Read De Bibel JHF 1. Johanes 1 Bible Online

1. Johanes 1 - De Bibel JHF bible

1. Johanes 1

¹Waut vom Aunfank wia, waut wie jehieet, waut wie met onse Uagen jeseenen, waut wie aunjekjikjt un onse Henj befoten (aunjefoten) ha, betrafs daut Wuat vom (von daut) Läwen;

²(un daut Läwen es jeopenboat worden, un wie ha jeseenen un bezeijen un vekjindjen junt daut eewje Läwen, daut bie däm Voda wia un ons jeopenboat worden es);

³waut wie jeseenen un jehieet ha, vekjindj wie junt, doamet uk jie met ons Jemeenschoft haben; un zwoa es onse Jemeenschoft met däm Voda un met sienem Sän Jesus Christus.

⁴Un dit schriew wie junt, doamet june (onse) Freid vollkomen es.

⁵Un dit es de Bootschoft, dee wie von am jehieet ha un junt vekjindicht; daut Gott Licht es un goa kjeene Diestanis en am es.

⁶Wan wie sajen, daut wie Jemeenschoft met am haben, un waundlen en de Diestanis, soo lieej wie un doonen nich de Woarheit.

⁷Oba wan wie en däm Licht waundlen, soo aus hee en däm Licht es, soo ha wie Jemeenschoft metenaunda, un daut Bloot Jesu Christi, von sienem Sän, reinicht ons von aule Sinden.

⁸Wan wie sajen, daut wie kjeene Sinden haben, soo bedroag (vefiere) wie ons selfst, un de Woarheit es nich en ons.

⁹Wan wie onse Sinden bekjanen, soo es hee tru un jerajcht, daut hee ons de Sinden vejäft un ons reinicht von aule Ojjerajchtichkjeit.

¹⁰Wan wie sajen, daut wie nich jesindicht ha, soo moak wie am toom Läajna, un sien Wuat es nich en ons.