Read De Bibel JHF 1. Timotäus 2 Bible Online

1. Timotäus 2 - De Bibel JHF bible

1. Timotäus 2

¹Nu vemon ekj fa aule Dinj, daut Bedden, Jebäd, fa aundre bäden, Dank sajen fa aule Menschen,

²fa Kjennichs un aule, dee en de Rejierunk (Obrichkjeit) sent, doamet wie een rujet un stellet Läwen fieren kjennen en aula Frommheit un Ieeboa.

³Dit es goot un aunjenäm ver onsen Rada (Heilant) Gott,

⁴dee doa well, daut aule Menschen jerat woaren un to Erkjantnis de Woarheit komen.

⁵Dan Gott es eena, un een Vemedla tweschen Gott un Menschen, de Mensch Christus Jesus,

⁶dee sikj selfst jeef aus Leesjelt fa aule, doavon daut Zeichnis to siene Tiet sull vekjindicht woaren,

⁷doatoo sie ekj bestalt (enjesat) aus Vekjindja (Liera) un Apostel, (ekj saj de Woarheit, ekj lieej nich), aus Liera de Velkja (Heiden), em Gloowen un Woarheit.

⁸Aulsoo ekj well, daut de Mana aun jiedren Uat bäden, endäm see heilje Henj opphäwen, onen Oaja un Bedenkjen.

⁹Soo uk, daut de Frues en aunstendjen (ieeboaren) Oppträden (Kjleet) met Aunstaunt un Sittlichkjeit sikj schmock moaken, nich met Hoa flajchten un Golt ooda Parlen ooda diere Kjleeda,

¹⁰sonda, waut sikj fa Frues jeziemt, dee sikj to Gottesforcht bekjanen, derch goode Woakjen.

¹¹Eene Fru saul em Stellen lieren en aulem Unjadon (en Unjaordninj) to sennen.

¹²Oba ekj erlaub eene Fru nich, to lieren, uk nich äwa dän Maun to harschen, sonda stell to sennen,

¹³dan Adam wort ieescht jeschaufen, doano Eva;

¹⁴un Adam wort nich vefieet (bedroagen), oba de Fru wort bedroagen, un foll en Äwaträdunk.

¹⁵Oba see woat jerat woaren derch Kjinja jebäaren, wan see blieft em Gloowen un Leew un Heilichkjeit met Sittlichkjeit.