Read De Bibel JHF Hebräa 6 Bible Online

Hebräa 6 - De Bibel JHF bible

Hebräa 6

¹Doawäajen, well wie daut Wuat von däm Aunfank, de Lia von Christus loten, lot ons wiedagonen toom vollen Erwosnen un nich wada eenen Grunt lajen met daut Omdenkjen (Busse) von doodje Woakjen un däm Gloowen aun Gott,

²de Lia von de Doop (Deepen) un Henj opplajen un daut de Doodes oppstonen un daut eewje Jerecht.

³Un dit woa (well) wie doonen, wan Gott daut toolat.

⁴Dan daut es ommäajlich, deejanje, dee eenmol em (nom) Licht jekomen wieren un jeschmakjt ha de himlische Gow, un däm Heilja Jeist deelhauftich jeworden sent,

⁵un jeschmakjt ha daut goode Wuat Gottes un de Kjraften de tookjinftje Welt,

⁶un aufjefollen sent, wada nie moaken (oppfreschen) toom Omdenkjen, endäm see dän Sän Gottes fa sikj selfst kjriezjen un am to Schaund (Spott) moaken.

⁷Dan de Ieed, dee foaken dän komenden Räajen drinkjt, un nutzboaret Jewauss väabrinjt fa deejanje, om dee äa wellen daut uk bebut woat, kjricht Säajen von Gott;

⁸oba wan daut Dornen un Distlen väabrinjt, soo es daut nich to brucken (nuscht wieet) un däm Fluch dichtbie, un sien Enj fieet to Vebrennunk.

⁹Oba wie sent waut junt betraft, Jeleewde, von bätre un met de Radunk (Seelichkjeit) vebungne Dinja äwazeicht, wan wie uk soo räden.

¹⁰Dan Gott es nich ojjerajcht, june Woakjen to vejäten un de Leew, dee jie fa sienen Nomen bewäsen ha, doa jie de Heilje jedeent ha un deenen.

¹¹Oba wie wenschen sea, daut een jiedra von junt dän seljen Iernst (Iewa) bewiest to volle Jewesheit de Hopninj bot aum Enj,

¹²doamet jie nich ful (looj) woaren, sonda Nofolja von dän, dee derch Gloowen un Langmoot (Jedult) de Vespräakjungen oawen.

¹³Dan aus Gott däm Abraham daut Vespräakjen jeef, schwua hee, wiels hee bie kjeenem Jratren jeschwuaren haud, bie sikj selfst,

¹⁴un säd: «Woarhauft, en säajnen woa ekj die säajnen un ekj woa die sea vemieren». {1Mo.22,17}

¹⁵Un nodäm hee soo jeduldich jeluat (utjehoolen) haud, kjrieech hee daut Vespräakjen.

¹⁶Dan Menschen schwieren bie däm Jratren, un de Eit (Schwua) es an een Enj fa aule Wadaräd to Bestädjunk;

¹⁷doawäajen wull Gott, dän Oawen von daut Vespräakjen, sienen onveendalicha Rotschluss noch kloara wiesen, endäm hee aus Meddel (Garantie) met eenem Eit (Schwua) haundelt,

¹⁸doamet daut wie derch twee onveendaliche Dinj, bie daut et ommäajlich wia, daut Gott lieejen sull (kunn), eenen stoakjen Troost hauden, dee wie Tooflucht jenomen ha toom fausthoolen aun dee ver ons ligjende Hopninj,

¹⁹dise ha wie, aus eenen sechren un fausten Anka fa de Seel, dee uk en daut Bennaschte vom Väahank (Aulaheilichste) nenjeit,

²⁰wuahan Jesus aus Väarana (Ieeschta) fa ons nenn jegonen es, woona (dee doa) Huagapriesta jeworden es en Eewichkjeit no Melchisedek siene Ordninj.