Read De Bibel JHF Hebräa 9 Bible Online

Hebräa 9 - De Bibel JHF bible

Hebräa 9

¹Aulsoo, daut haud zwoa uk de ieeschta Bunt Sazungen (Väaschreften) fa däm Gottesdeenst un daut irdische Heilichtum.

²Dan een Zelt wort toojereet (jemoakt), daut ieeschte (väaschte Aufdeel), en daut (Zelt) soo aus de Laumpenhoola wia aus uk de Desch un de Doastalunk de Brood (du... saust oppem Desch emma, ver mie, Brood toom aunkjikjen lajen), {2Mo.25,30} daut jenant woat daut Heilje;

³oba hinja dän tweeden Väahank em Zelt, daut soojenande Aulaheilichste,

⁴dee eenen goldnen Rieekja-Aultoa haft un de Lod (een Kausten) toom Bunt {2Mo.25,10}, von aule Sieden met Golt betrocken, en dee de goldne Kruck met Mauna wia, un Aaron sien Stock, dee utjeloten haud, un de Toflen vom Bunt;

⁵oba äwa ar (de Lod) de Cherubim de Harlichkjeit, dee däm Jnodenstool Schauten jeewen, äwa dise Dinj nu nich em eenselnen to räden es.

⁶Oba doa dit soo enjerecht es, gonen en daut väaschte Zelt (Aufdeel) emma de Priesta nenn un vollbrinjen dän Deenst (Gottesdeenst),

⁷oba en daut tweede (Zelt Aufdeel) eenmol em Joa auleen de Huagapriesta, nich onen Bloot, daut hee fa sikj selfst un fa de Vebiestrungen (onweetent jesindicht) em Volkj opfat;

⁸wuaderch de Heilja Jeist dit oppwiest, daut de Wajch toom Heilichtum noch nich jeopenboat es, soolang daut väaschte (ieeschte) Zelt noch Bestaund haft,

⁹daut een Jlikjnis fa de jäajenwuatje Tiet es, nodäm soo aus Gowen aus uk Opfa (Schlachtopfa) jeopfat woaren, dee nom Jewessen no, däm nich vollkomen moaken kjennen, dee dän Gottesdeenst verecht,

¹⁰dee auleen en Moltieden un Jedrenkjen un veschiedenstet Wauschen besteit, en Väaschreften vom Fleesch, oppjelajcht bot opp de Tiet wua aules wada tracht jebrocht es (wort) (rajchte Ordninj).

¹¹Oba Christus, jekomen aus Huagapriesta de tookjinftje Rikjdoms (goode Dinja), derch daut jratre un vollkomne Zelt, daut nich met Henj jemoakt, (daut nich von dise Erschaufunk es),

¹²uk nich derch Bloot von Bakj un Kjalwa, sonda derch sien ieejnet Bloot, es een fa aulemol en daut Heilichtum nenn jegonen, aus hee eene eewje Erleesunk fa ons jekjräajen haud.

¹³Dan wan daut Bloot von Bakj un Bolles un de Ausch von eene junge Koo, opp de Orreine besprenjt, to Reinjunk von Fleesch heilicht,

¹⁴wooväl mea woat Christus sien Bloot, dee derch dän eewjen Jeist sikj selfst onen Plak (onschuldich, rein) Gott jeopfat haft, ons (jun) Jewessen reinjen von doodje Woakjen, om däm läwendjen Gott to deenen!

¹⁵Un doawäajen es hee Vemedla von eenen nieen Bunt, doamet, doa de Doot enjegonen (passieed) es to Erleesunk von de Äwaträdungen unja däm ieeschten Bunt, de Beroopne de Vespräakjunk toom eewjen Oawgoot emfangen;

¹⁶(dan wua een Tastament es, doa mott onbedinjt de Doot oppjewäsen woaren, von däm, dee daut Tastament jemoakt haft.

¹⁷Dan een Tastament haft Krauft, wan de Doot faustjestalt es, wiels daut niemols Krauft haft, soo lang dee läft, dee daut Tastament jemoakt haft);

¹⁸doahäa es uk de ieeschta Bunt nich onen Bloot enjeweit worden.

¹⁹Dan aus jiedret Jeboot nom Jesaz von Moses no daut gaunze Volkj jerät wia, neem hee daut Bloot von Kjalwa un Bakj met Wota un roode Woll un Iessopp un besprezt soo aus daut Buak selfst aus uk daut gaunze Volkj,

²⁰un säd: «Dit es daut Bloot vom Bunt, daut Gott fa junt befoolen haft». {2Mo.24,8}

²¹Oba uk daut Zelt un aule Jefässa toom Deenst besprezt hee krakjt soo met daut Bloot;

²²un meist aule Dinja woaren no daut Jesaz met Bloot jereinicht, un onen Bloot vejeeten jeft et kjeene Vejäwunk.

²³Aulsoo, wia daut needich, daut de Väabilda de Dinj en de Himmel derch soont jereinicht worden, oba de himlische Dinj selfst derch bätre Opfa aus dise.

²⁴Dan de Christus es nich nenn jegonen en daut met Henj jemoakte Heilichtum, een Schautenbilt (Väabilt) opp daut woarhauftje, sonda em Himmel selfst, om nu ver daut Aunjesecht Gottes fa ons entostonen;

²⁵uk nich, om daut hee sikj selfst foaken opfad, aus de Huagapriesta jieda Joa en daut Heilichtum nenjeit met framdet Bloot;

²⁶sest haud hee foaken lieden must von Gruntloag de Welt aun; oba nu es hee eenmol aum Enj de Tieden jeopenboat worden toom aufschaufen de Sinden derch sien Opfa.

²⁷Un soo aus et de Menschen bestemt es, eenmol to stoawen, oba no däm daut Jerecht,

²⁸soo uk de Christus, nodäm hee eenmol jeopfat worden es, om de Sinden von väle to droagen (opp sikj to nämen), toom sien tweedet Mol wan hee kjemt no dän, dee opp am luaren, woat daut nich wäajen äare Sinden sennen (Seelichkjeit).