Read De Bibel JHF 2. Timotäus 3 Bible Online

2. Timotäus 3 - De Bibel JHF bible

2. Timotäus 3

¹Oba dit weet, daut enne latste Doag schwoare Tieden komen woaren;

²dan de Menschen woaren selfstsechtich sennen, daut Jelt leewen, puchrich, Stolt, Lastra, de Elren ojjehuarsom, ondankboa, onheilich,

³onen Leew, loten sikj nich veseenen met aundre, äwa aundre ojjerajcht räden, onbandich, grausom, daut Goode nich leewen,

⁴Veroda, ieejenkoppich, oppjeblost (stolt), mea daut Vejnieejen leewen aus Gott,

⁵dee eene Form de Frommheit (Gottseelichkjeit) ha, oba de Krauft von Gott veloagen ha; un von dise drei die wajch.

⁶Dan ut (von) dise sent, dee sikj enne Hiesa schlikjen un Frues jefangen nämen, dee, met Sinden beloden, von maunchatlei Lost jedräwen woaren,

⁷dee emma lieren un niemols to Erkjantnis de Woarheit komen kjennen.

⁸Oba soo aus Janes un Jambres sikj Moses entjäajen jestalt hauden, soo stalen sikj uk dise jäajen de Woarheit, Menschen vedorwen em Vestaunt, nich faust em Gloowen.

⁹Oba see woaren nich wieda verwoats komen, dan äare Noaheit (Dommheit) woat aulen openboa woaren, aus uk dee von jane daut wort.

¹⁰Oba du best (hast) miene Lia nojefolcht {1Tim.4,6}, mien Läwenswaundel (Benämen), mien Sträwen, mienen Gloowen, miene Langmoot, miene Leew, miene Jedult,

¹¹miene Vefoljungen, mien Lieden, dee opp mie en Antiochia jekomen sent, en Ikonion, en Liestra; waut fa ne Vefoljungen ekj utjehoolen ha, un ut aule haft de Har mie jerat.

¹²Un uk aule, dee fromm (Gottseelich) läwen wellen en Christus Jesus, woaren vefoljd woaren.

¹³Oba beese Menschen un dee waut bedrieejen (Läajna) woaren em Beest doonen schlemma woaren, endäm see vefieren un vefieet woaren.

¹⁴Oba du bliew en däm, waut du jelieet hast un wuavon du gaunz äwazeicht best, doa du weetst, von wäm du jelieet hast,

¹⁵un wiels du von Kjint aun (opp) de heilje Schreft kjanst, dee die kjennen weis (Weisheit jäwen) moaken, to Radunk derch däm Gloowen aun Christus Jesus.

¹⁶Aule Schreft es von Gottes [Jeist] enjejäft un nitzlich toom Lieren (Belieren), toom Äwafieren (om Orrajchtet to bewiesen), toom trajchtwiesen, toom opptrakjen enne Jerajchtichkjeit,

¹⁷doamet de Mensch Gottes vollkomen es, to jiedret goodet Woakj gaunz reed.