Read De Bibel JHF 1. Petrus 1 Bible Online

1. Petrus 1 - De Bibel JHF bible

1. Petrus 1

¹Petrus, Apostel Jesus Christus, aun de Uterwälde, Framde en de Vestreiung, en Pontus, Galatien, Kapadozien, Asien un Bitienien,

²no de Väabestemmung Gottes, däm Voda, derch Heiljunk {2Tes.2,13} vom (em) Jeist, toom Jehuarsom un to Blootbesprenjung Jesus Christus: Jnod un Fräd es met junt vemieet.

³Jepreist (jeieet, veharlicht) es dee Gott un Voda von onsem Harn Jesus Christus, dee no sienem groote Erboarmen ons wadajebuaren haft to eene läwendje Hopninj derch de Oppstoninj Jesus Christus von (ut) de Doodje,

⁴to eenem onveweslichen un onbeflekjtem un onvewalkjlichen Oawdeel, daut en de Himmel oppbewoat es fa junt,

⁵dee jie derch Gottes Krauft (Macht) derch Gloowen bewoat woaren to Radunk, dee reed jemoakt es, en de latzte Tiet jeopenboat to woaren;

⁶doaräwa jubel jie, dee jie nu eene kjliene (korte) Tiet, wan daut needich es, betriept sent derch veschiedne Vesieekjungen,

⁷doamet de Ajchtheit von junen Gloowen, väl kostboara aus dee von Golt, daut vejeit, oba derch Fia erproowt woat, jefungen woat toom Loff un Harlichkjeit un Iea en de Openboarunk Jesus Christus;

⁸däm jie, nich jeseenen ha, leewen; aun däm jie jleewen, jie am nu uk nich seenen, jie met onutspräakjliche un harliche Freid jublen,

⁹endäm daut Enj von junen Gloowen, de Radunk de Seelen, doavon droagen;

¹⁰äwa dise Radunk Profeeten nosochte un noforschte, dee von de Jnod junt jäajenäwa jeprofezeit ha,

¹¹forschten, opp woone ooda waut vere Tiet de Jeist Christi, dee en an wia, handied, aus hee von däm Lieden, dee opp Christus komen sullen, un von de Harlichkjeit doano, verhäa zeijde;

¹²an wort daut jeopenboat, daut see nich fa sikj selfst, sonda fa junt de Dinj bedeenden, dee junt nu vekjindicht worden sent, derch dee, dee junt de frooe Bootschoft vekjindicht ha, derch däm vom Himmel jeschekjten Heiljen Jeist, en däm de Enjel nenn to kjikjen jankad.

¹³Doawäajen omschneat de Lenden juna Jesennunk, siet nichta un hopt gaunz opp de Jnod, dee junt jebrocht woat bie de Openboarunk Jesus Christus;

¹⁴aus Kjinja vom Jehuarsom paust junt nich aun no de verhäaje Losten en junem Onweetens,

¹⁵sonda aus dee, dee junt beroopen (jewält) haft, heilich es, siet uk jie heilich en aulem Waundel;

¹⁶doawäajen, wiels jeschräwen steit: «Siet heilich, dan ekj sie heilich». {3Mo.11,45}

¹⁷Un wan jie däm aus Voda aunroopen, dee onen Aunseenen de Persoon recht no eenem jiedrem sien Woakj, soo waundelt de Tiet, en junem opphoolen hia aus Framde, en Forcht,

¹⁸endäm jie weeten, daut jie nich met vejenkjliche Dinj, met Selwa ooda Golt, erleest worden sent von junem iedlen (nutzloosen), von de Vodasch äwaleewaden Waundel,

¹⁹sonda met däm kostboarem Bloot Christi, aus eenem Laum onen Fäla un onen Plaken;

²⁰woona zwoa verhäa erkjant es ver Gruntloag de Welt, oba jeopenboat worden aum Enj de Tieden om junt haulwen,

²¹dee jie derch am jleewen aun Gott, dee am von (ut) de Doodje oppjewakjt un am Harlichkjeit jejäft haft, soo daut jun Gloowen un june Hopninj opp Gott es.

²²Doa jie june Seelen jereinicht ha, derch däm Jehuarsom, jäajen de Woarheit to onjeheichelte Broodaleew, soo leeft eenaunda aunhoolent (jenietsch) ut reinem Hoaten,

²³dee jie nich wadajebuaren sent ut vejenkjlichen Somen, sonda ut onvejenkjlichem, derch daut läwendje un bliewende Wuat Gottes;

²⁴dan «aulet Fleesch es aus Grauss, un aule siene Harlichkjeit aus de Bloom aum Grauss. Daut Grauss es vedrieecht, un [siene] Bloom es aufjefollen;

²⁵oba daut Wuat vom Harn blift en Eewichkjeit». {Jes.40,6-8} Oba dit es daut Wuat, daut junt, [aus de frooe Bootschoft,] vekjindicht worden es.