Read De Bibel JHF Titus 1 Bible Online

Titus 1 - De Bibel JHF bible

Titus 1

¹Paulus, Kjnajcht Gottes, un een Apostel Jesus Christus, nom Gloowen de Uterwälde Gottes un no de Erkjantnis de Woarheit, dee no de Gottseelichkjeit es,

²opp Grunt de Hopninj toom eewjen Läwen, daut Gott, dee nich lieejen kaun, vesproaken haft ver eewje Tieden,

³oba hee haft to bestemda Tiet sien Wuat derch de Vekjindjunk jeopenboat, dee mie aunvetrut jeworden es nom (derch) Befäl von onsem Rada (Heilant) - Gottes

⁴aun Titus, mienen ajchten Sän nom jemeenschoftlichen Gloowen: Jnod un Fräd von Gott, däm Voda, un Christus Jesus, onsem Rada.

⁵Doawäajen leet ekj die en Kreeta, doamet du, waut noch fäld, en Ordninj brinjen un en jiedre Staut Eltestasch ensaten sust, aus ekj die befoolen haud:

⁶Wan wäa onen Dodel es, een Maun von eene Fru, dee jleewende Kjinja haft, dee nich een onbandjet Läwen beschuldicht ooda ojjehuarsom sent.

⁷Dan de Oppsechta (Leida, Eltesta) mott onen Dodel sennen aus Gottes Husvewaulta, nich ieejensennich, nich oajalich (wuttich), nich een Wiensupa, nich een Schläajna, nich schenteljen Jewenst sieekjent,

⁸sonda gaustfrie, daut Goode leewen, besonnen, jerajcht, fromm, selfst beharscht,

⁹dee sikj aun daut de Lia woarhauftjen Wuat helt, doamet hee emstaunt es, soo aus met de jesunde Lia to vemonen, aus uk dee doajäajen räden to äwafieren.

¹⁰Dan doa sent väle de sikj nich unjaordnen, nuschtje Schwauza un Vefiera, besonda dee ut de Beschniedinj,

¹¹dän maun daut Mul stoppen mott, dee gaunze Hiesa vedreien (derchenaunda brinjen), wiels see opp schenteljen (onopprechtjen) Jewenst lieren waut sikj nich ziemt.

¹²Daut haft eena von an jesajcht, äa ieejna Profeet: «Dee Kreeta sent emma Läajna, beese Tieren, fule Bucks».

¹³Dit Zeichnis es woa; ut disem Grunt wies an strenj trajcht, doamet see em Gloowen jesunt sent,

¹⁴un nich achten opp judische Foblen un Jebooten von Menschen, dee sikj von de Woarheit aufdreien.

¹⁵De Reine es aules rein; oba de Orreine un Onjleewende es nuscht rein, sonda orrein es soo aus äa Vestaunt (Jesennunk), aus uk äa Jewessen.

¹⁶See behaupten Gott to kjanen, oba derch de Woakjen velieejen see am, un sent oppscheislich un ojjehuarsom un onfäich (ojjeschekjt) to jiedrem gooden Woakj.