjt Gott an dee wirkjsome Krauft von Errtum, daut see de Läajes jleewen,

¹²doamet aula jerecht woaren, dee de Woarheit nich jejleeft ha, sonda Wooljefaulen jefungen hauden aun de Ojjerajchtichkjeit.

¹³Oba wie sent schuldich, Gott aulentiet fa junt to danken, vom Harn jeleewde Breeda, doafäa, daut Gott junt von Aunfank (aus ieeschte Frucht) erwält haft to Radunk enne Heiljunk derch däm Jeist un em Gloowen aun de Woarheit,

¹⁴to waut hee junt uk beroopen haft derch onse Vekjindjunk de frooe Bootschoft, toom erlangen de Harlichkjeit von onsem Harn Jesus Christus.

¹⁵Aulsoo nu, Breeda, stot faust un hoolt aun daut waut wie jelieet haben faust, en dän jie sent unjarecht worden, es daut derch een Wuat ooda derch eenen Breef von ons.

¹⁶Oba hee selfst, onsa Har Jesus Christus, un Gott ons Voda, dee ons jeleeft haft un eewjen Troost un goode Hopninj en Jnod jejäft haft,

¹⁷treest june Hoaten un stoakjt [junt] en jiedrem gooden Woakj un Wuat.