Read De Bibel JHF 2. Petrus 3 Bible Online

2. Petrus 3 - De Bibel JHF bible

2. Petrus 3

¹Disen tweeden Breef, Jeleewde, schriew ekj junt, en (dee beid) däm well ekj junt denkjen halpen june kloare Jesennunk (Denkjen) opptowakjen,

²doamet jie jedenkjen dee vonne Profeeten verhäa jeräde Wieed un daut Jeboot vom Harn un Rada (Heilant) derch june Apostel;

³en däm jie ieeschtens daut weeten, daut enne latste Doag Spata met Spott komen woaren, dee no äare ieejne Losten waundlen

⁴un sajen: Wua es de Vespräakjunk von sienem Komen (Wadakomen)? Dan von donn aun aus de Vodasch entschlopen (jestorwen) sent, blift aules soo aus et von Aunfank de Erschaufunk wia.

⁵Dan no äarem ieejnen Wellen es an dit vestoaken, daut von oole Tieden häa Himmel wieren un eene Ieed, entstonen ut Wota un derch (em) Wota derch daut Wuat Gottes,

⁶derch daut (Wota) jane Welt, vom Wota äwaschwamt, unjajinkj.

⁷Oba de vondoagje Himmels un de Ieed sent derch sien Wuat oppbewoat, fa daut Fia bewoat opp däm (eenen) Dach toom Jerecht un de Vedoawnis de gottloose Menschen.

⁸Oba dit eene saul junt nich veborjen sennen, Jeleewde, daut een Dach biem Har es - aus 1000 Joa, un 1000 Joa - aus een Dach.

⁹[De] Har vetrakjt nich de Vespräakjunk, aus et atelje fa een Vetrakjen achten, sonda hee es jeduldich jäajen junt, doa hee nich well, daut atelje veloaren gonen, sonda daut aule toom Omdenkjen (Busse) komen.

¹⁰Oba daut woat de Dach vom Harn komen aus een Deef, aun däm de Himmel vegonen woaren met jewaultjem Jebruzh, oba de Elämente (daut Jeschaufne) woaren enne Gluaje oppjeleest un de Ieed un de Woakjen opp äa vebrent woaren.

¹¹Doa dit aules oppjeleest woat, woo sell jie dan sennen em heiljen Waundel un Gottseelichkjeit!

¹²Endäm jie luaren un om dautet schwinda jeit met däm Aunkomen vom Dach Gottes, doawäajen de Himmel, en Braunt jesat, woaren oppjeleest un de Elämente enne Gluaje veschmelten woaren?

¹³Oba wie luaren, no siene Vespräakjunk, nia Himmel un eene niee Ieed, en däm Jerajchtichkjeit wont.

¹⁴Doawäajen, Jeleewde, doa jie doano luaren, bemieecht junt iewrich, onen Plaken un fälaloos von am jefungen to woaren en Fräd.

¹⁵Un acht de Jedult von onsem Harn fa june Radunk, soo aus uk ons jeleewda Brooda Paulus no dee am jejäfte Weisheit junt jeschräwen haft,

¹⁶aus uk en aule siene Breew, wan hee en dän selwjen von dise Dinj räd, von dän atelje schwoa to vestonen sent, dee de Onweetenheit un Onbefaustijte vedreien, aus uk de äwaje Schreften, to äarem ieejnen Vedoawen.

¹⁷Aulsoo jie, Jeleewde, doa jie daut verhäa weeten, soo heed junt, daut jie nich, derch dän Errsenn de Jesazloose met wajchjeräten woaren, ut june ieejne Faustichkjeit faulen.

¹⁸Oba waust en de Jnod un Erkjantnis von onsem Harn un Rada (Heilant) Jesus Christus. Am jehieet (es) de Harlichkjeit (Iea), soo aus nu, aus uk aun (fa) däm Dach de Eewichkjeit! Amen.