Read De Bibel JHF Titus 3 Bible Online

Titus 3 - De Bibel JHF bible

Titus 3

¹Halp an denkjen, de Obrichkjeit un de Jewaulten unjadon to sennen, to jehorchen (jehuarsom), to jiedret goodet Woakj reed to sennen;

²kjeenem to lastren, nich striedarisch to sennen, frintlich, to aule Menschen aule Saunftmoot bewiesen.

³Dan uk wie wieren eenst onveninftich, ojjehuarsom, jinjen err, deenden maunche Bejia un Losten, vebrochten ons Läwen en Boosheit (Vejnieejen) un Aufgonst, vehaust un hausten eenaunda.

⁴Oba aus ons de Leeftolichkjeit un de Menschenleew von onsem Rada (Heilant) - Gottes verendach kjeem,

⁵rad hee ons, nich opp Grunt von de Woakjen, dee, en Jerajchtichkjeit vollbrocht, wie jedonen hauden, sonda no sienem Erboarmen derch daut Wauschen de Wadajeburt un nie moaken em Heiljen Jeist,

⁶däm hee äwa ons utjegoten haft derch Jesus Christus, onsem Rada,

⁷doamet wie, jerajchtfoadicht worden derch siene Jnod, Oawen worden no de Hopninj opp daut eewje Läwen.

⁸Daut Wuat es jewess; un ekj well, daut du opp dise Dinj faust besteist, om daut dee, dee Gott jejleeft ha, Sorjen droagen, goode Woakjen to doonen (driewen). Dit es goot un nitzlich fa de Menschen.

⁹Oba oschuldje (dwautsche) Strietfroagen Jeschlajchtsrejista un Zanken un Striet äwa daut Jesaz go utem Wajch, dan dee sent nutzloos un vejäfs.

¹⁰Eenen Mensch dee eene Sakjt unjastett wies auf no eene ooda eene tweede Ermonunk (Trajchtwiesunk),

¹¹doa du weetst, daut soo eena vekjieet es un sindicht, endäm hee derch sikj selfst veuadeelt es.

¹²Wan ekj Artemas ooda Tiechikus no die schekjen woa, soo spood die, no mie no Nikopolis to komen, dan ekj ha beschlooten, doa to äwawintren.

¹³Zenas, däm Jesazesliera, un Apollos jeff sorjfeltich (iernsthauft) aules met fa de Reis, om dautet an aun nuscht manglen woat.

¹⁴Oba uk de Onsaje sellen lieren, fa de needje Bederfnisen, flietich goode Woakjen doonen, doamet see nich fruchtloos sent.

¹⁵Daut jreessen die aula, dee bie mie sent. Jrees, dee ons leew ha em Gloowen. De Jnod es met junt aulen!