Read De Bibel JHF Titus 2 Bible Online

Titus 2 - De Bibel JHF bible

Titus 2

¹Oba du räd, waut de jesunde Lia jeziemt;

²vemon de elre Mana nichta to sennen, ieeboa, besonnen, jesunt em Gloowen, enne Leew, en de Jedult;

³vemon de elre Frues daut selje en äa Benämen, aus et sikj däm Heiljen Staunt jeziemt, nich pludren, nich aun väl Wien veskloft, Lierarinen von daut Goode;

⁴doamet see de junge Frues lieren, äare Mana to leewen, äare Kjinja to leewen,

⁵besonnen, rein, goode Husfrues, frintlich, de ieejne Mana unjadon to sennen, doamet daut Wuat Gottes nich jelastat woat.

⁶De jinjre Mana krakjt soo vemon, aunstendich to sennen,

⁷endäm du en aulem die selfst aus een Väabilt fa goode Woakjen doastalst; enne Lia Onvedorwen, Iernst,

⁸jesunde Räd, dee nich to veuadeelen es, doamet de Jäajna sikj schämen, endäm hee nuscht schlajchtet äwa ons to sajen haft.

⁹Vemon de Sklowen, äare ieejne Haren en aules sikj unjaordnen, an toom Jefaulen läwen, nich doajäajen reden,

¹⁰nich stälen, sonda bewiesen daut opp an to veloten es, doamet see de Lia, dee onsem Rada (Heilant) - Gottes es, en aules zieet.

¹¹Dan de Jnod Gottes es verendach jekomen, un brinjt Heil fa aule Menschen,

¹²un unjarecht (belieet) ons, doamet wie, de Gottloosichkjeit un de weltliche Lost velieejen (nich met moaken), besonnen un jerajcht un Gottesferchtich (Gottseelich) läwen en de vondoagsche Welt,

¹³endäm wie luaren opp de seelje Hopninj un Wadakomen de Harlichkjeit von onsem groote Gott un Rada - Jesus Christus,

¹⁴dee sikj selfst fa ons jejäft (hanjejäft) haft, doamet hee ons erleest von aule Jesazloosichkjeit un reinicht fa sikj selfst een toom Ieejentum (utjelausnet, jehuarsomet) Volkj, iewrich en goode Woakjen.

¹⁵Dit räd un vemon un wies trajcht met aule Vollmacht (Iernst). Lot die von kjeenem veachten.