Read De Bibel JHF 2. Petrus 2 Bible Online

2. Petrus 2 - De Bibel JHF bible

2. Petrus 2

¹Oba doa wieren uk faulsche Profeeten unja däm Volkj, aus uk unja junt faulsche Liera sennen woaren, dee vedoawliche Sakjte ennfieren woaren un däm Harn velieejen, dee an jekoft (dee fa an däm gaunzen Pries betolt haft) haft, un sikj selfst een schwindet Vedoawnis to (nenn) trakjen (brinjen woaren).

²Un väle woaren äa utschweife (onnsittlichet Läwen) nofoljen; om dee äa wellen (haulwen) de Wajch de Woarheit velastat (vespott) woaren woat.

³Un derch Habsucht woaren see junt met utjedochte (vefierarische) Wieed utnutzen; dän daut Jerecht, von oole Tieden häa, nich trigjhild (aufhilt), un äa Vedoawen schlumat (schlapt) nich.

⁴Dan wan Gott Enjel, dee jesindicht hauden, nich veschoond, sonda, dän (dee) em deepsten Aufgrunt (Tartarus; EN GRIECHISCH de Plauz fa dee jestorwne Gottloose) raufschmeet, en Kjäden de Diestanis (Hall) äwajeef, om oppbewoat to woaren fa daut Jerecht;

⁵un dee oole Welt nich veschoond, sonda blooss Noah, dän Vekjindja de Jerajchtichkjeit, met säwen aundre, am aus achten bewoat haft, aus hee de Sindflut äwa de Welt de Gottloose brocht,

⁶un de Städa Sodom un Gomorra ennauscht un to Unjagonen veuadeeld, endäm hee an dän, dee gottloos läwen wudden, aus Biespel hanstald;

⁷un däm jerajchten Loot rad, dee von däm utschweifendem Waundel de Jesazloose jekjwält wort;

⁸(dan dee unja an wonenda Jerajchta kjwäld doaderch, daut, waut hee sach un hieed, Dach fa Dach siene jerajchte Seel met äare jesazloose Woakjen),...

⁹De Har weet de Fromme (Gottseelje) ut de Vesieekjunk to raden, oba de Ojjerajchte opptobewoaren opp däm Jerechtsdach, om bestroft to woaren;

¹⁰oba besondasch dee, dee en de Lost de Beflekjung däm Fleesch nogonen un de Harschoft veachten, Frajche, Ieejenmächtje; see zetren nich, Harlichkjeite to lastren,

¹¹woo doch Enjel, dee aun Krauft un Macht jrata sent, nich een lastalichet Uadeel jäajen an biem Har väabrinjen.

¹²Oba dise, aus onveninftich, natieedelje Tieren, jebuaren aus Natuawäsen toom jefangen woaren un Omkomen, lastren äwa daut, waut see nich weeten, woaren uk en äarem ieejnen Vedoawen omkomen,

¹³endäm see dän Loon de Ojjerajchtichkjeit emfangen; dee aum Dach Schwalje opp Vejnieejen achten, Plaken un Schaundplaken, dee en äare ieejne vefierarische Konst schwalje un met junt toop schmause (Fastlich äten);

¹⁴de Uagen voll Ehebruch ha un von de Sinden nich aufloten, endäm see onbefaustijte Seelen aunlocke; dee een Hoat ha, en Habsucht jeeeft, Kjinja vom fläkje, dee,

¹⁵doa see däm jlikjen Wajch veloten ha, aufjeert sent, endäm see däm Wajch Bieleam nofoljden, däm Sän Beors, dee däm Loon de Ojjerajchtichkjeit leef haud,

¹⁶oba een trajchtwiesen fa siene ieejne Äwaträdunk kjrieech, een sproaklooset Lausttia, met Menschen Stemm räd, wäad däm Onvestaund (Errsenn) von däm Profeet.

¹⁷Dit sent Kjwalen onen Wota, un Näwel, vom Stormwint jedräwen, dän daut Dunkel de Diestanis oppbewoat es [en Eewichkjeit].

¹⁸De stolte, nuschtje Räden fieren, locke see met fleeschliche Losten derch utschweife deejanje aun, dee jrod (äwens) wajchjerant sent von dän, dee em Errtum läwden;

¹⁹an Frieheit vespruaken, dan see selfst Kjnajchts vonne Vedoawnis sent, dan von wäm wäa äwawaultijt es, disem es hee uk aus Sklow jeworden.

²⁰Dan wan see, entrant de Beflekjunge de Welt derch de Erkjantnis vom Harn un Rada (Heilant) Jesus Christus, oba wada en dise vewekjelt, äwawaultijt worden, soo es äa Latstet oaja jeworden aus daut Ieeschte.

²¹Dan daut wia an bäta, dän Wajch de Jerajchtichkjeit nich erkjant to ha, aus, nodäm see am erkjant ha, omtodreien von däm an äwaleewaden heiljem Jeboot.

²²Daut es an nodäm woaren Sprechwuat passieet: De Hunt kjemt trigj no sienem ieejnen Kolkj, {Spr.26,11} un een jewoschnet Schwien jeit trigj, om sikj em Blott to sellen.